Center for Economic Research and Reforms

🚗 Ўзбекистон автомобиль бозорида барқарор фаоллик сақланиб қолмоқда

➡️Иқтисодий тадқиқотлар ва ислоҳотлар маркази Ўзбекистон автомобиль бозоридаги фаоллик динамикасини мунтазам таҳлил қилиб боради. Шарҳ автомобиль бозорининг асосий сегментлари ва ҳудудлардаги ўзгаришларни қамраб олади.

📊Август ойи якунларига кўра, барча турдаги автотранспорт воситалари (бирламчи, иккиламчи ва электромобиллар) савдоси 79 мингтадан ошди.

🚙 Бир ой давомида янги енгил автомобиллар савдоси 20,5%га ўсиб, 30,6 мингтага етди.
➖ Ўсишга асосий ҳиссани маҳаллий ишлаб чиқарилган автомобиллар қўшди, уларнинг савдоси қарийб 25%га ошиб, 25,3 мингтани ташкил этди.
➖ Хорижда ишлаб чиқарилган янги автомобиллар савдоси 5,3 мингтани ташкил этиб, ўтган ойга нисбатан 7%га ошди.
➖ Фойдаланилган енгил автомобиллар савдоси 10,8%га камайиб, қарийб 32 мингтани ташкил этди.

♻ Август ойида бирламчи ва иккиламчи бозорларда электромобиллар савдоси 9,2 мингтани ташкил этди.

Жаъфар Хидиров
Иқтисодий тадқиқотлар ва ислоҳотлар маркази

🖋 Cerr.uz ✈️ Telegram 💻Facebook 🖥(Twitter) ▶️ YouTube

🏠 Ўзбекистон уй-жой бозорида юқори фаоллик сақланиб қолмоқда

🔍Йил бошидаги кескин ўсишдан сўнг уй-жой савдоси барқарорлашди. Йил бошидан энг юқори ўсиш суръатлари Тошкент шаҳри, Сирдарё ва Андижон вилоятларида қайд этилди.

📊Жорий йилнинг август ойида республика бўйича 25,1 мингга яқин уй-жой олди-сотди битимлари расмийлаштирилди, бу ўтган йилнинг август ойи кўрсаткичига деярли мос келади (+0,2%).

📈 Йил бошидан (январь–август) Ўзбекистонда уй-жой савдоси ўтган йилнинг мос даврига нисбатан 18,4%га ўсиб, 222,5 мингта битимни ташкил этди.

📊 Август ойида ўтган йилга нисбатан фаоллик 14 та ҳудуддан 6 тасида ошди. Тошкент шаҳрида 7,4 мингта уй-жой олди-сотди шартномаси рўйхатдан ўтказилди, бу ўтган йилнинг мос даврига нисбатан 2,2%га юқори.


🖋 Cerr.uz ✈️ Telegram 💻Facebook 🖥(Twitter) ▶️ YouTube

📊 Ўзбекистонда ишбилармонлик фаоллиги август ойида ижобий динамикани сақлаб қолди

1️⃣Ижобий динамикага биржа фаоллигининг ошиши ва фаолият юритаётган хўжалик юритувчи субъектлар сонининг кўпайиши ҳисса қўшди, шу билан бирга, мамлакатнинг олтита ҳудудида ўтган ойга нисбатан ўсиш қайд этилди.

➡️ИФИ компонентлари даражасидаги қуйидаги ўзгаришлар кузатилди:

🔽хўжалик юритувчи субъектларнинг банк ҳисоб-варақларидаги операциялар сони бўйича компонент 6,2% камайган

🔼товар-хом ашё биржасида хом-ашё сотиб олиш жадаллиги 2,7% ошган

🔼фаолият кўрсатаётган хўжалик юритувчи субъектлар бўйича компонент 2,3% ортган

🔽товар белгилари бўйича компонент 12,5% пасайган

⬆️  Йирик тадбиркорлик билан шуғулланувчи корхоналар сони 143 тага ортиб, 4 802 тани ташкил этган

Исломбек Сапарматов, Иқтисодий тадқиқотлар ва ислоҳотлар маркази

————————————————-

📊 Деловая активность в Узбекистане в августе сохранила положительный тренд

1️⃣Положительную динамику поддержали увеличение биржевой активности и числа действующих хозяйствующих субъектов, при этом рост к предыдущему месяцу отмечен в шести регионах страны.

