Doniyor Gʻaniyev

Мана бу постда отамиз Ғаниев Аваз Мадаминовичнинг (Аллоҳ раҳматига сазовор қилсин) шифокорлик касбини давом эттираётган акам Ғаниев Алиёр Авазовичга шогирдлари 1 октябрь - ўқитувчи ва мураббийлар кунига автомашина совға қилишганлиги ҳақида ёзган эдим.

Давлатимиз раҳбарининг 2024 йил 24 август кунги фармони билан ана шу акам “Шуҳрат” медали билан тақдирландилар. Юртбошимиз эътиборига лойиқ акам борлигидан фахрландим ва давлат мукофотини худди ўзим олгандек суюндим.

Шифокор бўлмаганлигим учун акамга муносиб таъриф бера олмаслигим аниқ, лекин мана бу - мутахассислар эътирофи.

Ҳа айтганча, бугун акамнинг таваллуд топган кунлари ҳам: оиламизда қўшалоқ хурсандчилик!

Юксак мукофот ва таваллуд айёмингиз муборак бўлсин!

Ўзбекистон Жаҳон савдо ташкилотига қўшилса, кимлар ютади, монополияларнинг аҳволи нима бўлади, товарлар, айниқса машина, маиший техникалар нархи тушадими?

Олимлар, экспертлар ва мутасаддилар хулоса ва нуқтаи назарлари ҳақида. 👇👇👇

https://youtu.be/smh01z4M9c8

Ўзбошимча эгалланган ер участкалари ва улардаги биноларни легаллаштиришга рухсат берилди

Ўзбекистонда ўзбошимчалик билан эгалланган ер участкаларига “амнистия” эълон қилинди. Президент имзолаган қонунга асосан, қатор тоифалардаги объектлар учун мулк хуқуқини расмийлаштиришга рухсат берилди. Қонун 3,8 миллиондан ортиқ фуқаронинг 493 минг гектарлик ер участкалари учун кадастр олиш имконини беради.

👉 https://kun.uz/kr/03982692

Kun.uz расмий канали

Saylovchilar bildirgan ishonchni oqlash, ularning dardu tashvishlarini, muammo va hohishlarini Parlament minbariga olib chiqish, qabul qilingan qonunlarni adolatli va insonparvar bo'lishiga hissa qo'shish, murojaat qilgan fuqarolarga yordam bera olish imkoniyati men uchun deputatlikning eng katta sharafi bo'ldi. Bunday imkoniyat va baxt menga nasib qilganidan har doim faxrlanaman.

Albatta, deputatlik faoliyatimga eng munosib bahoni saylovchilar beradi. Balki, menga ovoz bergan saylovchilarning ishonchini har doim ham oqlay olmagandurman. Biroq, vijdonimga qarshi bormaslikka,
printsiplarimga sodiq qolishga qo'limdan kelgancha harakat qildim. Insonlar og'irini yengil qilishga xizmat qiluvchi ijobiy normalarni qo'llab-quvvatlashdan, fuqarolar manfaati va huquqlariga zid deb bilgan qonunlarga esa qarshi
turishdan ikkilanmadim.

Lekin, inson atrofidagi o'zgarishlar, reallik bilan hisoblashishi hamda o'z
imkoniyat va qobiliyatlarini tog'ri baholay olishi kerak. Garchi deputat sifatida samarali faoliyat olib bordim, deb o'ylasamda, bu faoliyatda davom etish o'zim uchun ham, saylovchilar uchun ham manfaatli bo'Imasligini
tushunib yetdim. Menimcha, hayotimda o'zgarishlar qilish, yangi chelenj va imkoniyatlarni qarshi olishning ayni vaqti.

Shu bois, deputatlik mandatimni tugatishga, yangi saylovlarda
nomzodimni ilgari surmaslikka qaror qildim. Bundan keyingi faoliyatimni esa Vazirlar Mahkamasida investitsiya yo'nalishida (deputatlkdan avval ham shu yo'nalishda ishlagan edim) mas'ul xodim sifatida davom ettiradigan bo'ldim. O'zi xayrli qilsin.

