Інстытут беларускай кнігі

📘 Лізавета Лянкевіч – мастачка, ілюстратарка. Двойчы пераможца прэміі Цёткі за найлепшую кнігу для дзяцей і падлеткаў у мастацкай намінацыі. Працуе як з кнігамі для маленькіх, так і з падлеткавай літаратурай. Стварае ілюстрацыі для беларускіх класічных твораў. За ўдзел Лізы ў фестывалі арганізатары дзякуюць Міжнароднаму саюзу беларускіх пісьменнікаў @bellitinfo.

📗 Аўшра Кюдулайтэ – мастачка, ілюстратарка. Адна з найвядомейшых яе прац – кніга “Шчасце – гэта ліса” ("Laimė yra Lapė") разам з пісьменніцай Эвелінай Дацютэ. Кнігі з ілюстрацыямі Аўшры перакладзены на 30 моваў.

Таксама ў праграме інтэрактыўная літаратурна-музычная праграма ад Віргіса Шыдлаўскаса і творчыя майстар-класы ад Аўшры Кюдулайтэ, Лізы Лянкевіч і паэткі, мастачкі і выкладчыцы Дар’і Роскач.

📚 Падчас фестывалю можна будзе купіць і падпісаць кнігі ў аўтарак і аўтараў. Будзе працаваць стэнд ад віленскай кнігарні "Гартайка".

📎 Акрамя літаратурнай пляцоўкі ў праграме фестывалю багата разнастайных імпрэз, звярніце ўвагу!

Ужо ў гэту суботу, 20 чэрвеня, у Вільні адбудзецца сямейны беларуска-літоўскі фестываль з літаратурнай пляцоўкай. Фестываль арганізуе Асацыяцыя беларускіх бацькоў у Літве @beltevai.

У літаратурных імпрэзах прымуць удзел беларускія і літоўскія аўтаркі і аўтары, якія пішуць для дзяцей:

📙 Ганна Янкута – пісьменніца, паэтка, перакладчыца. Аўтарка аднаго з самых вядомых персанажаў сучаснай беларускай дзіцячай літаратуры – Ката Шпрота.

📘 Андрэй Скурко – паэт, перакладчык. Аўтар некалькі зборнікаў вершаў для дзяцей. Перакладае дзіцячую паэзію і прозу з польскай і англійскай.

📗 Юрга Віле – пісьменніца, перакладчыца. Разам з ілюстратаркай Лінай Ітагакі стварыла адну з найвядомейшых літоўскіх кніг для падлеткаў – “Сібірскія хайку" ("Sibiro haiku"), якая актыўна перакладаецца на іншыя мовы.

📙 Віргіс Шыдлаўскас – пісьменнік, галоўны рэдактар дзіцячага часопіса “Laimiukas”, музыкант. Аўтар некалькіх кніг для дзяцей і падлеткаў.

«Беларусь – гэта святое» – першая пасля турмы кніга пісьменніка, палітыка і былога палітвязня Паўла Севярынца.

📕 «Беларусь – гэта святое» – зборнік-сведчанне, створаны за кратамі.

📖 Што ўнутры кнігі?

📌 71 малюнак беларускіх храмаў – Павел маляваў іх для свайго сына Францішка, пакуль турэмная цэнзура не ўвяла забарону на малюнкі.

📌 71 выслоўе, якое дапамагае знайсці апірышча ў цяжкія часы.

📌 22 вершы, большасць з якіх публікуецца ўпершыню. Вершы Паўлу даводзілася вучыць на памяць, бо ў апошнія гады лісты з вершамі з турмы таксама не выпускалі.

📚 Кнігу можна будзе набыць на Варшаўскім кніжным кірмашы 28-31 траўня, стэнд 11/D5.

❗Самога аўтара на кірмашы ня будзе, але ён пакіне кнігі з аўтографамі.

