Review.uz - "Иқтисодий шарҳ" журнали

(давоми)

Янги иқтисодий модель кадрлар тайёрлаш, энергетика ва молия тизимини бир вақтнинг ўзида ривожлантиришни талаб қилади. Дуал таълим улушини камида 80% га етказиш, амалий кафедраларни бевосита саноат зоналари ва йирик корхоналарда жойлаштириш режалаштирилган. Бу, айниқса, умумий қиймати қарийб $7,5 млрд бўлган янги лойиҳалар муҳандислар, энергетиклар, электроника, машинасозлик, IT ва логистика мутахассисларига талабни ошираётган шароитда муҳим аҳамиятга эга.

Шу билан бирга, ўсишнинг инфратузилмавий ва институционал базаси мустаҳкамланмоқда. Вилоятнинг гидроэнергетик салоҳияти 200 МВт деб баҳоланган, «Хитой — Қирғизистон — Ўзбекистон» темир йўли эса юк ташиш ҳажмини йилига 15 млн тоннагача ошириш имконини беради. Банк тизимида кредитлаш гаровни баҳолашдан бизнеснинг пул оқими, буюртмалари ва шартномаларини таҳлил қилишга босқичма-босқич ўтади. Давлат идоралари кўчирилгандан кейин бўшайдиган 13 гектар ер ва 70 минг кв. м бинолар шаҳар ривожида $1 млрд инвестиция жалб қилиш ва камида 20 минг иш ўрни яратиш имконини беради.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Аграр соҳада асосий вазифа — ҳар бир гектардан олинадиган иқтисодий самарани ошириш. Улуғнор туманида пахтадан озуқа экинларига ўтказилган 5 минг гектар ер камида 10 минг бош қорамол учун озуқа базасини шакллантириш имконини беради. Шу билан бирга, Жалақудуқ ва Хўжаободда паррандачилик қувватларини кенгайтириш, Улуғнорда эса 1,2 минг гектар майдонда балиқчилик кластерини ташкил этиш режалаштирилган.

Яна бир муҳим йўналиш — саноатлашган боғлар ташкил этиш ва қайта ишлашни ривожлантириш. «Agrostar» компанияси 4–5 минг гектар майдонни сув билан таъминлаб, юқори даромадли мева экинларини етиштиришни йўлга қўйиши керак. Бу мақсадларга $30 млн, адир ерларига сув чиқариш учун эса яна 200 млрд сўм ажратилади. Мева-сабзавот маҳсулотларини қайта ишлаш улушини 16% дан 30% гача ошириш, экспортни эса $500 млн га етказиш режалаштирилган. Бу ёндашув аграр сиёсатни маҳсулот ҳажмини оширишдан юқори қўшилган қиймат яратишга йўналтиради.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Андижон вилоятининг янги инвестиция модели, аввало, капитал ва чекланган ер ресурсларидан самарали фойдаланишга қаратилган. Саноат ва тадбиркорлик учун ажратилган 1 минг гектар майдон $7 млрд инвестиция жалб қилиш ва камида 70 минг юқори даромадли иш ўрни яратишга хизмат қилиши керак. Айланмаси 100 млрд сўмдан юқори бўлган 104 та корхонани кенгайтириш бўйича лойиҳалар эса қўшимча 20–30 минг иш ўрни яратиш имконини беради.

Технологик модернизацияга алоҳида эътибор қаратилмоқда. Айланмаси 1 трлн сўмдан юқори бўлган тўртта корхонада қўшилган қийматни 40–50% га ошириш режалаштирилган. Асакада эса дастурий маҳсулотлар, электроника, электромеханика ва муҳандислик хизматларини ривожлантириш орқали мавжуд ишлаб чиқариш тажрибасидан ўз технологияларини яратишга ўтиш кўзда тутилмоқда. Келгуси йил учун мақсадлар — иқтисодий ўсишни камида 10% га таъминлаш, $5 млрд инвестиция жалб қилиш ва экспортни $1,5 млрд га етказиш.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Юқори ўсиш суръатларига қарамай, ҳудуднинг кейинги ривожланиши қатор таркибий чекловларга дуч келмоқда. 2026 йил учун режалаштирилган $3,5 млрд инвестиция ҳозирча мамлакатлар ва тармоқлар бўйича етарлича диверсификация қилинмаган. Малакали кадрлар ва IT-хизматлар экспорти мавжуд бўлса-да, технологик базага инвестициялар етарли эмас. Бу эса мураккаб ва юқори даромадли фаолият турларига ўтишни чекламоқда.