Fursatdan foydalanib, menga o'z vakilligini ishongan Marg'ilon
okrugi saylovchilariga, faoliyatimni e'tirof etib, qo'llab-quvvatlagan jamoatchilik faollari, OAV vakillari va ko'plab bloger do'stlarimizga
bildirilgan ishonch va qo'llov uchun minnatdorchilik bildiraman.

Shuningdek, Parlament yig'ilishlarida har doim o'z fikrimni aytishga imkoniyat yaratgan Qonunchilik palatasi Spikeriga, yalpi va fraksiya yig'ilishlarida qo'llab-quvvatlagan hamkasb deputatlarga hamda qonun loyihalarini takomillashtirishda kerak bo'lsa deputatlardan ham ko'proq mehnat qiladigan Palata devoni xodimlariga ham alohida rahmat aytaman.

🔤🔤🔤🔤🔤🔤 🔤🔤🔤🔤🔤🔤

🇺🇿🇺🇿 “ЭЛ-ЮРТ УМИДИ” ЖАМҒАРМАСИ 2024 ЙИЛГИ 1-ОЧИҚ СТИПЕНДИЯ ТАНЛОВИНИ ЭЪЛОН ҚИЛАДИ!

📣 “Эл-юрт умиди” жамғармаси хорижий давлатлар нуфузли университетлари ва илмий марказларида бакалавриат, магистратура ва докторантурада таълим олиш учун 500 ўринга мўлжалланган 2024 йилги 1-очиқ стипендия танловини эълон қилади!

✅ “Эл-юрт умиди” жамғармасининг 2024 йилги 1-очиқ стипендия танлови 500 ўринга мўлжалланган бўлиб:

- бакалавриат таълим дастури учун 100 ўрин,
- магистратура таълим дастури учун 250 ўрин,
-докторантура таълим дастури учун 150 ўрин ажратилган.

🔣 Стипендия танловига номзодлар ҳужжатларини қабул қилиш жорий йилнинг 25 июндан 25 июлга қадар, республиканинг барча ҳудудлари вакиллари учун ягона тартиб ва тенг имконият асосида, онлайн режимда ва электрон тарзда қабул қилинади.

👫 Саралаш танлови жараёнларини ўтказиш, жумладан номзодларнинг интеллектуал, таҳлил қилиш ва ижодий қобилиятлари даражасини аниқлашга қаратилган қўшимча тест синовлари ҳамда назарий билим ва амалий кўникмалари даражасини аниқлашга қаратилган давлат тилида суҳбат ўтказиш жорий йилнинг 25 июлдан 24 августга қадар давом этади.

✏️ Танловга оид барча маълумотлар “Эл-юрт умиди” жамғармасининг www.eyuf.uz сайти орқали батафсил эълон қилиб борилади.

🌐 Номзодлар учун барча зарур маълумотлар Жамғарманинг онлайн ҳужжат топшириш платформасида (http://admission.eyuf.uz) батафсил ёритиб берилган.

🌐 Эътибор беринг, (http://admission.eyuf.uz онлайн қабул платформаси 2024 йил 25 июндан бошлаб ҳужжатларни қабул қилишни бошлайди.

☎️ Қўшимча саволларга жавобларни
+99 871 203 00 47
+99 871 203 00 48
+99 871 203 00 53
телефон рақамларидан ёки info@eyuf.uz электрон почта манзили орқали олишингиз мумкин.

👦👦 “Эл-юрт умиди” жамғармаси юртимизнинг умиди, ишончи ва таянчи бўлган Сиз ёшларни очиқ стипендия танловида кутиб қолади!

Батафсил ўқинг

🌆 EYUF axborot xizmati

🌐 Eyuf.uz
📝Telegram📝Facebook
💻Instagram🎞 YouTube 

🌐 www.eyuf.uz

Менимча биз "қизил чизиқ"дан ўтмадик

Подкастимизнинг ушбу сонида гази йўқ ҳудудлар аҳолисининг энергия учун берилаётган субсидиялардан маҳрумлиги, ижтимоий тенгсизлик, ЖСТга аъзоликнинг Ўзбекистонга нима бериши, давлат бошқарувида ўрни тушиб бораётган парламент, тийиқсиз ҳукумат, навбатдаги сайловлар ва келгуси режалар ҳақида Дониёр Ғаниев билан сухбатлашдик.

