EFFECT.UZ | Расмий канал

Тиббиёт ходимлари учун уй-жой субсидияси: илк танлов қачон?

Тиббиёт ва фармацевтика ходимлари учун уй-жой субсидияси бўйича илк танлов 9 октябрь соат 10:00 да ўтказилади.

Дастур доирасида давлат тиббиёт муассасаларида камида 15 йил иш стажига эга ходимларга ипотека асосида уй-жой харид қилишда дастлабки бадалнинг 25 фоизи қоплаб берилади.

Танловга келиб тушган 4 728 та аризадан 1 657 таси талабларга мос деб топилган. Улар орасидан 125 нафар ғолиб автоматик тасодифий танлов орқали аниқланади.

Танлов жараёни жонли эфирда намойиш этилади, натижалар ариза ID рақамлари бўйича эълон қилинади.

Telegram I Facebook I YouTube I Instagram

Фирибгарлик қурбонига айланиб қолманг – аҳолига муҳим огоҳлантириш

Полковник Рамазон Ашропов аҳолини киберфирибгарлардан эҳтиёт бўлишга чақирди.

У фуқароларни онлайн фирибгарлик қурбонларига айланиб қолмаслик учун зарур хавфсизлик қоидаларига амал қилишга чақириб, муҳим тавсияларини билдирди.

Батафсил — видеода.

Telegram I Facebook I YouTube I Instagram

Ўлат хавфи бўйича Ўзбекистонда расмий баёнот: эпидемиологик вазият барқарор

Ўзбекистонда ўлат касаллиги бўйича эпидемиологик вазият барқарор. Бу ҳақда Санэпидқўмита раиси биринчи ўринбосари Нурмат Отабеков маълум қилди.

Россиянинг Иркутск шаҳрида ўлат қайд этилгани ҳақида тарқалган хабарлар ҳозирча расман тасдиқланмаган. Ҳолат бўйича текширув давом этмоқда.

Ўзбекистонда ўлат каби ўта хавфли юқумли касалликларнинг кириб келиши ва тарқалишининг олдини олиш учун чегара пунктларида 53 та санитария назорат пункти фаолият юритмоқда.

Шунингдек, ҳудудий лабораториялар касалликни аниқлаш учун зарур диагностика воситалари ва реагентлар билан таъминланган.

Telegram I Facebook I YouTube I Instagram

Уйлар остидаги газ қувурига ким рухсат берган?

Фарғона шаҳри, Ал-Хоразмий МФЙ. Кўп қаватли уйлар остида газ қувури ўтказилаётгани аҳолида саволлар уйғотмоқда. Айни пайтда газ таъминотида узилишлар ва босим пасайиши кузатилаётган бир шароитда, мазкур қувурнинг тадбиркорлик объекти учун ўтказилаётгани айтилмоқда.

Қувурни бу ердан ўтказишга ким рухсат берган? Лойиҳа тасдиқланганми? Уйлар остида жойлашиши хавфсизлик меъёрларига мосми? Умумий фойдаланишдаги ердан фойдаланишга ҳуқуқий асос борми?

Масъул ташкилотлардан:
— Ҳокимликдан — рухсат ва ердан фойдаланиш асосини;

— Газ таъминоти ташкилотидан — техник шарт ва лойиҳани;

— Кадастрдан — ернинг ҳуқуқий мақомини;

— Қурилиш соҳаси масъулларидан — хавфсизлик ва меъёрларга мувофиқлик бўйича расмий жавоб бериш сўралади.

Гап кимнидир айблашда эмас. Аҳолига ҳужжатларга асосланган аниқ жавоб керак.
EFFECT.UZ савол қўяди, жавобни масъул ташкилотлардан кутади.

Telegram I Facebook I YouTube I Instagram

Теримчиларнинг ҳақи берилмаган: 8,8 млрд сўм ундириб берилди

2–4 октябрь кунлари ўтказилган меҳнат мониторингларида пахта теримида ишлаган фуқароларга ҳақ ўз вақтида тўланмагани аниқланди.

Қорақалпоғистон, Қашқадарё, Наманган, Сурхондарё, Фарғона ва Хоразмдаги текширувлар натижасида теримчиларга 8 млрд 833 млн сўм маблағ ундириб берилди.

Давлат меҳнат инспекцияси терим мавсумида меҳнат ҳақининг ўз вақтида тўланиши ва мажбурий меҳнатга йўл қўйилмаслиги бўйича назоратни давом эттиради.

