KazanForum чарасында институт эшләре тәкъдим ителә

14-16 май Казанда Халыкара KazanForum чарасы уза. Форум кысаларында "NLP өлкәсендә ясалма интеллект: бүгенге хәле һәм перспективалар" дип аталган махсус сессия дә оештырыла.

Бу чарада аерым алганда Тетраграф платформасы тәкъдим ителәчәк. ТР Фәннәр академиясенең Гамәли семиотика институты хәзерге вакытта үз ресурсларын шушы платформа белән интеграцияләү эшләрен башкара.

Проектның аппарат ягын Мәскәүнең Бауман университеты белгечләре башкарса, эчтәлек ягын ТР Фәннәр академиясе белгечләре тәэмин итәчәк.

Мондый платформалар киләчәктә татар теленең когнитив механизмнарына нигезләнгән яңа буын интеллектуаль системнар булдыруда яңа мөмкинлекләр ачар дип көтелә.

Моннан тыш форум кысаларында узачак күргәзмәдә институтның башка эшләре дә тәкъдим ителә.

🔹Төрки морфема порталы
🔹Туган тел корпусы

Чарада катнашу ирекле, моның өчен форум сайтында теркәлү узарга гына кирәк.

Каналга язылу | TatSoft bot