"Қизил чизиқ"дан ўтган жойлари ҳам бўлиши мумкин. Лекин анча силлиқладик.

Албатта киринг, кўринг ва фикр билдиринг: 👇👇👇

https://youtu.be/2dTZ0l6x-ms?si=q528TWF7bCi2IOxN

“Ҳақиқий бизнесмен рақобат тарафдори бўлади” — Дониёр Ғаниев ЖСТга аъзолик ҳақида

“Агар кўлмагингиздан чиқмасангиз, сузишни ўргана олмайсиз”, дея маҳаллий тадбиркорларнинг Жаҳон савдо ташкилотига аъзолик бўйича хавотирларига муносабат билдирди депутат Дониёр Ғаниев. У Kun.uz билан суҳбатда тенг қоидалар асосидаги ўйинда ютганлар ютқизганлардан кўп бўлишини таъкидлади.

👉 https://kun.uz/kr/51296444

Kun.uz расмий канали

Рақобатдан асраш эмас, рақобатга киришиш пайти келди

Жаҳон савдо ташкилотига кириш бўйича жиддий қадамлар эълон қилингани "эркин савдо зиёнлари" тўғрисида тўқиб чиқарилган турли мифларни яна жонланишига туртки бера бошлади.

Шундай мифлардан бири ўлароқ Ўзбекистоннинг ЖСТга кириши билан ташқи рақобатга чидай олмаймиз, бизнеслар синиб кетади, қабилида янграмоқда.

Биринчидан, ҳисобга олиш керакки, Ўзбекистон ЖСТга кириш музокараларини 30 йил аввал, 1994 йилда бошлаган. Ташкилотнинг 166 аъзосидан ҳеч бири шу пайтгача бизчалик узоқ музокара юритмаган (аввалги рекордчи Россия 18 йиллик музокарадан сўнг ЖСТга қўшилган). Ташкилотга қўшилиш бўйича 2020 йилда музокаралар яна фаоллашган. Янги даврда эълон қилинган барча стратегияларда ЖСТга қўшилиш асосий вектордан бири деб эътироф этилган. Яъни, Ўзбекистон тўсатдан ёки кимгадир ёқиш учун бу йўлни танлагани йўқ, бу миллий манфаатларимизга, иқтисодий ўсиш ва халқ фаровонлигига етаклайдиган вектор, ишлаб чиқарувчилардан тортиб хизмат кўрсатувчиларгача бу ҳақда билмаслиги мумкин эмас. Кенг истеъмолчилардан тортиб, аллақачон очиқ бозор ва рақобат муҳитида фаолият кўрсатаётган бизнес субъектларгача "сиёсий наказ" ўлароқ ЖСТга аъзоликни тезлаштиришни сўрашлари бежиз эмас.

Иккинчидан, айнан маҳаллий ишлаб чиқарувчилар ва хизмат кўрсатувчилар манфаатларини ҳимоялаш устувор бўлгани учун жуда узун ва мураккаб жараён орқали секин қадам ташланмоқда. Шунинг учун ҳам иқтисодиётимиздаги энг заиф ва мўрт сегментларни олдиндан улар рўпара келадиган чақириқларга тайёрлаш учун 1,5-2 йиллик амалий ҳаракатлар белгиланмоқда. Қонунчилик, меъёрий ҳужжатлар тафтиш қилиниб, мослаштириш даври эълон қилинмоқда.

Учинчидан, ҳали худо ёрлақаб, 2026 йилда ЖСТга аъзо бўлганимиздан кейин ҳам, бир неча йиллик адаптация даври белгиланади. Қатор соҳа ва сегментлар учун ҳимоя тўсиқлари бирданига эмас, босқичма босқич, алоҳида келишувлар орқали ечилиб борилади.

Ва ниҳоят тўртинчидан, агар шунча ҳимоя ва тайёргарликлардан кейин ҳам рақобатга дош бермай синиб кетиши мумкин бўлган бизнеслар бўлса, демак улар ҳақиқатан ҳам очиқ бозорда яшашга ҳақли эмас. Уларнинг юкини давлат ва истеъмолчилар ўз гарданларига олишлари керак эмас. Уларнинг ўрнини рақобатдан қўрқадиганлар эмас, рақобатга кириша оладиганлар эгаллашлари зарур.