Қишлоқ хўжалигида ҳам катта захира мавжуд: ҳозир вилоятда етиштирилаётган мева-сабзавотнинг атиги 16% қайта ишланмоқда. Молия соҳасида гаровга асосланган кредитлаш модели чеклов бўлиб қолмоқда — йил бошидан 35 минг киши гаров ёки кафил йўқлиги сабабли кредит ололмаган. Меҳнат бозоридаги қўшимча салоҳият — ишлашга тайёр, аммо бола парвариши билан банд бўлган қарийб 3 минг аёл. Демак, кейинги босқичда асосий вазифа ресурсларни кўпайтиришдан кўра, улардан самарали фойдаланишга тўсқинлик қилаётган чекловларни бартараф этишдан иборат.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

🇺🇿Андижон вилояти иқтисодиёти миқдорий ўсишдан унумдорликни ошириш босқичига ўтмоқда

2026 йил 24 сентябрь куни Президент Шавкат Мирзиёев раислигида Андижон вилоятини ижтимоий-иқтисодий ривожлантириш, тадбиркорликни қўллаб-қувватлаш ва аҳоли даромадларини ошириш масалалари муҳокама қилинди.

🔝Жорий ҳолат

2026 йилнинг биринчи ярмида Андижон вилояти иқтисодиёти 8,8%га ўсди. Саноатда ўсиш 9,2%, инвестицияларда 8,9%ни ташкил этди. Энг юқори динамика хизматлар соҳасида кузатилиб, ўсиш суръати 16,1%га етди. Сўнгги ўн йилда ҳудудни ривожлантириш учун республика бюджетидан 20 трлн сўм, тадбиркорликни молиялаштириш учун банклар томонидан 90 трлн сўм йўналтирилди. Жорий йилнинг ўзида аҳоли фаровонлигини ошириш мақсадларига яна 6 трлн сўм ажратилди.

Андижон вилояти иқтисодий ўсишни қўллаб-қувватлаш учун етарли кадрлар ва ишлаб чиқариш салоҳиятига эга. 12 та олий таълим муассасасида 95 минг талаба, 59 та техникумда 60 минг ёш таҳсил олмоқда. Қарийб 10 минг талаба муҳандислик, энергетика, саноат ва IT йўналишларида таълим олмоқда. Аҳолининг ичимлик суви билан қамрови 93%га етган. Бобур шаҳрида янги уй-жой қурилиши ҳудуднинг истиқболдаги сиғимини кенгайтирмоқда. Ҳозирга қадар бу ерга 25 минг киши кўчиб ўтган, яна 200 минг аҳоли учун 800 та кўп квартирали уй қурилмоқда.

Батафсил:
⬇️⬇️⬇️
ўзб review.uz/oz/nle
рус review.uz/nle
инг review.uz/en/nle

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Ўзбекистоннинг халқаро ташаббуслари мамлакат ичида вакиллик ҳокимияти ролини изчил кенгайтиришга таянади. Сўнгги йилларда қонун чиқарувчи ҳокимият ролини кучайтиришга қаратилган 20 дан ортиқ қонун қабул қилинди. Қонунчилик палатасининг мутлақ ваколатлари сони 5 тадан 12 тага, Сенатники 14 тадан 18 тага оширилди, маҳаллий Кенгашларга эса 30 дан ортиқ ваколат берилди. 2024 йилда парламент сайловлари илк бор аралаш тизим асосида ўтказилиб, 75 нафар депутат бир мандатли сайлов округларидан, 75 нафари партия рўйхатлари бўйича сайланди.

