Sanoat kooperatsiyasi va davlat xaridlari agentligi | ICPPA

🇺🇿MUSTAQILLIGIMIZNING 35 YILLIGI MUBORAK BO‘LSIN!

Hurmatli yurtdoshlar!

Sanoat kooperatsiyasi va davlat xaridlari agentligi jamoasi barcha vatandoshlarimizni O‘zbekiston Respublikasi davlat mustaqilligining 35 yilligi bilan samimiy muborakbod etadi!

Mustaqillik — xalqimizning milliy g‘ururi, erkin va farovon hayoti, mamlakatimizning barqaror taraqqiyoti hamda kelajakka bo‘lgan yuksak ishonchining mustahkam poydevoridir.

Bugun Yangi O‘zbekistonda amalga oshirilayotgan keng ko‘lamli islohotlar, sanoatni rivojlantirish, mahalliy ishlab chiqarishni qo‘llab-quvvatlash, tadbirkorlik uchun yangi imkoniyatlar yaratish va iqtisodiyotimiz raqobatbardoshligini oshirishga qaratilgan sa’y-harakatlar yurtimiz taraqqiyotiga xizmat qilmoqda.

Ushbu ulug‘ ayyomda barcha yurtdoshlarimizga mustahkam sog‘lik, oilaviy baxt-saodat, xonadonlariga tinchlik-xotirjamlik va fayzu baraka tilaymiz.

Vatanimiz tinch, xalqimiz omon, mustaqilligimiz abadiy bo‘lsin!

🇺🇿 O‘zbekiston Respublikasi davlat mustaqilligining 35 yilligi muborak bo‘lsin!

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

O‘zbekiston Respublikasi Prezidenti Shavkat Mirziyoyev Bishkek shahrida o‘tayotgan ShHT sammiti doirasida BMT Bosh kotibi Antoniu Guterrish bilan uchrashuv o‘tkazdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari

35-QAHRAMON | 16 ming turdagi mahsulot — import o‘rniga mahalliy ishlab chiqarish

Kon-metallurgiya sanoatining uzluksiz ishlashi minglab detal va ehtiyot qismlarga bog‘liq. Bugun ularning katta qismi xorijdan emas, Navoiy mashinasozlik zavodining o‘zida ishlab chiqarilmoqda.

“Sanoat qahramonlari” loyihasining 35-qahramoni — Navoiy kon-metallurgiya kombinati Navoiy mashinasozlik zavodi bosh muhandisi o‘rinbosari Islom Rasulov.

⚙️Bugungi kunda kombinatda foydalanilayotgan mexanik ehtiyot qismlarning qariyb 90 foizi ushbu zavodda tayyorlanmoqda. Korxonada 16 ming turdagi mahalliylashtirilgan va import o‘rnini bosuvchi mahsulotlar ishlab chiqariladi.

🏭Zavodni modernizatsiya qilish doirasida 25,1 million dollarlik ikkita yirik loyiha amalga oshirilgan. Bugun bu yerda 3,5 ming nafarga yaqin xodim mehnat qilmoqda.

📈 2025-yilda zavodda 1,7 trillion so‘mdan ortiq sanoat mahsuloti ishlab chiqarilgan bo‘lsa, joriy yilda mahalliylashtirilgan mahsulotlar hajmini 1 trillion 882,1 milliard so‘mga yetkazish maqsad qilingan.

Ilgari import qilingan detal va ehtiyot qismlarni o‘zimizda ishlab chiqarish — nafaqat importni qisqartirish, balki yirik sanoatning texnologik mustaqilligini mustahkamlash demakdir.

🎥 16 ming turdagi mahsulot va 90 foizgacha mahalliy ta’minot haqida batafsil — “Sanoat qahramonlari” loyihasining 35-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

📚Davlat xaridlari bo‘yicha bilim va amaliy ko‘nikmalarni oshirish imkoniyati

Sanoat kooperatsiyasi va davlat xaridlari agentligi tomonidan davlat xaridlari sohasida faoliyat yuritayotgan mutaxassislar uchun yangi tashkil etilgan platforma orqali bepul onlayn o‘quv kursi tashkil etildi.

