CYBER-BRO Kiberxavfsizlik kompaniyasi

👾 Kiberxavfsizlik mutaxassislari MDH hududidagi jumladan O‘zbekistondagi foydalanuvchilarga zarar yetkazgan yangi zararli dasturni aniqlashdi

Kiberxavfsizlik bilan shug'ullanuvchi, Rossiyaning Positive Technologies kompaniyasi mutaxassislari tomonidan shu yilning avgust Rossiyadagi kompaniyalardan birining tarmog'ida g'ayritabiiy faoliyatni aniqladilar. Kompaniya mutaxassislari tomonidan oʻtkazilgan tekshiruvlar natijasida tekshirilayotgan kompaniya foydalanuvchilari ilgari nomaʼlum boʻlgan zararli dastur qurboni boʻlganligi aniqlandi.

Mutaxassislar batafsil tekshiruv natijasi bo‘yicha bergan xulosasiga ko‘ra ushbu zararli dastur “qurbonlari” - 164 mamlakatdagi 250 mingdan ortiq foydalanuvchilardir. Qurbonlarning asosiy qismi Rossiya, Ukraina, Belarus va O‘zbekistondagi foydalanuvchilardir.

Hujumlarning katta qismi jismoniy shaxslar tomonidan torrent va shunga o‘xshash tizimlaridan ko‘chirib olingan crack dasturiy taʼminotni yuklab olish va o‘rnatish natijasida sodir bo‘lgan, lekin qurbonlar orasida turli davlat va nodavlat sohasida faoliyat yuritadigan tashkilotlar ham aniqlangan.

⁉️ Zararli dastur qanday ishlaydi

Zararli dastur oʻrnatilgandan soʻng, ushbu zararli dastur jabrlanuvchining kompyuteri haqida maʼlumot toʻplaydi, RMS (masofadan boshqarish) dasturi va XMRig maynerini oʻrnatadi va foydalanuvchining Telegram papkasi (tdata) tarkibini arxivlaydi.

Telegram papkasiga to‘liq huquq olinganidan keyin, buzg‘unchi tomonidan qurbon foydalanuvchining Telegram seansiga kiriladi va maxfiy holatda jabrlanuvchining Telegram akkauntidan maʼlumotlarini oladi va yozishmalarni kuzatadi. Agar foydalanuvchi ikki bosqichli autentifikatsiyani o‘rnatgan bo‘lsa ham, kiberjinoyatchi brute force yordamida parolni muvaffaqiyatli chetlab o‘tishi mumkin.

cyber-bro.uz | Telegram |

⚡️⚡️⚡️ O‘zbekistonda deepfake tayyorlaganlik uchun jinoiy jazo kuchaytiriladi

O‘zbekiston parlamenti yuqori palatasining navbatdagi yalpi majlisida yangi qonun loyihasini ko‘rib chiqilishi rejalashtirilgan va bu majlis doirasida «deepfake» (neyron tarmoqlardan foydalangan holda yaratilgan soxta foto, audio va video materiallarni reallashtirishga harakat qilish) uchun jazo choralarini kuchaytirish rejalashtirilgan, deb xabar beradi PodrobnoUzmuxbiri.

Maʼlumki, keyingi paytlarda Internet jahon axborot tarmog‘idan foydalangan holda bir qator shaxslarning mobil qurilmalarini hamda ijtimoiy tarmoq va messenjerlardagi akkaunt yoki kanallarini zararli dastur yuborish yo‘li bilan bloklab (to‘sib) qo‘yish, maʼlumotlarini o‘chirib yuborish, o‘zgartirish yoki olib qo‘yish bilan qo‘rqitib, pul yoki boshqa moddiy manfaatdorlik talab qilish holatlari ro‘y bermoqda.

Kibermakonda shaxslarning fotosurati, ovozi va boshqa biometrik maʼlumotlarini maxsus dasturlar yordamida soxtalashtirish holatlari ham uchrab turibdi.