Шу билан бирга, инклюзивлик ва парламент дипломатияси кенгайиб бормоқда. Сайлов якунларига кўра, Қонунчилик палатасида хотин-қизлар улуши қарийб 38 фоизни ташкил этди. Олий Мажлис қарийб 100 та хорижий ҳамкор билан алоқалар олиб бормоқда, 80 га яқин парламентлараро дўстлик гуруҳлари ва қўшма комиссиялар фаолият юритмоқда. Кейинги босқич парламентаризмни институционал жиҳатдан мустаҳкамлашдан унинг амалий натижадорлигини оширишга, яъни қонун чиқарувчи ҳокимиятнинг давлат бошқаруви сифати ва ижтимоий масалаларни ҳал этишга таъсирини баҳолашга қаратилган.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Ташаббуснинг асосий ғояси халқаро ривожланиш мақсадларини фақат декларация даражасида қолдирмасдан, уларни аниқ миллий қарорларга айлантиришдан иборат. Ушбу тизимда парламент боғловчи бўғин вазифасини бажаради. Халқаро мажбуриятлар қонунчилик билан таъминланади, бюджет устуворликларида мустаҳкамланади ва кейинчалик парламент назорати ҳамда натижалар мониторинги орқали кузатиб борилади.

Бундай механизм ижтимоий сиёсатнинг асосий йўналишлари - камбағалликни қисқартириш, бандлик, таълим, ижтимоий ҳимоя, имкониятлар тенглиги, хотин-қизлар ва ёшлар иштирокини қамраб олади. Бунда гап фақат 2030 йилгача бўлган кун тартибини амалга ошириш ҳақида эмас. Ташаббус БРМнинг амалдаги цикли якунланганидан кейинги давр учун ҳам институционал асос яратиб, парламентларнинг ижтимоий ривожланиш ҳамда аҳоли билан қайта алоқани таъминловчи доимий механизм сифатидаги ролини кучайтиради.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

Ўзбекистоннинг БМТдаги ташаббуси парламентларнинг ижтимоий тараққиётдаги глобал ролини ўзгартирмоқда

Бош Ассамблея томонидан Ўзбекистон ташаббуси билан қабул қилинган резолюция тўғрисида.

Ўзбекистоннинг ривожланиш мақсадларига эришишда парламентлар ролини кучайтиришга қаратилган ташаббуси халқаро миқёсда изчил илгари суриб келинмоқда. 2020 йилда Президент Шавкат Мирзиёев БМТ Бош Ассамблеясининг 75-сессиясида ушбу масала бўйича махсус резолюция қабул қилишни таклиф этди. 2022 йилда БМТ Бош Ассамблеясининг 77/159-сонли резолюцияси қабул қилиниб, унга 80 га яқин давлат ҳаммуаллиф бўлди. 2025 йилда эса ушбу йўналиш Тошкентда ўтказилган Парламентлараро иттифоқнинг 150-Ассамблеяси ҳамда унинг якунлари бўйича қабул қилинган Тошкент декларациясида янада ривожлантирилди.

2026 йил июль ойида БМТ Бош Ассамблеяси Ўзбекистон ташаббуси билан парламентларнинг ижтимоий ривожланишни жадаллаштиришдаги ролини кучайтиришга бевосита бағишланган янги резолюцияни қабул қилди. Ҳужжат кенг халқаро қўллаб-қувватловга эга бўлди. 167 та давлат ёқлаб, 1 та давлат қарши овоз берди, бетараф қолганлар бўлмади, 61 та давлат резолюцияга ҳаммуаллиф бўлди. Шу тариқа, бир неча йил ичида Ўзбекистон ташаббуси миллий таклифдан халқаро парламент кун тартибининг бир қисмига айланди.

