EFFECT.UZ | Расмий канал

Тошкентда гигант аэропорт қурилади: унинг макети намойиш этилди

Тошкентда келажакдаги янги аэропортнинг масштабли макети намойиш этилди. Унда улкан терминал, ўнлаб телескопик траплар, учиш-қўниш йўлаклари ва рулёж йўллари акс этган.

Лойиҳага кўра, аэропортда йўловчиларни кутиб олиш ва кузатиш зоналари, перрон ҳамда замонавий инфратузилма объектлари бўлади.

Янги аэропорт кўлами жиҳатидан Москвадаги Домодедово аэропорти билан таққосланмоқда.

Telegram I Facebook I YouTube I Instagram

Ўзбекистоннинг 44,9 млн гектар ери қандай тақсимланган?

2026 йил 1 январь ҳолатига кўра, Ўзбекистоннинг умумий ер майдони 44,9 млн гектарни ташкил этади. Шундан 4,4 млн гектари — суғориладиган ерлар.

Мамлакат ер фонди 8 та тоифага бўлинган:

🔴 Қишлоқ хўжалигига мўлжалланган ерлар — 25,9 млн га;
🔴 Ўрмон фонди ерлари — 11 млн га;
🔴 Табиатни муҳофаза қилиш, соғломлаштириш ва рекреация ерлари — 4,3 млн га;
🔴 Захира ерлар — 1,5 млн га;
🔴 Сув фонди ерлари — 1,2 млн га;
🔴 Саноат, транспорт, алоқа, мудофаа ва бошқа мақсадларга мўлжалланган ерлар — 827,8 минг га;
🔴 Аҳоли пунктлари ерлари — 216,7 минг га;
🔴 Тарихий-маданий аҳамиятга молик ерлар — 34,5 минг га.
📊 Жами — 44,9 млн гектар.

Энг катта улуш қишлоқ хўжалигига мўлжалланган ерларга тўғри келади. Уларнинг майдони мамлакат умумий ер фондининг қарийб 58 фоизини ташкил этади.

Telegram I Facebook I YouTube I Instagram

«Ўзбекча гапиринг» дегани учун самолётдан туширилган блогерга зарари қопланди

Самара–Тошкент рейсидаги можаро якунланди: блогернинг моддий ва маънавий зарари қопланди, авиакомпания узр сўради.
Блогернинг айтишича, у самолётга чиқиш вақтида стюардессадан ўзбек тилида мурожаат қилишни сўраган. Шундан сўнг улар ўртасида тортишув юзага келган ва блогердан самолётдан тушиш сўралган.

Ҳолат ижтимоий тармоқларда муҳокама қилинганидан сўнг Centrum Air ва блогер ўртасида учрашув бўлиб ўтган. Блогернинг маълум қилишича, унинг моддий ва маънавий зарари тўлиқ қопланган. Шунингдек, стюардесса йўл қўйилган хатони тан олган, авиакомпания эса ундан узр сўраган.

Блогер бу ҳақда қуйидагиларни айтади:

«Centrum Air билан бўлган ҳолат ўз ниҳоясига етди. Ҳозир офисларидан чиқиб кетяпман. Моддий ва маънавий зарарим қопланди. Стюардесса опамиз ҳам ўзларидан ўтган хатони тан олдилар. Компания ҳам, албатта, узр сўради. Менинг барча зарарларим қопланди. Centrum Air’га тезкорлик билан муносабат билдиргани учун катта раҳмат».

Шу тариқа, ўзбек тилида мурожаат қилиш масаласидан бошланган можаро томонларнинг келишуви ва зарарнинг қопланиши билан якунланган.

Telegram I Facebook I YouTube I Instagram

Ўзбекистонда 7 та олийгоҳи ТОП-1000 да

2026 йилнинг III чорагида олий таълим, фан ва инновациялар соҳасида қатор муҳим натижалар қайд этилди. Олий таълимда
1,8 млндан зиёд талаба таҳсил олмоқда.
9 та олийгоҳнинг 98 та таълим дастури халқаро аккредитациядан ўтказилди.

Ўзбекистоннинг 7 та олийгоҳи QS рейтингида 12 та йўналиш бўйича ТОП-1000дан жой олди. 9 ойда соҳага
69,7 млн доллар инвестиция жалб қилинди, таълим экспорти 36,9 млн долларни ташкил этди.

7 минг битирувчига бизнес ғояларини амалга ошириш учун 619,7 млрд сўмдан зиёд маблағ ажратилди.
4 300 нафардан зиёд профессор-ўқитувчи хорижда малака оширди ва стажировка ўтади. Илмий тадқиқотлар учун 748 та лойиҳа молиялаштирилди.


Telegram I Facebook I YouTube I Instagram

300 нафар талаба ётоқхонадан чиқарилди: вазирлик ҳолатга изоҳ берди

Тошкент давлат техника университетининг вилоятлардан келиб таҳсил олаётган 300 га яқин талабаси жойлаштирилган ётоқхона бўшатилди. Талабалар университетнинг бошқа ётоқхоналарига вақтинча жойлаштирилган.

Telegram I Facebook I YouTube I Instagram

«Қамоқ ҳавас қиладиган жой эмас»: 7 йилга қамалган йигит панжара ортидаги ҳаёти ҳақида гапирди

Кучли таъсир қилувчи дорилар савдоси учун 7 йилга озодликдан маҳрум этилган йигит Бухородаги жазони ижро этиш муассасасидаги ҳаёти, қилган хатоси ва ундан олган сабоқлари ҳақида гапирди.