#варшаўскікніжныкірмаш #павелсевярынец #беларускаякніга #беларускаямова

📚 29.05, пятніца

🔹10. 00 Старт продажаў: "Справа Віктара Бабарыкі. Хроніка палітычнага пераследу ў фактах і дакументах", Сабіна Брыло (Sviedki)

🔹11.00 Старт продажаў: "Linea Laretalis", Яна Гульцяева (Surma)

🔹🖋12.00 Старт продажаў, аўтограф-сесія: "Лексікон "Каласоў пад сярпом тваім", Аляксандр Фядута (Połackija Łabirynty)

🔹12.00 Старт продажаў: "Там, дзе мяне няма", Галіна Войцік (Skaryna Press)

🖋️13.00 Аўтограф-сесія: перакладчык Міхал Карневіч (RozUM)

🔸14.00 Прэзентацыя : "Беларускі снайпер", Лешэк Шарэпка (Kamunikat)

🖋️15.00 Аўтограф-сесія: Алесь Бяляцкі (Połackija Łabirynty)

🔸16.00 Прэзентацыя: "Święte źródło", Уладзімір Някляеў (Centrum Kultury Białoruskiej w Białymstoku)

🖋 17:00 Аўтограф-сесія Андрэя Скурко

📚 30.05, субота

🔹10.00 Старт продажаў: "Атлант расправіў плечы", Айн Рэнд (Januškevič Publishing)

🔹11.00 Старт продажаў: “Раз’юшанасьць і Любоў”, Макс Шчур (RozUM)

🔸12.00 Прэзентацыя: "Горад N.", Ігар Кулікоў (Januškevič)

🔹12.00 Старт продажаў: "Spiritus flat ubi vult. Вершы 1945–1947", Ларыса Геніюш (Skaryna Press)

🔸13.00 Прэзентацыя: "Іншыя Багі", Гаўард Філіпс Лаўкрафт (Gutenberg Publisher)

🖋️14.00 Аўтограф-сесія: Алена Пятровіч, аўтарка кнігі “Сіні дом” (Mianie Niama Publishing)

🔸15.00 Прэзентацыя: сшытак заданняў "Першыя крокі па-беларуску", Ганна Плашчынская (Gutenberg)

🖋️16.00 Аўтограф-сесія: Антон Бяляеў, аўтар кнігі “Як я правёў гэтае лета” (RozUM)

📚 31.05, нядзеля

🖋12.00 Аўтограф-сесія Арцёма Шуканава

🔸13.00 Прэзентацыя: "Норадрэналін", Яўген Анашкін (Gutenberg)

🖋️14.00 Аўтограф-сесія: Віктар Бабарыка (Sviedki)

🔸15.00 Прэзентацыя: “Імёны Свабоды. Частка 1”, Уладзімір Арлоў

🔸16.00 Прэзентацыя: “Вячэра з чужым каханкам”, Валянціна Аксак (Kamunikat)

Сябры, дзелімся праграмай! 👇🏻

📚 28.05, чацвер

🔹 12.00 Старт продажаў: "Успаміны Францішка Міцкевіча" (RozUM Media)

🔸 13.00 "БНР 1918-1920. Ля вытокаў беларускай дзяржаўнасці", Дарота Міхалюк (Kamunikat)

🔸 14.00 Прэзентацыя з нагоды 70-г. кафедры беларусістыкі Варшаўскага ўніверсітэта: "Перыядычныя выданні беларускай эміграцыі: «Пагоня», «Сакавік», «Наперад!»"; "Гутаркі з паэтамі на пачатак 21 ст" ; "Беларуская літаратура пасля 1986 г. Новы погляд"; "Беларусь вачыма моладзі: даследаванні па дэкаланізацыі",  Андрэй Масквін

🔸 15.00 Прэзентацыя: "Лірыка", Наста Кудасава (Kamunikat)

🔸 16.00 Прэзентацыя: "Zabawa w Oswalda, Quest", Аляксандр Лукашук (Kamunikat)

Вітаем, сябры! Літаральна праз пару тыдняў, 28–31 траўня, адбудзецца Варшаўскі кніжны кірмаш.

📚 На беларускім стэндзе можна будзе набыць кнігі выдавецтваў: Lohvinau Publishing House, Arche, hochroth Minsk, Mianie Niama, Skaryna Press, «Янушкевіч», «Пфляўмбаўм», «Вясна» (Прага), Surma, Połackija Łabirynty, Gutenberg Publisher, Studio Magenta, SayBeat, RozUM Media, а таксама выданні Варшаўскага ўніверсітэта, Цэнтра беларускай культуры ў Беластоку, фонду Kamunikat і кнігі з Беларусі.