Telegram I Facebook I YouTube I Instagram

«Док-1 Макс» иши: 85 нафар жабрланувчига 16,7 млрд сўм тўланди

«Док-1 Макс» фожиасидан жабрланган 85 нафар фуқарога етказилган зарарни қоплаш доирасида 16,7 млрд сўм ундирилиб, улар ўртасида тенг тақсимланди.

МИБ маълумотига кўра, суд ҳужжатлари асосида жабрланувчилар фойдасига жами 78 млрд сўм ундириш белгиланган.

Ҳозиргача 16,7 млрд сўм тўланган бўлса, қолган 61,3 млрд сўмни ундириш бўйича ижро ҳаракатлари давом этмоқда.

Telegram I Facebook I YouTube I Instagram

Мелиев НКМК раҳбариятига тайинланди

Худоёр Хуррамович Мелиев «Навоий кон-металлургия комбинати» АЖ бошқарув раиси — бош директорининг комплаенс ва коррупцияга қарши ички назорат бўйича ўринбосари лавозимига тайинланди.

У бунга қадар «Навоийуран» ДКда инвестициялар бўйича директор лавозимида ишлаган. Мелиев кўп йиллар Адлия вазирлиги тизимида фаолият юритган, 2025 йилда адлия вазири ўринбосари лавозимидан озод этилган.

Telegram I Facebook I YouTube I Instagram

300 нафар талаба ётоқхонадан чиқарилди: сабаби маълум қилинди

Тошкент давлат техника университетида вилоятлардан келиб таҳсил олаётган 300 нафар талаба ётоқхонадан чиқариб юборилгани айтилмоқда.

Маълум қилинишича, талабалар ётоқхона учун тўлов қилган. Бироқ давлат-хусусий шериклик асосида қурилган бинода кадастр ҳужжати ва фойдаланиш учун зарур рухсатномалар мавжуд эмаслиги аниқланган.

Шу сабабли талабалар бинодан чиқарилган.

Telegram I Facebook I YouTube I Instagram

Шавкат Мирзиёев Туркманистонга ташриф буюради

Президент Шавкат Мирзиёев 7–9 октябрь кунлари Туркманистонда амалий ташриф билан бўлади.

Давлат раҳбари «Аваза»да Марказий Осиё ва Озарбайжон давлат раҳбарларининг Маслаҳат учрашуви ҳамда МДҲ саммитида иштирок этади.

Унда савдо-иқтисодий ҳамкорлик, энергетика, экология, таълим ва бошқа соҳалар муҳокама қилинади. Ташриф доирасида икки томонлама учрашувлар ҳам ўтказилади.

Telegram I Facebook I YouTube I Instagram

148 млн сўмга 297 млн сўмлик қалбаки пул!

ДХХ ходимлари томонидан ўтказилган тезкор тадбирда Андижон вилоятида уй шароитида қалбаки пул тайёрлаб, муомалага киритган шахс қўлга олинди.

Асака туманида яшовчи, 1987 йилда туғилган, муқаддам фирибгарлик учун судланган шахс 297 млн сўмлик 100 ва 200 минг сўмлик қалбаки банкнотларни 148 млн сўмга сотган вақтида ашёвий далиллар билан ушланган.

Унинг хонадонидан қалбаки пул тайёрлашда фойдаланилган компьютер, «Epson» принтери, махсус қоғозларга чоп этилган ярим тайёр 50 ва 100 минг сўмлик купюралар ҳамда қоғоз кесувчи ускуналар топилган.

Ҳолат юзасидан Жиноят кодексининг 176-моддаси 3-қисми «а» банди билан жиноят иши қўзғатилган. Тергов давом этмоқда.

Telegram I Facebook I YouTube I Instagram

«Навоий сув таъминоти» АЖ 15,5 млрд сўмлик тендерда қонунбузилишга йўл қўйгани аниқланди

Рақобат қўмитаси тадбиркорлик субъектининг мурожаати асосида «Навоий сув таъминоти» АЖ буюртмачилигида ўтказилган бошланғич нархи 15,5 миллиард сўмлик тендер савдосини ўрганди.

Текширувлар натижасида жамият томонидан «Рақобат тўғрисида»ги Қонун талабларига риоя этилмагани маълум бўлди. Ҳукмга кўра, Қўмита Махсус комиссияси «Навоий сув таъминоти» АЖга нисбатан иш қўзғатиб, молиявий жарима қўллаш ҳақида қарор қабул қилди.

Шунингдек, аниқланган қонунбузилишларни бартараф этиш ҳамда келгусида бундай ҳолатларга йўл қўймаслик бўйича бажарилиши мажбурий бўлган кўрсатмалар берилди.