Эдвард Романов, 
Иқтисодий тадқиқотлар ва ислоҳотлар маркази

"Иқтисодий шарҳ" журнали №9/2026

Батафсил:
⬇️⬇️⬇️
ўзб review.uz/oz/yvo
рус review.uz/yvo

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

🚗 Ўзбекистон автомобиль бозорида барқарор фаоллик сақланиб қолмоқда

➡️Иқтисодий тадқиқотлар ва ислоҳотлар маркази Ўзбекистон автомобиль бозоридаги фаоллик динамикасини мунтазам таҳлил қилиб боради. Шарҳ автомобиль бозорининг асосий сегментлари ва ҳудудлардаги ўзгаришларни қамраб олади.

📊Август ойи якунларига кўра, барча турдаги автотранспорт воситалари (бирламчи, иккиламчи ва электромобиллар) савдоси 79 мингтадан ошди.

🚙 Бир ой давомида янги енгил автомобиллар савдоси 20,5%га ўсиб, 30,6 мингтага етди.
➖ Ўсишга асосий ҳиссани маҳаллий ишлаб чиқарилган автомобиллар қўшди, уларнинг савдоси қарийб 25%га ошиб, 25,3 мингтани ташкил этди.
➖ Хорижда ишлаб чиқарилган янги автомобиллар савдоси 5,3 мингтани ташкил этиб, ўтган ойга нисбатан 7%га ошди.
➖ Фойдаланилган енгил автомобиллар савдоси 10,8%га камайиб, қарийб 32 мингтани ташкил этди.

♻ Август ойида бирламчи ва иккиламчи бозорларда электромобиллар савдоси 9,2 мингтани ташкил этди.

Жаъфар Хидиров
Иқтисодий тадқиқотлар ва ислоҳотлар маркази

Батафсил:
⬇️⬇️⬇️
ўзб review.uz/oz/m9k
рус review.uz/m9k
инг review.uz/en/m9k

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

(давоми)

2026 йилдаги олтинчи Очиқ мулоқот тадбиркорликни ривожлантиришнинг янги босқичига — бизнесни ташкил этишдан капитални кўпайтириш, унумдорликни ошириш ва ташқи бозорларга чиқишга ўтишни белгилаб берди. Биринчи йўналиш молиялаштириш билан боғлиқ. 10 млрд сўмгача кредит олишда тадбиркор учун кредит суммасининг 25%и миқдорида гаров етарли бўлади. Шу билан бирга, бизнеснинг давлат активлари ва инфратузилмадан фойдаланиш имкониятлари кенгайтирилмоқда. Давлат активлари учун бошланғич тўлов 15%гача камайтирилиб, қолган маблағни 7 йилгача бўлиб тўлаш имконияти берилади.

Алоҳида йўналиш технологик модернизацияга қаратилган. «Сунъий интеллект — 10 мингта корхона учун ҳамкор» дастури доирасида 10 мингта компанияни қўллаб-қувватлаш, сунъий интеллектни жорий этиш харажатларининг ярмини қоплаш ва биринчи босқич учун камида 100 млн доллар йўналтириш назарда тутилган. Корхоналарни IPOга тайёрлаш дастури эса ҳар йили камида 1 млрд доллар капитал жалб этишга хизмат қилиши кутилмоқда.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

(давоми)

Беш йил давомида очиқ мулоқот давлат ва тадбиркорлик сектори ўртасидаги ҳамкорликнинг барқарор механизмига айланди. 2026 йилга келиб, мамлакатда тадбиркорлар сони 1,2 млн нафарга етди, тадбиркорлик ривожига тўсқинлик қилаётган масалаларни ҳал этиш мақсадида 84 та қонун ҳамда 861 та фармон ва қарор қабул қилинди.

Бизнеснинг молиявий имкониятлари ҳам сезиларли даражада кенгайди. Тадбиркорликка йўналтирилган кредит портфели қарийб 3 баробарга ошиб, 450 трлн сўмга етди, корхоналарнинг асосий капиталга киритган инвестициялари ҳам 3 баробарга кўпайди. Шу билан бирга, ҳудудларда иқтисодий фаоллик кенгайди.