📋 У праграме салона — выступы і аўтограф-сесіі Алеся Бяляцкага, Аляксандра Фядуты, Дароты Міхалюк, Уладзіміра Арлова; прэзентацыі, аўтограф-сесіі і аўтарскія сустрэчы. Агульная праграма будзе анансаваная неўзабаве.

❗Звярніце ўвагу: сёлета кірмаш мяняе лакацыю! Запрашаем наведаць стэнд «Вольная Беларусь» (11/D5) на PGE Narodowy (al. Księcia Józefa Poniatowskiego 1, 03-901 Warszawa).

🤝 Стэнд «Salon Wolna Białoruś» арганізаваны Інстытутам беларускай кнігі і Цэнтрам беларускай салідарнасці і падтрыманы Centrum Mieroszewskiego.

7 мая ў Варшаве пройдзе прэзентацыя беларускага перакладу кнігі “Пад чырвонай зоркай і свастыкай: Баранавіччына ў 1939—1944 гг. Заходняя Беларусь пад нямецкай і савецкай акупацыяй” з удзелам яе аўтара.

👤 Аляксандр Бракель – нямецкі гісторык і палітолаг, спецыялізуецца на гісторыі Цэнтральнай і Ўсходняй Еўропы, у прыватнасці, Беларусі пад нямецкай акупацыяй (1941-1944). Жыве і працуе ў Вашынгоне. Запрашаны даследчык універсіэту Уэслеан (Wesleyan University).

📕 У кнізе на прыкладзе адміністрацыйнай адзінкі, якая ў міжваеннай Польшчы мела назву Навагрудскага ваяводства, у БССР (1939—1941 і 1944—1954 г.) — Баранавіцкай вобласці, а падчас нямецкай акупацыі (1941—1944 г.) — Баранавіцкай акругі Генеральнага камісарыята Беларусі, даследуецца штодзённае жыццё яе жыхароў.

📚 У аснове - аналіз дакумэнтальных крыніц з 84 фондаў беларускіх, нямецкіх і польскіх архіваў. У кнізе апублікаваныя дзясяткі дакументаў і фатаздымкаў, частка з іх — упершыню.

Сябры, ужо традыцыйна на Міжнародным Варшаўскім кніжным кірмашы (28-31 траўня) будзе дзейнічаць супольны беларускі стэнд Salon Wolna Białoruś.

❗ Важна! Падаць заяўку на ўдзел можна да 20:00 (па польскім часе) 27 красавіка (панядзелак). Заяўкі, дасланыя пазней, не разглядаюцца. Пацвярджэнне будзе даслана на пазначаны ў форме кантакт не пазней за 30 красавіка.

👆🏻 Каб падаць заяўку - запоўніце форму.

📨 Па ўсіх пытаннях, звязаных з удзелам у кірмашы, просім звяртацца на e-mail: instbelknig@gmail.com.

🤗 Да сустрэчы!

📢 Спадарства, як і абяцалі, семінар вяртаецца! Шчыра запрашаем!

🤗 Мы працягнем гаварыць пра тое, пра што пачалі ўвосень. Агульная тэма: "Беларуская кніга: што гэта такое і як мы яе ўспрымаем".

❓Што збіраемся абмеркаваць?

▪️Успрыманне беларускай кнігі ўнутры краіны і за яе межамі.
▪️Сімвалічны капітал кнігі: прадмет гонару, маркер культуры ці проста тавар?
▪️Дыскусія пра асабісты досвед удзельнікаў: што для мяне — беларуская кніга?

📍22 красавіка (серада),
18:00-20:00,
Foksal, 11 (Кабінет/Малая зала).

✔️ Уваход вольны.

Да сустрэчы!

Сябры, вітаем! Рады падзяліцца навінамі:

🎉 ІБК афіцыйна зарэгістраваны ў Польшчы! Гэта дазволіць нам актывізаваць працу і зрабіць арганізацыю больш устойлівай і празрыстай.