➡️В компонентах ИДА наблюдались следующие изменения:

🔽компонент по количеству операций на банковских счетах хозяйствующих субъектов снизился на 6,2%

🔼интенсивность закупок сырья на товарно-сырьевой бирже выросла на 2,7%

🔼компонент по действующим хозяйствующим субъектам увеличился на 2,3%

🔽компонент по товарным знакам снизился на 12,5%

⬆️ Количество крупных предприятий выросло на 143 и составило 4 802.

Исломбек Сапарматов, ЦЭИР


🖋 Cerr.uz ✈️ Telegram 💻Facebook 🖥(Twitter) ▶️ YouTube

🇰🇿Марказий Осиё мамлакатларининг 2026 йил 7 ойидаги ўзаро савдоси

Иқтисодий тадқиқотлар ва ислоҳотлар маркази 2026 йил январь–июль ойларида Марказий Осиё мамлакатлари ўртасидаги ўзаро савдо динамикасига бағишланган шарҳ тайёрлади.

2026 йил январь–июль ойлари якунларига кўра, Марказий Осиё давлатларининг ўзаро савдоси юқори ўсиш суръатларини сақлаб қолди. Унинг ҳажми 25,4 фоизга ошиб, 8,1 млрд долларга етди. Минтақадаги энг йирик экспортчи Қозоғистон бўлиб, унинг Марказий Осиё мамлакатларига экспорти 4,5 млрд долларни ёки жами ўзаро экспортнинг 55,9 фоизини ташкил этди. Ўзбекистон ҳиссасига 2 млрд доллар (24,7 фоиз), Туркманистонга 844 млн доллар (10,4 фоиз), Қирғизистонга 523 млн доллар (6,4 фоиз), Тожикистонга 209 млн доллар (2,6 фоиз) тўғри келди. Қозоғистон ва Ўзбекистон биргаликда минтақавий экспортнинг 80 фоиздан ортиғини таъминлади.

Марказий Осиёнинг алоҳида мамлакатлар ташқи савдосидаги улуши сезиларли даражада фарқ қилади. Минтақанинг энг юқори улуши Қирғизистон ташқи савдо айланмасида 19,9 фоиз, Тожикистонда 17,6 фоизни ташкил этди. Ўзбекистонда ушбу кўрсаткич 10,9 фоиз, Қозоғистонда 6,7 фоиз бўлди. Бу мамлакатларнинг минтақавий савдо алоқаларига жалб этилганлик даражаси турлича эканини кўрсатади.
.

Умуман, маълумотлар Марказий Осиёда ўзаро савдо алоқалари кенгайиб, мамлакатлар ўртасидаги иқтисодий боғлиқлик кучайиб бораётганини кўрсатмоқда. Юқори ўсиш суръатларининг сақланиши ишлаб чиқариш кооперациясини ривожлантириш, трансчегаравий қўшилган қиймат занжирларини кенгайтириш ва хомашёга боғлиқ бўлмаган савдони ошириш учун асос бўлиши мумкин.
.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🖥Media about us

🖊 An article by Edvard Romanov, senior researcher at the Center for Economic Research and Reforms, has been published, focusing on trade and investment cooperation between Uzbekistan and the Republic of Korea and the prospects for expanding economic partnership within the Central Asia–Republic of Korea framework.

🔝The article was published by:
✅ The International Asia Today (Turkey)
✅ Embassy of Uzbekistan in Belarus
✅ Embassy of Uzbekistan in Ukraine
✅ Consulate General of Uzbekistan in Germany

The next phase of investment could build on this foundation by expanding local production, training engineers, and developing industrial clusters. Korean expertise can help establish standards, while the regional market provides the scale needed to launch major new industrial projects and joint production initiatives.