Yangi qonun yuqori palata tomonidan maʼqullangach, u prezident tomonidan imzolanishi kerak. Shundan keyingina u kuchga kiradi.

cyber-bro.uz | Telegram |

#xalqaro_reyting #statistika

🇺🇿 O‘zbekiston kiberxavfsizlik bo‘yicha xalqaro reytingda qanday ko‘rsatkichga ega?

O‘zbekiston NSSI 2023 yilgi ko‘rsatkichlari bo‘yicha 36.36 ball bilan reytingda 94 o‘rinni egallab turibdi. Respublikamizga qo‘shni davlatlar, Qozog‘iston va Qirg‘iziston reytingda O‘zbekistondan yuqorida joylashgan va mos ravishda 78 (48.05 ball) va 91 (37.66 ball) o‘rinlarda qayd etilgan.

Shuningdek, Afg‘oniston - 145 (12.99 ball), Tojikiston - 153 (10.39 ball), Turkmaniston - 164 (7.79 ball) o‘rinlarda qayd etilgan.

Maʼlumot o‘rnida: NCSI (National Cyber Security Index - Milliy kiberxavfsizlik indeksi) mamlakatning kiberxavfsizlik darajasini, kibertahdidlarning oldini olishga tayyorligini va kiber hodisalar, jinoyatlar va keng ko‘lamli inqirozlarni boshqarishga tayyorligini baholaydi.

cyber-bro.uz | Telegram |

#kiber_urush #harbiy_josuslik

🇹🇷 Turkiyaning hakerlar jamoasi - Ayyildiz Tim (Oy Yulduz Jamoasi) tomonidan Isroil Mudofaa Vazirligiga taalluqli bo‘lgan harbiy mashg‘ulotlar va shaxsiy tarkibning personal maʼlumotlar haqidagi o‘ta maxfiy va katta hajmdagi maʼlumotlar bazasiga buzib kirildi va ochiqlandi.

Shuningdek, ushbu guruh tomonidan quyidagi bayonot berildi: "Agar Turkiya hozirgi bo‘layotgan ixtiyoriy jarayonlarda to‘g‘ridan to‘g‘ri ishtirok etishni boshlasa, biz Isroilning energetika, infrastruktura va moliya tizimlarini butunlay yo‘q qilamiz"

🌐 cyber-bro.uz | 💬 Телеграм

🕵️‍♀️ Yevropa Kengashi Parlament Assambleyasi (YeKPA) Ozarbayjonni Armanistonga qarshi Pegasus ishlatganlikda aybladi

Ozarbayjon arman mansabdor shaxslari, jurnalistlari va mustaqil arman ommaviy axborot vositalari vakillarini kuzatish uchun josuslik dasturidan foydalangan.

“Oxirgi hisobotlar arman-ozarbayjon mojarosi davrida Ozarbayjon tarafidan Armanistonda faoliyat yuritadigan 12 kishiga, shu jumladan bir qancha hukumat amaldoriga nisbatan josuslik ilovalaridan foydalanilgan va bu transmilliy maqsadli josuslik namunasi bo‘lib ko‘rinadi”, deyiladi YeKPAning Pegasus bo‘yicha rezolyutsiyasida.

YeKPA rasmiy Bokuni (Ozarbayjon) josuslik dasturlaridan foydalanishning barcha tasdiqlangan va shubhali holatlarini tekshirishga, kuzatuv qurbonlariga yetarli miqdorda kompensatsiya to‘lashga va Pegasusʼdan foydalanganlarga qarshi sanksiyalar qo‘llashga chaqirdi.

* Maʼlumot o‘rnida, Pegasus - bu Isroilning kiberqurol faoliyati bilan shug‘ullanuvchi NSO Group kompaniyasi tomonidan ishlab chiqilgan josuslik dasturi bo‘lib, iOS va Android operatsion tizimida ishlaydigan mobil telefonlarga yashirin va masofadan boshqarish uchun mo‘ljallangan 0day exploit hisoblanadi.