O‘quv dasturi 20 ta moduldan iborat bo‘lib, unda davlat xaridlarining huquqiy asoslaridan tortib, xaridlarni rejalashtirish, boshlang‘ich narxni shakllantirish, texnik topshiriq tayyorlash, xarid usullari, nazorat mexanizmlari va zamonaviy yondashuvlargacha bo‘lgan muhim mavzular qamrab olingan.

💻 Ta’lim jarayoni to‘liq onlayn shaklda tashkil etiladi. Videodarslar bilan birga testlar, amaliy keyslar va vaziyatli masalalar orqali olingan bilimlarni mustahkamlash imkoniyati yaratilgan.

✅ O’quv kurslari joriy yilning sentabr oyidan boshlanishi rejalashtirilmoqda.

🎥 Kurs kimlar uchun mo‘ljallangan, unda nimalar o‘rgatiladi va o‘quv jarayoni qanday tashkil etilgan?

Batafsil — videoda.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari

34-QAHRAMON | $800 millionlik import o‘rnini endi mahalliy mahsulot egalladi

O‘zbekistonda shu paytgacha to‘liq import hisobiga qoplangan yana bir yirik sanoat mahsulotini o‘zimizda ishlab chiqarish imkoniyati yaratildi.

“Sanoat qahramonlari” loyihasining 34-qahramoni — “O‘zmetkombinat” AJ Boshqaruv raisi Bahodir Abdullayev.

🏭 Kombinatda ishga tushirilgan yangi prokatlash kompleksi mamlakatimizda ilgari ishlab chiqarilmagan issiq prokatlangan rulonli po‘lat mahsulotlarini mahalliylashtirish imkonini bermoqda.

📊 O‘tgan yilning o‘zida O‘zbekistonga qariyb 1,5 million tonna — 800 million dollarlik ushbu mahsulot import qilingan. Yangi majmua hisobiga bu talabni mahalliy ishlab chiqarish bilan qoplash, 300 million dollardan ziyod qo‘shilgan qiymatni O‘zbekistonda yaratish ko‘zda tutilgan.

Loyiha sanoat kooperatsiyasi bilan birga 3 mingdan ortiq yangi ish o‘rni yaratilishiga xizmat qiladi.

⚙️ “O‘zmetkombinat”da ishlab chiqarishni kengaytirish bilan birga “aqlli kombinat” tizimi ham shakllantirilmoqda. Xomashyo tashuvchi transport uchun elektron navbat joriy etilishi natijasida ularni qabul qilish imkoniyati 40 foizga oshgan. Yangi raqamli yechimlar esa ishlab chiqarish samaradorligini oshirish va mahsulot tannarxini pasaytirishga qaratilgan.

$800 millionlik importdan — mahalliy ishlab chiqarish va $300 milliondan ortiq qo‘shilgan qiymatgacha.

🎥 Yangi prokatlash kompleksi O‘zbekiston metallurgiya sanoatiga qanday imkoniyatlar yaratadi?

Batafsil — “Sanoat qahramonlari” loyihasining 34-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🏛️ HAFTALIK DAYJEST | 24-29 avgust, 2026-yil

Hafta davomida Sanoat kooperatsiyasi va davlat xaridlari agentligi tomonidan quyidagi muhim tadbirlar amalga oshirildi:

✔️ 34 mlrd so‘mlik import o‘rnini bosuvchi mahsulot mahalliylashtirilmoqda, Sho‘rtan neft va gaz qazib chiqarish boshqarmasida gazni tayyorlash va tozalash jarayonlarida qo‘llaniladigan NaA markali seolitni mahalliylashtirish bo‘yicha amaliy ishlar olib borilmoqda.

🎤 Prezident Shavkat Mirziyoyevning tadbirkorlar bilan VI ochiq muloqotida belgilangan vazifalar asosida sanoat kooperatsiyasi va davlat xaridlari tizimida yaratilayotgan yangi imkoniyatlar “O‘zbekiston 24” telekanalining “Ortga qaytmas islohotlar” ko‘rsatuvida yoritildi.