🖋 Cerr.uz ✈️ Telegram 💻Facebook 🖥(Twitter) ▶️ YouTube

(давоми)

Марказий Осиё пахтачилигида сўнгги ўн йилликнинг асосий тенденциялари экин майдонларининг 300 минг гектарга, яъни 2,1 млн гектардан 1,8 млн гектаргача қисқариши, пахта ҳосилининг эса 32 фоизга, 4,6 млн тоннадан 6,1 млн тоннагача ошиши билан ифодаланди. Натижада ўртача ҳосилдорлик гектарига 12 центнерга, 22 ц/га дан 34 ц/га гача кўтарилди.

Бу иқтисодий моделнинг экстенсив ва кўп сув талаб қиладиган ишлаб чиқаришдан ҳар бир гектардан олинадиган самарани оширишга томон ўтаётганини кўрсатади.

Минтақадаги яна бир таркибий тенденция қайта ишланмаган пахта экспортининг сезиларли қисқариши бўлди. Бешта мамлакатнинг жами ҳисобланган экспорт ҳажми 2016 йилдаги 745 минг тоннадан 2025 йилда 180 минг тоннагача, яъни 76 фоизга камайди.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🌿 2016–2025 йилларда Марказий Осиёда пахтачилик

Иқтисодий тадқиқотлар ва ислоҳотлар маркази Марказий Осиё мамлакатларида пахтачиликнинг 2016–2025 йиллардаги ривожланиш динамикасига бағишланган шарҳ тайёрлади.

2016–2025 йилларда Марказий Осиё мамлакатларида пахтачиликнинг интенсив моделига ўтиш бошланди. Экин майдонларининг қисқариши пахта ҳосили ва ҳосилдорликнинг ошиши билан бирга кечди. Ушбу ўзгаришга асосий ҳиссани Ўзбекистон қўшди.

Пахтанинг кўп сув талаб қилишини ҳисобга олганда, юқори унумдорликка асосланган моделга ўтиш ҳаётий аҳамиятга эга. Кейинги даврда ҳосил ҳажмини ошириш суғориладиган майдонларни кенгайтириш ҳисобига эмас, балки томчилатиб ва дискрет суғориш, лазерли текислаш, қурғоқчиликка чидамли навлар, рақамли мониторинг ҳамда сувнинг иқтисодий асосланган ҳисобини юритиш орқали таъминланиши лозим.

Руслан Абатуров, Иқтисодий тадқиқотлар ва ислоҳотлар маркази


🖋 Cerr.uz ✈️ Telegram 💻Facebook 🖥(Twitter) ▶️ YouTube

🧻2017–2025 йилларда Ўзбекистон қоғоз саноати

Иқтисодий тадқиқотлар ва ислоҳотлар маркази Ўзбекистон қоғоз саноатининг 2017–2025 йиллардаги ривожланиш динамикасига бағишланган шарҳ тайёрлади.

Ўзбекистон қоғоз саноати 2017–2025 йилларда барқарор ўсишни намоён этди. Ишлаб чиқариш ҳажми 2,4 бараварга ошиб, 10,2 трлн сўмга етди. Ўртача йиллик ўсиш суръати 10,9 фоизни, қайта ишлаш саноатида эса 6,9 фоизни ташкил этди. Тармоқнинг ЯИМдаги улуши 0,17 фоизга етди.

Инвестиция фаоллиги ҳам сезиларли даражада ошди. Асосий капиталга инвестициялар 2017 йилдаги 134 млрд сўмдан 2025 йилда 1,6 трлн сўмгача кўпайди. Фақат 2025 йилнинг ўзида инвестициялар 35 фоизга ошди. Фаолият кўрсатаётган корхоналар сони 2016 йилдаги 1 мингтадан 2025 йилда 1,4 мингтагача кўпайди.