📧 Биз билан боғланиш учун: info@cyber-bro.uz

🌐 cyber-bro.uz | 💬 Телеграм

🔥 Fransiyalik Sekoia tadqiqotchilari Cytrox (Lycantrox deb atalgan) josuslik dasturlari infratuzilmalarini fosh qilishdi.

2021-yil dekabr oyida tadqiqotchilar Cytrox (Lycantrox) va Candiru (Karkadann) mijozlari o‘rtasidagi potensial aloqalarni aniqladilar, chunki ular klasterlaridan biri josuslik dasturlari sotuvchilari arsenalidagi ekspluatatsiyalar zanjiri uchun kirish nuqtalarini birlashtirgan.

Aniqlangan Lycantrox infratuzilmasining izlari Portugaliya, Angola, Qozog'iston, Indoneziya, Misr, Madagaskar va Fors ko'rfazi mamlakatlaridagi bir nechta avtonom tizimlardagi serverlarni o`z ichiga olmoqda.

Unga tegishli 121 ta faol domen nomlari aniqlandi, ular Lycantrox infratuzilma faoliyati klasteri va ma'lum bir joydagi aniq maqsadlar bilan yuqori darajadagi vazifalarni bajargan.

Masalan, Madagaskarga tegishli domenlar razvedka agentliklari Predator (Cytroxning aloqador boshqa zararli dasturi) saylovlardan bir necha oy oldin mamlakatda siyosiy kuzatuv olib borish uchun sotib olganini ko'rsatdi.

Qozog‘istonda ilgari NSO, RCS Lab va FinFisher bilan faol ishlaganligini hisobga olsak, Sekoia tadqiqotchilari ro‘yxatda, Qozog‘iston tashkilotlari bilan bog‘liq tegishli hayratlanarli narsa topmadilar. Ya`ni odatdagidek OAV, neft qazib olish va moliya sohasida tegishli domenlarni aniqlashgan.

🇮🇳 Hindistonlik xakerlar Isroil tomonida HAMASga qarshi kiber urushni boshladi

DNA gazetasining xabar berishicha, hind xakerlari Isroil tomoniga o‘tib, Falastin veb-saytlariga hujum qilmoqda. Bildirilishicha, xakerlar Falastin milliy banki va Milliy telekommunikatsiya kompaniyasi saytlariga hujum qilgan.

"Hindistonlik xakerlar guruhning rasmiy veb-saytini buzish va yopish orqali HAMASni nishonga olishga qaror qildi. Ular Falastin bilan kiber urushga kirishdi", deb yozadi gazeta.

O‘z navbatida, “Times Now” telekanalining da’vo qilishicha, Mysterious Team Bangladesh, Anonymous Sudan va Team Insane Pakistan kabi xakerlik guruhlari OPISRAEL va OpIsraelV2 nomlari ostida Isroilga qarshi qo‘shma operatsiyalarni boshlab, Yaqin Sharqdagi keskinlikni tarmoqqa ko‘chirganidan keyin hind xakerlari Falastin saytlariga hujumni boshlagan.

Ommaviy axborot vositalari hozircha hind xakerlik guruhlarini nomlagani yo‘q, biroq ular ba’zi kiberhujumlarda muvaffaqiyat qozonganini bildirmoqda. Shu bilan birga, “Times Now” nashrining qayd etishicha, Isroilda kompyuter hujumlaridan himoya qilish uchun zamonaviy tizimlar mavjud.

@cyberbrosecurity

Bu orada Sudan Anonymous guruhi Killnet guruhi bilan hamkorlikda ishlashini eʼlon qildi. Aynan bugun Sudan Anonymous tarafidan Isroilning eng yirik axborot media saytlaridan biri bo‘lgan Jerusalim Post buzilgan va haligacha ish faoliyatida emas.

Bugun shuningdek Eronning Cyber Av3ngers guruhi tomonidan Isroilning DORAD elektrostansiyasi va sayti buzilgan, bir necha fazalari ishdan chiqarilgan, shuningdek zavodning konfidensial maʼlumotlari tarmoqlarda ochiqlab yuborilgan.