Унинг айтишича, қамоқда инсон эркинликнинг ҳақиқий қадрини янада чуқурроқ англар экан. «Қуёшни ярим соат кўрамиз», дея таъкидлаган маҳкум ёшларни бундай хатога йўл қўймасликка чақирди.

Бир нафар фарзанди борлигини айтган йигит давлат раҳбаридан ҳам ўз ҳолати бўйича енгиллик сўраганини билдирди.

Унинг панжара ортидаги ҳаёти, қилган хатоси, фарзанди ҳақидаги ўйлари ва ёшларга берган сабоғи — батафсил видеода.

Telegram I Facebook I YouTube I Instagram

200 млрд сўмлик активлар атрофидаги можаро: Орзиқул Пайзиқулов нима дейди?

Effect.uz 2026 йил 28 сентябрь куни «Қидирувдаги шахсга 200 млрдлик активларга эга жамият улуши қандай расмийлаштирилди?» сарлавҳали материални эълон қилган эди. Унда хорижлик инвесторга тегишли экани айтилган, қарийб 200 млрд сўмлик активларга эга жамиятдаги 50 фоизлик улуш қандай расмийлаштирилгани юзасидан саволлар кўтарилган.

Энди мазкур материалда номи тилга олинган тадбиркор Орзиқул Пайзикулов томонидан ушбу воқеаларга муносабат билдирилмоқда. Унинг адвокати таҳририятга тақдим этган маълумотномада аввалги мақолада тилга олинган ҳолатларга нисбатан бошқача позиция билдирилган.

Адвокатнинг асосий тушунтириши — О.Пайзикулов келишув шартларини бажаргани, унга нисбатан юритилган жиноят ишининг тегишли қисми тугатилгани ва кейинчалик унга нисбатан янги даъволар билан мурожаат қилингани ҳақида.

👉 https://effect.uz/n/257

Telegram I Facebook I YouTube I Instagram

Шавкат Мирзиёев Туркманистонга амалий ташриф билан борди

Ўзбекистон Президенти Шавкат Мирзиёев Туркманистонга амалий ташриф билан борди.

Давлат раҳбарини Туркманбоши шаҳри аэропортида Туркманистон Вазирлар Маҳкамаси Раисининг ўринбосари, ташқи ишлар вазири Рашид Мередов ва бошқа расмийлар кутиб олди.

Ташриф доирасида Ўзбекистон–Туркманистон муносабатларини янада ривожлантиришга қаратилган қатор масалалар муҳокама қилиниши кутилмоқда.

Telegram I Facebook I YouTube I Instagram

Таълим тизимида катта ўзгаришлар: Президент устувор вазифаларни белгилади

Президент Шавкат Мирзиёев янги ташкил этилган Таълим ва илм-фан вазирлиги фаолиятини йўлга қўйиш бўйича тақдимот билан танишди.

Ягона вазирликни ташкил этишдан асосий мақсад — мактабгача таълимдан олий таълим ва илм-фангача бўлган жараёнларни бир тизимга бирлаштириш, таълим сифатини ошириш ва инсон капиталини ривожлантириш.

Тақдимотда:
— таълим мазмунини замонавий ва меҳнат бозори талабларига мослаштириш;
— мактабларда дарслик ва баҳолаш тизимини такомиллаштириш;
— сунъий интеллектдан таълимда фойдаланиш;
— касбий таълимда дуал тизимни кенгайтириш;
— университетлар мустақиллигини ошириш;
— илм-фан ютуқларини ишлаб чиқаришга жорий этиш масалалари муҳокама қилинди.

Президент таълимнинг боғчадан олийгоҳгача бўлган барча босқичлари ягона вертикал сифатида ишлаши ва мактаб билан университет ўртасидаги узвийликни кучайтириш зарурлигини таъкидлади.

Масъулларга билдирилган таклифларни пухта ишлаб чиқиш топширилди.

Telegram I Facebook I YouTube I Instagram

Муқимий театрида янги давр: Фотиҳ Жалолов директор этиб тайинланди

Ўзбекистонда хизмат кўрсатган артист Фотиҳ Жалолов Муқимий номидаги Ўзбекистон давлат академик мусиқали театри директори этиб тайинланди.

Фотиҳ Жалолов бунга қадар Маданият вазирлиги ҳузуридаги Халқаро фестиваллар дирекцияси директори лавозимида фаолият юритган.

7 октябрь куни янги раҳбар театр жамоасига Маданият вазирининг биринчи ўринбосари Нодирбек Сайфуллаев томонидан таништирилди.

Унга театрнинг ижодий салоҳиятини ошириш, замонавий ёндашувларни жорий этиш ва миллий театр санъатини ривожлантириш вазифалари белгиланди.

Telegram I Facebook I YouTube I Instagram

Туғруқхонадаги ҳолат: бош шифокор изоҳ бермади

Самарқанднинг Нуробод туманидаги туғруқхонада аёллар коридор ва полда ётгани акс этган фото-видеолар юзасидан бош шифокор билан боғландик.

У ходимларга босим бўлмаганини, фақат тушунтириш олинганини айтди. Бироқ фото ва видеолардаги ҳолат ҳақида «изоҳ бера олмайман» дея жавоб берди.

Ҳолат бўйича саволлар эса очиқ қолмоқда.

Telegram I Facebook I YouTube I Instagram