Қоғоз саноати маҳсулотлари экспорти 4 бараварга, яъни 2016 йилдаги 20 млн доллардан 2025 йилда 83 млн долларгача ошди. 2025 йилда асосий экспорт бозорлари Қозоғистон, Тожикистон, Корея Республикаси, Озарбайжон ва Россия бўлди.

Руслан Абатуров, Иқтисодий тадқиқотлар ва ислоҳотлар маркази


🖋 Cerr.uz ✈️ Telegram 💻Facebook 🖥(Twitter) ▶️ YouTube

🖊 Иқтисодий тадқиқотлар ва ислоҳотлар маркази ва БМТТД Ўзбекистон цемент саноатида иссиқхона газлари чиқиндилари бўйича баҳолаш натижаларини тақдим этди

Иқтисодий тадқиқотлар ва ислоҳотлар маркази БМТТД кўмагида «Ўзбекистон Республикаси цемент саноатида иссиқхона газлари чиқиндиларини базавий баҳолаш» бўйича маърузасини тайёрлади.

📝 Тадқиқот мамлакатда фаолият юритаётган цемент корхоналарини қамраб олиб, чиқиндилар ҳажми ва таркиби, ишлаб чиқаришнинг энергия самарадорлиги, заводлар ўртасидаги технологик фарқлар ҳамда тармоқнинг декарбонизацияга тайёрлик даражасини баҳолайди.

Иқтисодий тадқиқотлар ва ислоҳотлар маркази ҳисоб-китобларига кўра, 2025 йилда цемент саноатидаги чиқиндилар ҳажми қарийб 16,1 млн тонна CO₂ни, уларнинг ўртача интенсивлиги эса бир тонна цементга 0,73 тонна CO₂ни ташкил этган. Бу жаҳон бўйича ўртача кўрсаткичдан юқори. Асосий омиллар клинкер улушининг юқорилиги, иссиқлик энергиясининг сезиларли даражада сарфланиши ва қазиб олинадиган ёқилғига боғлиқлик бўлиб қолмоқда.

Чиқиндиларни қисқартиришнинг асосий йўналишлари сифатида энергия самарадорлигини ошириш ва печларни модернизация қилиш, минерал қўшимчалар ҳисобига клинкер улушини камайтириш, муқобил ёқилғидан фойдаланишни кенгайтириш ҳамда замонавий технологияларни, жумладан чиқинди иссиқликни утилизация қилиш технологияларини кенгроқ жорий этиш белгиланган. Тадқиқотда мавжуд тўсиқлар ҳам аниқланган: муқобил ёқилғининг барқарор таъминоти ва қўшимча цементловчи материаллар учун стандартларнинг мавжуд эмаслиги, ускуналарнинг юқори қиймати ҳамда молиялаштиришдаги чекловлар.

Маъруза цемент саноатини декарбонизация қилиш бўйича амалий чора-тадбирларни ишлаб чиқиш, корхоналарни модернизация қилиш устуворликларини белгилаш, инвестицияларни жалб этиш ва чиқиндиларни қисқартириш жараёнини кейинги мониторинг қилиш учун асос бўлиб хизмат қилиши мумкин.

🔝 Маърузанинг тўлиқ матни

🖋 Cerr.uz ✈️ Telegram 💻Facebook 🖥(Twitter) ▶️ YouTube

(давоми)

🇺🇿🇰🇷Ўзбекистоннинг Корея Республикаси билан ўзаро савдо ва инвестициявий ҳамкорлиги

2025 йилда Ўзбекистон ва Корея Республикаси ўртасидаги товар айланмаси 1,7 млрд долларни ташкил этди. Яқин йилларда ушбу кўрсаткични 2 млрд долларга етказиш мақсад қилинган.

📊 Ўзбекистон ташқи савдосида Корея Республикасининг ўрни:
✍️ Товар айланмаси бўйича — 5-ўрин
✍️ Импорт бўйича — 5-ўрин
✍️ Экспорт бўйича — 28-ўрин

Корея Республикасининг Ўзбекистон умумий товар айланмасидаги улуши 2,1%, умумий импортда — 3,5%, умумий экспортда эса 0,2%ни ташкил этади.
Шу билан бирга, Ўзбекистоннинг Корея Республикаси умумий ташқи савдо айланмасидаги улуши атиги 0,13%ни ташкил этади.