Саноат ишлаб чиқариш ҳажми 100 млн доллардан ошган туманлар сони 66 тадан 116 тага, хизматлар ҳажми 1 трлн сўмдан ошган туманлар сони эса 41 тадан 152 тага етди. Ушбу кўрсаткичлар бизнесни йўлга қўйишни қўллаб-қувватлашдан унинг ўсиши ва капиталини кўпайтириш учун шароит яратишга ўтилганини кўрсатади.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

🇺🇿Очиқ мулоқот – тадбиркорлик ривожининг магистрал йўли сифатида

Ўтган йилларда Ўзбекистон Президентининг тадбиркорлар билан очиқ мулоқоти янги мулоқот шаклидан иқтисодий сиёсатнинг барқарор механизмига айланди.

Беш йил давомида Президентнинг тадбиркорлар билан очиқ мулоқоти бизнеснинг энг долзарб муаммоларини ҳал этишдан тадбиркорлик фаолияти учун шароитларни изчил яхшилашгача бўлган йўлни босиб ўтди. 2021 йилда асосий чоралар молиялаштириш имкониятларини кенгайтириш, солиқлар ва экспортни қўллаб-қувватлашга қаратилди. Банкларга 600 млн доллар йўналтирилди, 5 трлн сўмлик евробондларни жойлаштириш назарда тутилди, экспортчилар учун ҚҚСнинг 80 фоизини қайтариш муддати 7 кунгача қисқартирилди.

2022–2023 йилларда асосий эътибор бизнеснинг ўсиши учун шароитларни яхшилашга қаратилди. Корхоналарни тоифаларга ажратиш тизими жорий этилди, микробизнес учун айланмадан олинадиган солиқнинг ягона ставкаси 4% этиб белгиланди, ҚҚС ставкаси эса 12%га туширилди. 2023 йилда тадбиркорлар айланмаси 25%га ўсиб, 986 трлн сўмга етди, шу билан бирга саноат ипотекаси ва экспортчиларни манзилли қўллаб-қувватлаш механизмлари кенгайтирилди.

2024–2025 йилларда капитал, ер ва инфратузилмадан фойдаланиш имкониятларини кенгайтириш, рақамлаштириш ва солиқ юкини камайтириш устувор йўналишлар бўлди. Микрокредитнинг энг юқори миқдори 3 баробарга — 300 млн сўмгача оширилди, 16 турдаги лицензия ва рухсатномалар бекор қилинди. 2026 йилдан йиллик айланмаси 1 млрд сўмгача бўлган ЯТТ ва ўзини ўзи банд қилган шахслар учун айланмадан олинадиган солиқ ставкаси 1%га туширилди. Шунингдек, «Бизнесни 15 дақиқада бошлаш» тамойили жорий этилди.

Хуршед Асадов,
Иқтисодий тадқиқотлар ва ислоҳотлар маркази

"Иқтисодий шарҳ" журнали №8/2026

Батафсил:
⬇️⬇️⬇️
ўзб review.uz/oz/o4b
рус review.uz/o4b

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🌌 Визуализация СИ ёрдамида тайёрланган

🏠 Ўзбекистон уй-жой бозорида юқори фаоллик сақланиб қолмоқда

🔍Йил бошидаги кескин ўсишдан сўнг уй-жой савдоси барқарорлашди. Йил бошидан энг юқори ўсиш суръатлари Тошкент шаҳри, Сирдарё ва Андижон вилоятларида қайд этилди.

📊Жорий йилнинг август ойида республика бўйича 25,1 мингга яқин уй-жой олди-сотди битимлари расмийлаштирилди, бу ўтган йилнинг август ойи кўрсаткичига деярли мос келади (+0,2%).

📈 Йил бошидан (январь–август) Ўзбекистонда уй-жой савдоси ўтган йилнинг мос даврига нисбатан 18,4%га ўсиб, 222,5 мингта битимни ташкил этди.

📊 Август ойида ўтган йилга нисбатан фаоллик 14 та ҳудуддан 6 тасида ошди. Тошкент шаҳрида 7,4 мингта уй-жой олди-сотди шартномаси рўйхатдан ўтказилди, бу ўтган йилнинг мос даврига нисбатан 2,2%га юқори.