➡️Prezidentning PQ-104-son qaroriga muvofiq, 2026-yil 1-sentabrdan bojxona to‘lovlari bo‘yicha imtiyozlar qo‘llagan holda import qilinadigan tovarlar ro‘yxatini kompleks ekspertizadan o‘tkazish funksiyasi “O‘zbekekspertiza” AJga o‘tkaziladi.

🇺🇿Agentlikda O‘zbekiston Respublikasi davlat mustaqilligining 35 yilligi munosabati bilan bayram tadbiri tashkil etildi.

🎤 Agentlikning Andijon viloyati loyiha ofisi tashabbusi bilan mahalliy ishlab chiqaruvchilar va tadbirkorlar ishtirokida ochiq muloqot o‘tkazildi.

🤝 Agentlik va BMTning Sanoatni rivojlantirish tashkiloti — UNIDO vakillari o‘rtasida onlayn uchrashuv o‘tkazilib, sanoat kooperatsiyasini rivojlantirish bo‘yicha hamkorlikning istiqbolli yo‘nalishlari ko‘rib chiqildi.

🇺🇿🇰🇷 Agentlik direktori Baxtiyor Xaydarov Koreya Respublikasining O‘zbekistondagi Favqulodda va Muxtor elchisi Von Do Yon boshchiligidagi delegatsiya bilan uchrashdi.

🇺🇿🇨🇳 Xitoyning Suzhou shahrida Suzhou New District Bonded Zone mutasaddilari hamda yangi energetika, sanoat zonalarini rejalashtirish, savdo-investitsiya va yuqori texnologiyalar yo‘nalishidagi yetakchi kompaniyalar vakillari bilan amaliy uchrashuv o‘tkazildi.

📍 Agentlikning hududiy loyiha ofislari tomonidan mahalliy ishlab chiqaruvchilar va tadbirkorlik subyektlari bilan bevosita uchrashuvlar o‘tkazilib, ularning faoliyati, mavjud muammo va takliflari o‘rganilmoqda.

🇺🇿O‘zbekiston Mustaqilligining 35 yilligi munosabati bilan Agentlik tomonidan “Sanoat qahramonlari” maxsus loyihasining 21–33-sonlari e’lon qilindi.

➡️ Agentlik faoliyatidagi eng muhim yangiliklarni kuzatib boring.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari

33-QAHRAMON | Mahalliy ishlab chiqarishdan — AQSh bozorigacha

Mahalliylashtirish — shunchaki import mahsulotini o‘zimizda ishlab chiqarish emas. Bu — texnologiyani o‘zlashtirish, yuqori qo‘shilgan qiymat yaratish va milliy kompaniyalarni global sanoat zanjiriga olib chiqish demakdir.

“Sanoat qahramonlari” loyihasining 33-qahramoni — “AKFA Aluminium” bosh operatsion direktori Alisher Sirojiddinov.

🏭 Bugun kompaniya alyuminiy profillarini ishlab chiqarish bilan cheklanmay, ishlab chiqarish zanjirini chuqurlashtirish, zamonaviy texnologiyalarni o‘zlashtirish va mahalliy mutaxassislarning salohiyatini oshirishga e’tibor qaratmoqda.

🌐 Navbatdagi katta qadam — Amerika Qo‘shma Shtatlarida zamonaviy alyuminiy ekstruziyasi zavodini tashkil etish. Loyiha O‘zbekistonda shakllangan sanoat tajribasi va texnologik kompetensiyalarni dunyoning eng talabchan bozorlaridan biriga olib chiqishga xizmat qiladi.

“O‘zbekistonda ishlab chiqarilgan” — nafaqat kelib chiqish, balki sifat va raqobatbardoshlik belgisiga aylanishi kerak.

🎥 Mahalliylashtirishdan global sanoat zanjirigacha bo‘lgan yo‘l haqida — “Sanoat qahramonlari” loyihasining 33-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿🇺🇸Oregon shtati 1-sentabrni “O‘zbekiston Mustaqilligi kuni” deb e’lon qildi

📆 AQShning Oregon shtati gubernatori Tina Kotek 2026-yil 1-sentabrni shtat miqyosida “O‘zbekiston Mustaqilligi kuni” (Uzbekistan Independence Day) deb rasman e’lon qildi. Tegishli proklamatsiya Oregon davlat kotibi Tobias Rid tomonidan ham tasdiqlangan.