Telegram I Facebook I YouTube I Instagram

Тошкент метросида поезд 6 дақиқа ҳаракатсиз қолди

7 октябрь куни соат 08:22 да «Шаҳристон» бекатида 1985 йилда ишлаб чиқарилган 69-сонли поездда техник носозлик юзага келган.

Ҳолат 6 дақиқа давом этган. Йўловчилар туширилиб, поезд техник кўрик учун олиб кетилган. Ҳаракатда узилиш бўлмаслиги учун захира поезд йўналишга чиқарилган.

Метрополитен техник чоралар кўрилганини маълум қилиб, йўловчилардан узр сўраган.

Telegram I Facebook I YouTube I Instagram

Электр таъминоти бўйича мурожаатлар учун сунъий интеллект ишга туширилмоқда

«Ҳудудий электр тармоқлари» АЖга 2026 йилда 49 372 та мурожаат келиб тушган. Уларнинг 47 476 таси — 96 фоизи ижобий ҳал этилган.

Мурожаатларнинг асосий қисми электр узилишлари, тармоқлар, тўловлар ва ҳисоблагичлар билан боғлиқ.

Аҳолини барқарор электр энергияси билан таъминлаш учун 5 311 км тармоқ ва 1 610 та трансформатор пункти янгиланди, 172 км янги юқори кучланишли тармоқ ҳамда 4 та подстанция ишга туширилди.

Мурожаатлар билан ишлашга сунъий интеллект жорий этилмоқда. Call-марказ операторлари сони эса 93 нафардан 143 нафарга оширилди.

Telegram I Facebook I YouTube I Instagram

‼️Prezident Farmoni: Davlat aktivlarini 7 yilgacha foizsiz bo'lib to'lash sharti bilan sotib olish imkoniyati yaratildi

Farmonga muvofiq 1 mingga yaqin davlatga tegishli ko'chmas mulk va ulushlar "E-auksion" platformasiga joylashtirildi.

➡️Qoraqalpog'iston Respublikasidan 108 ta
➡️Andijon viloyatidan 34 ta
➡️Buxoro viloyatidan 67 ta
➡️Jizzax viloyatidan 86 ta
➡️Qashqadaryo viloyatidan 84 ta
➡️Navoiy viloyatidan 71 ta
➡️Namangan viloyatidan 49 ta
➡️Samarqand viloyatidan 51 ta
➡️Surxondaryo viloyatidan 69 ta
➡️Sirdaryo viloyatidan 40 ta
➡️Toshkent shahridan 143 ta
➡️Toshkent viloyatidan 89 ta
➡️Farg'ona viloyatidan 33 ta
➡️Xorazm viloyatidan 64 ta

Barcha lotlarni ko'rish

Izoh: Davlat aktivlarini sotib olish faqat e-auksion.uz portali orqali amalga oshiriladi. Bo'lib to'lash shartlari haqida batafsil ma'lumotni +998712022111 raqami orqali olishingiz mumkin.

@onlineauksionuz

Тошкент ҳавоси яна «сариқ» зонага кирди

Тошкентда кечқурун ҳавонинг ифлосланиш даражаси 93 AQI гача кўтарилди. Бу кўрсаткич ҳаво сифати бўйича «сариқ» зонага тўғри келади.

Telegram I Facebook I YouTube I Instagram

Моддий ёрдам берилади, лимит оширилади: эҳтиёжманд оилаларга ёрдам янада кенгайтирилади

Қиш мавсумида эҳтиёжманд оилаларни қўллаб-қувватлаш чоралари кенгайтирилади. Президент Шавкат Мирзиёевга аҳолини ижтимоий ҳимоя қилиш бўйича таклифлар тақдим этилди.

Унга кўра:

🔹 газлашмаган ҳудудларда электр энергияси бўйича базавий меъёр 200 кВт·соатдан 350 кВт·соатга оширилади;

🔹 декабрь ойида эҳтиёжманд оилаларга бир марталик моддий ёрдам ажратиш масаласи кўриб чиқилади;

🔹 қўллаб-қувватлаш доираси яна 166 минг оилага кенгайтирилади;

🔹 электр ва газ бўйича ортиқча истеъмол харажатларининг бир қисмини қоплаш муддати 2028 йил 1 апрелгача узайтирилиши таклиф қилинди.

Шунингдек, оғир шароитдаги маҳаллаларда 3 мингта хонадонни иссиқлик жиҳатидан ҳимоялаш ва энергия тежовчи ускуналар билан таъминлаш ишлари давом эттирилади.

Telegram I Facebook I YouTube I Instagram