Батафсил:
ўзб review.uz/oz/1yq
рус review.uz/1yq
инг review.uz/en/1yq

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

📊 Инфографика: 2021-2025 йилларда Қорақалпоғистон Республикасининг ижтимоий-иқтисодий ривожланиш кўрсаткичлари

Иқтисодий тадқиқотлар ва ислоҳотлар маркази инфографикасида Қорақалпоғистон Республикасининг иқтисодиёти, аҳоли фаровонлиги, инфратузилма, бандлик, инвестициялар ва экспортдаги ўзгаришлар таҳлил қилинган.

📈 2021–2025 йилларда Қорақалпоғистон Республикаси ЯҲМнинг реал ҳажми 26,4%га, саноат ишлаб чиқариши 19,3%га, қишлоқ хўжалиги маҳсулотлари ишлаб чиқариши 21,3%га, бозор хизматлари эса 61,2%га ўсди.

📈 Аҳоли жон бошига ЯҲМ 15,9 млн сўмдан 26,5 млн сўмга етди. Ўтган беш йилда 4,55 млн кв. метр уй-жой фойдаланишга топширилиб, мактабгача таълим муассасаларида 41 минг, мактабларда 51 минг янги ўрин яратилди.

💼 Ҳудудда 762 мингга яқин иш ўрни яратилди, умумий қиймати 78 трлн сўмлик инвестиция лойиҳалари амалга оширилди. Экспорт ҳажми 416,2 млн доллардан 432,2 млн долларга ошди.

Батафсил:
⬇️⬇️⬇️
ўзб review.uz/oz/898
рус review.uz/898

Юсуп Жумабаев
Иқтисодий тадқиқотлар ва ислоҳотлар маркази

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

📊 Ўзбекистонда ишбилармонлик фаоллиги август ойида ижобий динамикани сақлаб қолди

1️⃣Ижобий динамикага биржа фаоллигининг ошиши ва фаолият юритаётган хўжалик юритувчи субъектлар сонининг кўпайиши ҳисса қўшди, шу билан бирга, мамлакатнинг олтита ҳудудида ўтган ойга нисбатан ўсиш қайд этилди.

➡️ИФИ компонентлари даражасидаги қуйидаги ўзгаришлар кузатилди:

🔽хўжалик юритувчи субъектларнинг банк ҳисоб-варақларидаги операциялар сони бўйича компонент 6,2% камайган

🔼товар-хом ашё биржасида хом-ашё сотиб олиш жадаллиги 2,7% ошган

🔼фаолият кўрсатаётган хўжалик юритувчи субъектлар бўйича компонент 2,3% ортган

🔽товар белгилари бўйича компонент 12,5% пасайган

⬆️  Йирик тадбиркорлик билан шуғулланувчи корхоналар сони 143 тага ортиб, 4 802 тани ташкил этган

Исломбек Сапарматов, Иқтисодий тадқиқотлар ва ислоҳотлар маркази

Батафсил:
⬇️⬇️⬇️
ўзб review.uz/oz/y1f
рус review.uz/y1f
инг review.uz/en/y1f

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🇰🇿Марказий Осиё мамлакатларининг 2026 йил 7 ойидаги ўзаро савдоси

Иқтисодий тадқиқотлар ва ислоҳотлар маркази 2026 йил январь–июль ойларида Марказий Осиё мамлакатлари ўртасидаги ўзаро савдо динамикасига бағишланган шарҳ тайёрлади.