Mazkur qaror O‘zbekiston davlat mustaqilligining 35 yilligi munosabati bilan qabul qilingan. Proklamatsiyada mamlakatimizning suverenitetini mustahkamlash, boy madaniy merosini asrab-avaylash, tinchlik va farovonlikni ta’minlash, shuningdek, iqtisodiy va ijtimoiy islohotlarni izchil amalga oshirish borasidagi sa’y-harakatlari qayd etilgan.

Hujjatda O‘zbekistonning xalqaro maydondagi faolligi va Markaziy Osiyoda mintaqaviy hamkorlikni rivojlantirishdagi o‘rni, shuningdek, O‘zbekiston–AQSh munosabatlarining savdo, investitsiyalar, texnologiyalar, ta’lim, toza energetika, turizm va xalqlararo almashinuvlar yo‘nalishlarida kengayib borayotgani e’tirof etilgan.

O‘zbekiston Mustaqilligi kunining AQShning butun bir shtati miqyosida rasman e’tirof etilishi mamlakatimizga bo‘lgan xalqaro e’tibor va O‘zbekiston–AQSh munosabatlari tobora kengayib borayotganining muhim ifodasidir.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

#Sanoat_Qahramonlari

32-QAHRAMON | Avtomobildan — butun boshli sanoat zanjirigacha

Bitta avtomobil — minglab detallar. Ularning tobora ko‘proq qismini O‘zbekistonda ishlab chiqarish esa o‘nlab mahalliy korxonalarni yagona sanoat zanjiriga bog‘lamoqda.

“Sanoat qahramonlari” loyihasining 32-qahramoni — “UzAuto Motors” AJ ijrochi direktori Odiljon Bastamqulov.

🚗Bugun kompaniyada avtomobillar uchun zarur butlovchi qismlarni mahalliylashtirish, ilgari import qilingan komponentlarni o‘zimizda ishlab chiqarish hamda mahalliy yetkazib beruvchilar bilan kooperatsiyani kengaytirishga alohida e’tibor qaratilmoqda.

⚙️ Natijada “UzAuto Motors”da mahalliylashtirish darajasi 50 foizdan yuqori ko‘rsatkichga yetgan. Navbatdagi maqsad esa bu ko‘rsatkichni 70 foizga olib chiqish.

Ayniqsa, avtomobil kuzovi uchun presslangan panellar kabi texnologik jihatdan murakkab komponentlarni O‘zbekistonda ishlab chiqarishning o‘zlashtirilayotgani mahalliy avtomobilsozlik sanoatining yangi imkoniyatlarini ochmoqda.

Bu jarayonning ahamiyati faqat bitta avtomobilda qancha mahalliy detal borligi bilan o‘lchanmaydi. Har bir o‘zlashtirilgan komponent — mahalliy korxona uchun yangi buyurtma, yangi texnologiya va sanoat kooperatsiyasidagi yangi imkoniyatdir.

🎥 “UzAuto Motors” mahalliylashtirishni 70 foizga yetkazish uchun qanday vazifalarni oldiga qo‘ygan?

Batafsil — “Sanoat qahramonlari” loyihasining 32-sonida.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

🇺🇿🇨🇳 O‘zbekiston va Xitoy o‘rtasida sanoat zonalarini rivojlantirish bo‘yicha amaliy hamkorlik muhokama qilindi

Joriy yil 28-avgust kuni Agentlik vakillarining taklifiga ko‘ra, Xitoy Xalq Respublikasining Suzhou shahrida Suzhou New District Bonded Zone mutasaddilari hamda yangi energetika, sanoat zonalarini rejalashtirish, arxitektura, savdo-investitsiya va yuqori texnologiyalar sohasida faoliyat yurituvchi yetakchi kompaniyalar vakillari bilan amaliy uchrashuv o‘tkazildi.

Uchrashuv doirasida Agentlik vakillari tomonidan O‘zbekistonning iqtisodiy va investitsiyaviy salohiyati, Agentlikning asosiy vazifalari hamda sanoat kooperatsiyasini rivojlantirish bo‘yicha amalga oshirilayotgan islohotlar yuzasidan taqdimot qilindi.