@cyberbrosecurity

💣 Kiber urushlar davri

Xabaringiz bor, kecha Isroil va Falastin o‘rtasida bir necha o‘n yillik mojaro yana qayta boshlandi va keskinlashib bormoqda. Ushbu bo‘hron kiber olamga ham ko‘chmoqda. Rossiya hukumatiga tegishli deb qaraladigan Killnet hakerlik guruhi ham bugun o‘z bayonotini eʼlon qildi:

"Isroil hukumati, bu qon to‘kilishlari uchun siz aybdorsiz. 2022 yilda siz Ukrainaning terrorchi rejimini qo‘llab-quvvatladingiz va bu orqali Rossiyaga xiyonat qildingiz. Bugun Killnet sizga shu haqda rasman xabar beradi, Isroilning barcha hukumat tizimlari bizning hujumlarimiz ostida qoladi".

Va bu bayonotdan hech qancha vaqt o‘tmasdan Isroilning eng yirik davlat portali https://www.gov.il/ juda katta uzilishlar bilan ishlamoqda.

@cyberbrosecurity

🔥 Birinchi CyberKent standoff juda zo'r o'tdi , tashkiliy masalalar , dizayn , Dj, kiber poligon hammasi xalqaro darajada ishlangan!

Biz kiberxavfsizlik sohasini rivojlantirish , kadrlarni tayyorlash , O'zbekistonning virtual hududlarini kiber insidentlardan himoyalash bilan shug'illanar ekanmiz , CyberKentda qatnashgan ishtirokchilar holati , bilim darajasi haqida gapirib o'tishni zarur deb bildik.

Ochiq CTF dan boshlasak , odatda doim ctflar bir xil yo'nalishda aniq ssenariyda bo'ladi , masalan OSINT , Cryptografiya, Reverse,De/Encode .. ammo juda ko'pchilik oddiy masalalarda ham juda ko'p vaqt sarflashdi. Fundamental narsalarga e'tiborsizlik , bilmaslik sizni har qanday katta natijalaringizni nolga teng qilishi mumkin.

Smart TV - task juda qiziq va qiyin ko'rinadi , lekin siz masalaning shartini va tashkilotchilar taqdim qilgan "hint" lar orqali bu 2x2 ekanini tushinasiz... Ammo naq 6 soat vaqt o'tgach "hint" lar seriyasidan keyingina masala yechildi. Aslida server va Smart TV o'rtasidagi traffikni ochiq wifiga ulanib eshitishingiz , header dan cred'ni olib serverga kirish kifoya edi😵‍💫

Standoff - masalalari boshqacha , unda umumiy kompleks tizimlar yaratilgan , bir-biriga bog'liq obektlar edi. Ishtirokchilar va kuzatuvchilarning o'zlari holatni ko'rib baho berishdi :) Bajarilmay qolgan tasklar soni juda ko'p edi..

Umumiy qilib aytganda bizda bu sohaga qiziquvchi yoshlar juda ko'p, ammo barchasi tarqoq va tartibsiz chala bilim olishmoqda. Fundamental bilimlarning yo'qligi , nazorat va rejasiz harakat hech qanday natijaga olib kelmaganini guvohi bo'ldik ochig'i.

Biz CYBER-BRO Academy da bunday turnirlar uchun "CTF-Standoff" jamoalarini tayyorlash bo'yicha alohida o'quv mashg'ulotlarini tashkillashtiramiz va unda barcha yoshlar ta'lim olishi mumkin bo'ladi. Maqsad xalqaro turnirlarda keyinchalik O'zbekiston sharafini loyiq o'rinlarda egallash. 🫡

Yana bir bor ushbu ajoyib turnirni tashkillashtirgan Kiberxavfsizlik markazi , CyberPark rahbariyati va barcha xodimlariga minnatdorchilik bildiramiz.

🔥🔥🔥

🥷shadowrise 1-likda!

🔥🔥🔥