Эл-юрт жамғармаси грантлари учун ажратилган маблағлар қисқариб кетмадими?

Депутат Дониёр Ғаниевнинг яна бир муҳим саволи Эл-юрт жамғармасига бюджетдан 550 млрд.сўм ажратилганига қарамай, шу кунгача грант тақсимоти учун танлов эълон қилинмагани ҳақида бўлди.

Депутатнинг хавотири бюджет дефицитини қисқартириш баҳонасида Эл-юрт учун ажратилган пуллар секвестрга, яъни мақбуллаштиришга тушиб қолмаганми, тарзида янгради.

Ростанам, охирги ҳафталарда хорижий нуфузли университетларга қабул қилинган минглаб ўзбек иқтидорлари Эл-юрт учун танлов очилиши ва грантлар тақсимланишини кутиб ётишипти. Расмийлардан бу бўйича аниқ жавоб йўқлиги учун кимдир уйини гаровга қўйиб, кимдир қарз олиб тўлов қилишни ўйлай бошлаган.

Афсуски, бу сафар ҳам аниқ-тиниқ жавоб янграмади. Вазир ўринбосарига кўра, ажратилган маблағлар кўпайгани учун квоталар ҳам ошган. Шу сабабли танлов ўтказиш кечикмоқда.

Ҳайитдан кейин хина қўйишга ҳожат қолмайди. Дедлайнлар яқинлашмоқда. Расмийлар шуни тушунишаётган бўлишса бўлди.

Ёшлар кўли қайтарилади

Unays Building МЧЖга фойдаланиш ҳуқуқи билан бериб юборилган Фарғона шаҳридаги собиқ «Ёшлар кўли» Спорт вазирлигига қайтарилади. 

Спорт вазирлигига объектни Спорт мактаби балансига қайтариб олиш тўғрисида, шунингдек, вилоят ҳокимлигига тегишли қарорни бекор қилиш бўйича кўрсатмалар юборилган

Фарғона: “Ёшлар кўли” ўрнида... Турар жой? (+видео)

📽 https://youtu.be/wMtR_-jRTCw

Батафсил: https://uza.uz/posts/575986

📱Мобил илова 👉 iOS | Android

O`zbekcha | Ўзбекча | Русская | Илм-фан | Тезкор

“Yuksalish” harakati Ijtimoiy-iqtisodiy tashabbuslar instituti bilan hamkorlikda hamda ommaviy axborot vositalari vakillari ko‘magida O‘zbekistonning jamoatchilik fikri yetakchilari Top-40 reytingini tuzdi.

Reytingga mamlakat axborot makonida fikrlar xilma-xilligini ta’minlashga, milliy kontent yaratishga hissasini qo‘shib kelayotgan jurnalistlar, blogerlar, huquqshunoslar, iqtisodchilar-u siyosatchilar va boshqa jamoatchilik faollari kiritildi.

Reytingga kiritilganlarning ijtimoiy tarmoqlardagi sahifalari obunachilari soni 20 mlndan ziyod (unikal foydalanuvchilar 7-7,5 mln), e’lon qilgan materiallarining oylik qamrovi 45 milliondan oshadi.

👉 Batafsil: https://yumh.uz/uz/news_detail/654

YUKSALISH HARAKATI

"Бу нормага жамият ва қонунчиликда эҳтиёж йўқ" — фаоллар ИИО ходимларини тасвирга олиб тарқатишни чеклашга оид қонун ҳақида

Ҳуқуқ-тартибот орган ходимларини сурат ёки видеога олиб, тармоқларда обрўсизлантириш мақсадида тарқатишга жавобгарлик белгиланишига на жамиятнинг, на қонунчиликнинг эҳтиёжи йўқ. Янги қонуннинг бу нормаси очиқлик сиёсати, адолатлилик принципига зид. У одамларни қўрқув остида ушлаб туриш мақсадида қабул қилинмоқда, бу давлат ходими ва халқ ўртасида жарлик пайдо қилишига олиб келади. Kun.uz'нинг ҳуқуқшунос Хушнудбек Худойбердиев ва депутат Дониёр Ғаниев билан бўлган суҳбатида шулар ҳақда сўз боради.