Shuningdek, taqdimotda Xitoyning Comprehensive Bonded Zone tajribasini O‘zbekistonda qo‘llash bo‘yicha hamkorlik takliflari ilgari surilib, xitoylik tajribali zona operatorini jalb qilish, raqamli bojxona tizimini joriy etish, yirik investorlarni olib kirish, qo‘shma rivojlantirish jamg‘armasini tashkil etish va Xitoyning texnik tajribasidan foydalanish masalalari taqdim etildi. Agentlik xalqaro investorlar va texnologiya egalari bilan qo‘shma sanoat kooperatsiyasi loyihalarini amalga oshirishga tayyorligi bildirildi.

Muloqotlar davomida SCP Consultants bilan esa Suzhou Industrial Park tajribasini O‘zbekistondagi sanoat zonalariga tatbiq etish imkoniyatlari muhokama qilindi. SCP kompaniyasi 14 dan ortiq mamlakatda 2 mingdan ziyod loyihalarda ishtirok etgan bo‘lib, Suzhou Industrial Parkni rejalashtirish bo‘yicha katta tajribaga ega.

Uchrashuv yakunida tomonlar sanoat zonalarini rivojlantirish, texnologiyalarni mahalliylashtirish, sanoat kooperatsiyasi va qo‘shma investitsiya loyihalarini amalga oshirish yo‘nalishlarida amaliy hamkorlikni davom ettirishdan manfaatdor ekanini bildirdi.

🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin

Prezident Shavkat Mirziyoyevning davlat mustaqilligining 35 yilligi munosabati bilan so‘zlagan tabrigidan asosiy fikrlar (ikkinchi qism):

📌 Aholining o‘rtacha umr ko‘rish davomiyligi 1991-yildagi 66,4 yoshdan 2025-yilda 75,4 yoshga yetgani, go‘daklar va onalar o‘limi ko‘rsatkichi 4 barobar kamaygani sohadagi islohotlarimizning eng muhim natijasidir;

📌 Mamlakatimiz taraqqiyotning mutlaqo yangi davriga qadam qo‘ymoqda. Kelgusi o‘n yillik biz uchun milliy yuksalish davri bo‘ladi;

📌 Kelgusi yillarda yurtimizda inson qadrini yanada yuksaltiradigan 7 ta milliy dasturni amalga oshiramiz;

📌 Birinchi milliy dastur bilim va malakani kelgusi taraqqiyotimizning asosiy kapitaliga aylantirishdan iborat bo‘ladi;

📌 Tibbiyotda profilaktikani kuchaytirish orqali salomatlikni asrash modeliga o‘tamiz. Davlat tibbiy sug‘urtasi mamlakatning barcha xonadonlariga kirib boradi;

📌 2030-yilgacha yalpi ichki mahsulot hajmi 300 milliard dollarga yetkaziladi;

📌 To‘rtinchi milliy dastur suv va tabiatga munosabatni tubdan o‘zgartirishga qaratiladi;

📌Fuqarolar va tadbirkorlarning qonuniy kafolatlarini kuchaytirish bo‘yicha islohotlarimizni qat’iy davom ettiramiz;

📌Mahalla jamiyat taraqqiyotining asosiy buyurtmachisiga aylantiriladi;

📌 O‘zbekistonni xalqaro diplomatiyaning muhim markaziga aylantirish uchun ko‘pqirrali, vazmin va muvozanatli tashqi siyosatni davom ettiramiz;

📌 Biz bugun kechagidan kuchlimiz. Nasib etsa, ertaga bundan ham kuchli bo‘lamiz;

📌 Xalq va davlat yagona maqsad yo‘lida birlashib, astoydil harakat qilsa, zabt etib bo‘lmaydigan marraning o‘zi yo‘q. Bunday buyuk qudratga ega xalq va davlatni yenga oladigan kuchning o‘zi yo‘q;

📌 Matonatli, mard va olijanob xalqimiz o‘z oldiga qo‘ygan ulug‘ maqsadlarga albatta yetadi.

Facebook|Instagram|X