🤗 Гэтая падзея натхніла нас на рэстарт тэарэтычнага семінара:

📌 Наступная сустрэча пройдзе ў Варшаве, 22 красавіка (серада), 18.00-20.00 (дакладнае месца абвесцім пазней). Тэма: "Беларуская кніга: што гэта такое і як мы яе ўспрымаем".

❓Што збіраемся абмеркаваць? 

▪️Успрыманне беларускай кнігі ўнутры краіны і за яе межамі.
▪️Сімвалічны капітал кнігі: прадмет гонару, маркер культуры ці проста тавар?
▪️Дыскусія пра асабісты досвед удзельнікаў: што для мяне — беларуская кніга?

🖇️ Таксама запрашаем паўдзельнічаць у апытанні праекта BelRead і прапанаваць твор для перакладу на беларускую мову. Ініцыятыва ўжо выдала зборнік Лаўкрафта, рыхтуе да друку "Эн з зялёных мезанінаў" і працуе над перакладам яшчэ некалькіх твораў. Кнігі абіраюцца праз ананімнае апытанне ў ГуглДокс.

#інстытутбеларускайкнігі #беларускаякніга #беларускаямова

Сябры, вітаем! Запрашаем вас прайсці апытанне, якое ініцыявала выдавецтва Gutenberg Publisher.

Гэта зойме ўсяго 5 хвілін, але дазволіць выдавецтвам крыху лепей зразумець, чаго ад іх чакаюць чытачы 🤗

Тры гады запар мы ладзім беларускі стэнд на галоўным кніжным кірмашы - ў Франкфурце! Якім быў сёлетні досвед?

✔️ Сустрэча “Беларусь: Свабода выказвання ва ўмовах рэпрэсій” з Ірынай Герасімовіч і Альгердам Бахарэвічам (мадэратарка Ала Пігальская):

✔️ Сустрэчы з агенцыямі Creative Europe, NORLA, Flanders/State of Art, Славенскай літаратурнай агенцыяй, дырэкцыяй фестывалю "Кіеўскі Арсенал" аб супрацы.

✔️ Беларускі стэнд на працягу ўсяго кірмаша - ў супрацы з выдавецтвамі Gutenberg Publisher, “Мяне няма”, Skaryna Press, “Chabor”.

🙏🏼 Усё гэта - пры падтрымцы дырэкцыі кірмашу і праграмы EU4Belarus MOST IV Mobility Scheme, якую падтрымлівае Еўразвяз і імплементуе Гётэ-Інстытут. Беларуская панэль не адбылася б без фінансавай падтрымкі S. Fischer Stiftung.

❤️ Нашы шчырыя падзякі:

▪️Аляксандры Дварэцкай - за падрыхтоўку праграмы сустрэч;

▪️Кацярыне Тэвес (S. Fischer Stiftung) - за падтрымку і дапамогу ў арганізацыі сустрэч;

▪️ Таццяне Купрэйчук - за пераклад панэльнай сустрэчы!

🔥 Сябры, Кніжны кірмаш у Франкфурце пачаўся, і мы будзем дзяліцца з вамі самым гарачым 🔥

Шукайце фота ніжэй! 👇🏻

Мы на месцы і чакаем пачатку! 🤗

Кірмаш распачне сваю працу ўжо заўтра.

❗UPD❗ Перанос! Сачыце за абвесткамі, калі ласка 🙏🏻

Сябры, запрашаем далучыцца да другой сустрэчы ў межах нашага пастаяннага семінара. Гэтым разам - у Вільні!

📢 Мы працягнем гаварыць на тэму "Беларуская кніга: што гэта такое і як мы яе ўспрымаем".

❓Што збіраемся абмеркаваць?

▪️Успрыманне беларускай кнігі ўнутры краіны і за яе межамі.
▪️Сімвалічны капітал кнігі: прадмет гонару, маркер культуры ці проста тавар?
▪️Дыскусія пра асабісты досвед удзельнікаў: што для мяне — беларуская кніга?

📍Дзе і калі?

30 верасня, 18:00 - 20:00
Беларускі дом,
Vilniaus g.20

🤗 Будзем радыя сустрэчы!