📊 Ўзаро савдо кўрсаткичлари
✍️2017–2025 йилларда Ўзбекистоннинг Корея Республикаси билан товар айланмаси 25,2%га ошиб, 1,4 млрд доллардан 1,7 млрд долларга етди. Экспорт — 61,7 млн доллар, импорт — 1,6 млрд доллар.
✍️2025 йилда товар айланмаси 14%га камайди, экспорт 26,6%га ошди, импорт 15%га камайди.

📦 Экспортда асосий ўринни хизматлар (67,6%) эгаллади. Импортда эса машина ва транспорт ускуналари (60,7%) устунлик қилди.
📦2026 йилнинг 6 ойида товар айланмаси 11,5%га ошиб, 940 млн долларни ташкил этди. Экспорт 33,3 млн, импорт эса 906,8 млн доллар бўлди.

💰 Инвестициявий ҳамкорлик
2026 йил 1 август ҳолатига Ўзбекистонда Корея капитали иштирокида 730 та корхона фаолият юритмоқда.
✍️ Қўшма корхоналар — 186 та
✍️ 100% Корея капитали иштирокида — 544 та

📊 Сўнгги 9 йилда бундай корхоналар сони 20 баробардан ортиқ ошди.
✍️2016–2025 йилларда Корея Республикасидан жалб қилинган ТХИ ва кредитлар ҳажми қарийб 2 млрд долларни ташкил этди. 2025 йилда бу кўрсаткич 474,5 млн доллар бўлди.
✍️Корея Республикаси Ўзбекистонга инвестициялар ҳажми бўйича Осиё мамлакатлари орасида 4-ўринда.
✍️Инвестициялар асосан нефть-газ, кимё, автомобилсозлик, тўқимачилик, фармацевтика, қишлоқ хўжалиги, энергетика, соғлиқни сақлаш, транспорт, қурилиш ва хизматлар соҳаларига йўналтирилган.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🇰🇿🇰🇷 Инфографика: Марказий Осиё мамлакатларининг Корея Республикаси билан савдо-иқтисодий ва инвестициявий ҳамкорлиги

🇺🇿Ўзбекистон Республикаси Президенти Шавкат Мирзиёев Корея Республикаси Президенти Ли Чжэ Мённинг таклифига биноан 13-16 сентябрь кунлари давлат ташрифи билан ушбу мамлакатда бўлади.

🖊 2026 йил 16 сентябрь куни Сеул шаҳрида (Корея Республикаси) бўлиб ўтадиган "Марказий Осиё – Корея Республикаси" биринчи саммити арафасида Иқтисодий тадқиқотлар ва ислоҳотлар маркази минтақадаги мамлакатларнинг Корея Республикаси билан 2025 йилдаги, Ўзбекистоннинг эса Корея Республикаси билан 2017–2025 йиллардаги савдо-иқтисодий ва инвестициявий ҳамкорлиги динамикасини акс эттирувчи инфографикани тайёрлади.

🪙 Сўнгги йилларда Марказий Осиё мамлакатларининг етакчи ташқи ҳамкорлар билан мулоқоти «Марказий Осиё +» форматида ривожланмоқда.

🇺🇸 2023 йилда — «Марказий Осиё + АҚШ» биринчи саммити
🇪🇺 2025 йил апрель — Самарқандда «Марказий Осиё – Европа Иттифоқи» биринчи саммити
🇯🇵 2025 йил декабрь — Токиода «Марказий Осиё + Япония» биринчи саммити бўлиб ўтди.
🇰🇷 Марказий Осиёнинг Корея Республикаси билан кўп томонлама ҳамкорлиги 2007 йилдан буён ривожланиб келмоқда. Бўлажак саммит эса ушбу механизмни илк бор давлат раҳбарлари даражасига олиб чиқади.