2026 йил январь–июль ойлари якунларига кўра, Марказий Осиё давлатларининг ўзаро савдоси юқори ўсиш суръатларини сақлаб қолди. Унинг ҳажми 25,4 фоизга ошиб, 8,1 млрд долларга етди. Минтақадаги энг йирик экспортчи Қозоғистон бўлиб, унинг Марказий Осиё мамлакатларига экспорти 4,5 млрд долларни ёки жами ўзаро экспортнинг 55,9 фоизини ташкил этди. Ўзбекистон ҳиссасига 2 млрд доллар (24,7 фоиз), Туркманистонга 844 млн доллар (10,4 фоиз), Қирғизистонга 523 млн доллар (6,4 фоиз), Тожикистонга 209 млн доллар (2,6 фоиз) тўғри келди. Қозоғистон ва Ўзбекистон биргаликда минтақавий экспортнинг 80 фоиздан ортиғини таъминлади.

Марказий Осиёнинг алоҳида мамлакатлар ташқи савдосидаги улуши сезиларли даражада фарқ қилади. Минтақанинг энг юқори улуши Қирғизистон ташқи савдо айланмасида 19,9 фоиз, Тожикистонда 17,6 фоизни ташкил этди. Ўзбекистонда ушбу кўрсаткич 10,9 фоиз, Қозоғистонда 6,7 фоиз бўлди. Бу мамлакатларнинг минтақавий савдо алоқаларига жалб этилганлик даражаси турлича эканини кўрсатади.
.

Умуман, маълумотлар Марказий Осиёда ўзаро савдо алоқалари кенгайиб, мамлакатлар ўртасидаги иқтисодий боғлиқлик кучайиб бораётганини кўрсатмоқда. Юқори ўсиш суръатларининг сақланиши ишлаб чиқариш кооперациясини ривожлантириш, трансчегаравий қўшилган қиймат занжирларини кенгайтириш ва хомашёга боғлиқ бўлмаган савдони ошириш учун асос бўлиши мумкин.
.

Батафсил:
ўзб review.uz/oz/jbs
рус review.uz/jbs
инг review.uz/en/jbs

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

📚Дам олиш кунларида нима ўқиш мумкин⁉️

❌ Нега ақлли одамлар нотўғри қарорлар қабул қилади

Ҳатто тажрибали раҳбарлар, инвесторлар ва сиёсатчилар ҳам баҳолашда мунтазам равишда хатога йўл қўяди. Ушбу китоблар инсонлар қандай қарор қабул қилиши ва нима учун прогнозлар кўпинча амалга ошмаслигини тушунишга ёрдам беради.

Стивен Пинкер «Рационаллик» китобида мантиқ, маълумотлар ва танқидий фикрлашнинг аҳамиятини кўрсатиб беради.

Даниэль Канеман «Шовқин» китобида нима учун одамлар бир хил вазиятларда турлича баҳо беришини таҳлил қилади.

Ричард Талер ва Касс Санстейн «Туртки» китобида муҳит инсон танловига қандай таъсир қилишини тушунтиради.

Нассим Талеб «Антимўртлик» китобида ноаниқлик шароитида қандай яшаш ва қарор қабул қилиш мумкинлигини кўрсатиб беради.

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin

🫥Ҳудудларда солиқ, экспорт ва биржа фаоллиги ўсди

📍Ўзбекистон ҳудудларида бизнес фаоллигининг асосий кўрсаткичлари бўйича комплекс мониторинг барча асосий кўрсаткичларда ўсиш кузатилаётганини кўрсатмоқда.

📝 2026 йил август ойи учун мониторинг натижалари шуни кўрсатдики:

🔼 Солиқ тушумлари ҳажми 39,9%га ошган
🔼 Божхона тўловлари бўйича тушумлар 17,6%га ошган
🔼 Товарлар экспорти ҳажми 30,9%га ошган
🔼 Тижорат банклари томонидан ажратилган кредитлар ҳажми 5,5%га ошган
🔼 ЎзРТХБда тузилган битимлар ҳажми 31,6%га ошган

Зарина Косимова, Иқтисодий тадқиқотлар ва ислоҳотлар маркази

Батафсил:
ўзб review.uz/oz/jbs
рус review.uz/jbs
инг review.uz/en/jbs

Обуна бўлиш:
⬇️⬇️⬇️
© Иқтисодий шарҳ
© Экономическое обозрение
© Economic Review

telegram | facebook | twitter| instagram |linkedin