📹 👉 ТЎЛИҚ ВИДЕОНИ КЎРИНГ

Senat uchun juda uyatli holat: yolg‘on ortiga bekinib, qonunni maʼqullashmoqchimi?

11-yanvar kuni Senatning rasmiy saytida organ xodimlarini foto/videoga olib internetda tarqatishni taqiqlash haqidagi "15 sutka qamoq" qonunini yoqlash mazmunida xabar eʼlon qilingan edi. Ushbu xabarda bu kabi qonun Buyuk Britaniya, Fransiya va Germaniyada mavjud ekanligi yozilgan.

BBС O‘zbek xizmati Senat tarqatgan bu maʼlumotlarni faktchek qilibdi va uchalasi ham yolg‘on yoki noaniq maʼlumot ekanligini aniqlabdi.

1️⃣ 🇬🇧Buyuk Britaniyada politsiyani bemalol tasvirga olish mumkin, bunga taqiq yo‘q. Hattoki bu London politsiyasining saytida yozib qo‘yilgan. Faqat bittagina holatda, yaʼni terrorizm xavfi mavjud bo‘lsagina, terrorchi deya shubha qilingan shaxsdan tasvirga olishni to‘xtatishni so‘rashlari mumkin. Lekin keyinchalik u odam terrorchi bo‘lib chiqmasa, unda shubha qilgan va tasvirga olishni to‘xtatgan politsiyachining o‘zi javobgarlikka tortiladi;

2️⃣ 🇫🇷Fransiya haqidagi maʼlumot ham mutlaqo noto‘g‘ri ekan. Aniqrog‘i Fransiyada politsiyani tasvirga olishni taqiqlovchi qonun qabul qilishgan, lekin o‘sha yilning o‘zidayoq Fransiya Konstitutsiyaviy sudi ushbu qonunni Konstitutsiyaga zid deya topib, uni bekor qilgan ekan. Tasavvur qilyapsizmi, bu qonun Konstitutsiyaga zid deb topilgan!!! Bizning Senat esa uyalmasdan buni misol qilib keltiribdi🤦‍♂️;

3️⃣ 🇩🇪Germaniya haqidagi maʼlumot ham noaniq ekan. Yaʼni haqiqatdan Germaniyada boshqa shaxslarning tasvirini Internetda tarqatish mumkin emas, ammo bu kasbidan, lavozimidan, kimligidan qatʼi nazar barcha aholi uchun taalluqli qonun. Aynan organ xodimlari uchun alohida hech qanaqa modda yo‘q. Lekin agar politsiya qonun buzayotgan bo‘lsa, unda bu holatni tasvirga olib, tarqtishga ruxsat berilgan ekan, chunki jamoat manfaati shaxsiy huquqlardan ustun qo‘yiladi.

🤷‍♂️ Ana shunaqa gaplar. Xulosa o‘zingizdan. Senatorlar ham xulosa qiladi, degan umiddamiz. Hurmatli senatorlarimizdan yolg‘on asosiga qurilgan qonunni maʼqullamasliklarini so‘rab qolamiz.


👉 @xushnudbek 👈

Хитойга давлат ташрифининг иккинчи куни: икки мамлакат ҳудудлари ва ишбилармонлари ўртасидаги ҳамкорлик янада ривожланишига янги суръат бағишланди
—
Второй день государственного визита в Китай: придан новый импульс развитию межрегионального и делового сотрудничества двух стран

Prezident.uz|Facebook|Instagram|YouTube|X

Ўзбекистон Республикаси Президенти, Қуролли Кучлар Олий Бош қўмондони Шавкат Мирзиёев Мудофаа саноати агентлигининг Тошкент вилоятида жойлашган ишлаб чиқариш кластерига ташриф буюрди.
—
Президент Республики Узбекистан, Верховный Главнокомандующий Вооруженными Силами Шавкат Мирзиёев посетил производственный кластер Агентства оборонной промышленности, расположенный в Ташкентской области.

#Mirziyoyev #tanishuv #mudofaa #sanoat

Prezident.uz|Facebook|Instagram|YouTube|Twitter