«Марказий Осиё +» формати транспорт, саноат, энергетика, муҳим минераллар, рақамлаштириш ва инвестициялар каби соҳаларда минтақавий лойиҳаларни илгари суриш имконини беради.

📈 Савдо-иқтисодий ҳамкорлик
2025 йилда Марказий Осиё мамлакатларининг Корея Республикаси билан товар айланмаси 5,7 млрд долларни ташкил этди.
▪️ Экспорт — 1 млрд доллар
▪️ Импорт — 4,7 млрд доллар
Мамлакатлар кесимида:
🇰🇿 Қозоғистон — 3,2 млрд доллар (56%)
🇺🇿 Ўзбекистон — 1,7 млрд доллар (30%)
🇰🇬 Қирғизистон — 508 млн доллар (8,9%)
🇹🇯 Тожикистон — 196 млн доллар (3,5%)
🇹🇲 Туркманистон — 45,2 млн доллар (0,8%)
Шу тариқа, Марказий Осиёнинг Корея Республикаси билан умумий савдосининг қарийб 87%и Қозоғистон ва Ўзбекистон ҳиссасига тўғри келади.

💰Инвестициявий ҳамкорлик
2025 йил якунларига кўра, Корея Республикасидан Марказий Осиё мамлакатларига киритилган тўғридан-тўғри хорижий инвестициялар ва кредитлар ҳажми 1,5 млрд доллардан ошди.
🇰🇿 Қозоғистон — қарийб 1 млрд доллар
🇺🇿 Ўзбекистон — 474,5 млн доллар
🇹🇲 Туркманистон — 10 млн доллар
🇰🇬 Қирғизистон — 9,2 млн доллар
🇹🇯 Тожикистон — 9,2 минг доллар
Марказий Осиё мамлакатларида Жанубий Корея капитали иштирокида 1,7 мингдан ортиқ корхона фаолият юритмоқда.

Бўлажак саммит саноат кооперацияси, хомашёни чуқур қайта ишлаш, муҳим минераллар, энергетика, сунъий интеллект ва рақамли ишлаб чиқариш соҳаларида ҳамкорликка янги суръат бағишлаши мумкин.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🖥 In the Focus of Foreign Media: Uzbekistan Opens a Balkan Gateway to Europe

🖊 An article by Khurshed Asadov, Deputy Director of the Center for Economic Research and Reforms, has been published in Egyptian media "SEE", focusing on the prospects for expanding trade, investment, and industrial cooperation between Uzbekistan and Serbia, as well as Serbia’s potential role as a gateway for Uzbek businesses to European markets through the Balkans.

The next stage of bilateral cooperation could therefore involve a transition toward more sophisticated forms of economic engagement, including contract manufacturing, localization and joint investment projects.

🔝 The article is available on the Sada Elbalad

🖋 Cerr.uz ✈️ Telegram 💻Facebook 🖥(Twitter) ▶️ YouTube

🖥 Хорижий ОАВ диққат марказида: Ўзбекистон Европа сари Болқон йўлини очмоқда

🖊 Иқтисодий тадқиқотлар ва ислоҳотлар маркази директор ўринбосари Хуршед Асадовнинг Мисрнинг SEE нашрида Ўзбекистон ва Сербия ўртасидаги савдо, инвестициявий ва саноат ҳамкорлигини кенгайтириш истиқболлари, шунингдек, Сербиянинг ўзбек бизнеси учун Болқон орқали Европа бозорларига чиқишдаги имкониятларига бағишланган мақоласи чоп этилди.

Икки томонлама ҳамкорликнинг кейинги босқичи иқтисодий алоқаларнинг янада мураккаб шаклларига, жумладан, контракт асосида ишлаб чиқариш, маҳаллийлаштириш ва қўшма инвестиция лойиҳаларига ўтишни қамраб олиши мумкин.

🔝 Мақола Sada Elbalad нашрида эълон қилинган.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🇺🇿🇷🇸Инфографика: Ўзбекистон ва Сербия ўртасидаги савдо-иқтисодий ва инвестициявий ҳамкорлик

👀Ўзбекистон Президенти Шавкат Мирзиёев 7–8 сентябрь кунлари давлат ташрифи билан Сербия Республикасида бўлади.

🖋 Шу муносабат билан Иқтисодий тадқиқотлар ва ислоҳотлар маркази Ўзбекистон ва Сербия ўртасидаги 9 йиллик савдо-иқтисодий ва инвестициявий ҳамкорлик бўйича шарҳ ва инфографика тайёрлади.

👁2016–2025 йилларда Ўзбекистон ва Сербия ўртасидаги товар айирбошлаш ҳажми қарийб 9 баробарга ўсиб, 12 млн долларга етди.
🔝 Экспорт 3 баробарга ўсиб, 0,9 млн долларни ташкил этди.
🔝 Импорт 10 баробарга ўсиб, 11,1 млн долларни ташкил этди.

2016–2025 йилларда Сербиядан Ўзбекистонга жалб қилинган инвестицияларнинг жами ҳажми 2,2 млн долларни ташкил этди. 2024 йилда Сербиядан Ўзбекистонга жалб қилинган инвестициялар ҳажми 0,2 млн долларни ташкил этди.

Айни пайтда Ўзбекистонда Сербия капитали иштирокидаги 9 та корхона фаолият юритмоқда.

Каналга қўшилиш 👈

Veb-sayt | Facebook | Instagram | Медиабанк

⬇️⬇️⬇️
© Иқтисодий шарҳ
© Экономическое обозрение
© Economic Review

🖋 Cerr.uz ✈️ Telegram 💻Facebook 🖥(Twitter) ▶️ YouTube

🖥Media about us

🖊 An article by Ziyoda Rizaeva, Head of Sector at the Center for Economic Research and Reforms, has been published, focusing on the dynamics of Uzbekistan’s economic cooperation within the SCO, including trade, investment, industrial cooperation, transport corridors, and new areas of engagement.

🔝The article was published by:
✅ Lookwe (China)
✅ APP (Pakistan)
✅ Vecherniy Bishkek (Kyrgyzstan)
✅ Embassy of Uzbekistan in Pakistan
✅ Consulate General of Uzbekistan in Germany

The creation of a dedicated SCO project financing mechanism is becoming particularly important. At the same time, further progress is needed in the digitalization of trade and customs procedures, settlements in national currencies, the integration of transport routes, and the harmonization of conditions for doing business.

🖋 Cerr.uz ✈️ Telegram 💻Facebook 🖥(Twitter) ▶️ YouTube

🖥 ОАВ биз ҳақимизда

Иқтисодий тадқиқотлар ва ислоҳотлар маркази шўъба мудири Зиёда Ризаеванинг Ўзбекистоннинг ШҲТ доирасидаги иқтисодий ҳамкорлиги ривожланиши динамикаси - савдо, инвестициялар, саноат кооперацияси, транспорт йўлаклари ва ҳамкорликнинг янги йўналишларига бағишланган мақоласи эълон қилинди.

🔝 Мақола қуйидаги нашрларда эълон қилинди:
✅ Lookwe (Хитой)
✅ APP (Покистон)
✅ "Вечернего Бишкека" (Қирғизистон)
✅ Ўзбекистоннинг Покистондаги элчихонаси
✅Ўзбекистоннинг Германиядаги Бош консулхонаси

ШҲТнинг лойиҳаларни молиялаштириш бўйича ўз механизмини яратиши алоҳида аҳамият касб этади. Шунингдек, савдо ва божхона тартиб-таомилларини рақамлаштириш, миллий валюталарда ҳисоб-китобларни кенгайтириш, транспорт йўналишларини ўзаро боғлаш ва бизнес юритиш шартларини яқинлаштириш бўйича ишларни давом эттириш зарур.
.

🖋 Cerr.uz ✈️ Telegram 💻Facebook 🖥(Twitter) ▶️ YouTube