By_Help

З таго што мы ведаем, затрыманых беларусаў у Арменіі чатыры чалавекі. Адзін уцякаў ад прызыву й мабілізацыі, адзін дакладна эканамічны, яшчэ двое хутчэй за ўсё не актывісты. Але мы хутка будзем ведаць больш.

Яшчэ раз паўтаруся, што ня трэба ехаць у Арменію, якая далучаная да агульнай базы вышуку СНД. Абнуляйце свае побыты ў Турэччыне, калі ласка.

Дарэчы, па маіх назіраньнях, уцёкі зь Беларусі ад патэнцыйнай мабілізацыі ці прызыву, бо могуць паслаць на вайну - уладамі Польшчы часта разглядаюцца як легітымныя пры просьбе абароны. Але Польшча ў прынцыпе разглядае беларускія запыты вельмі шчодра. У Брытанію з уцёкамі ад беларускай патэнцыйнай мабілізацыі лепей не савацца, бо без пацьверджаньня ўдзелу ў дэманстрацыях 2020 года Home Office хутчэй за ўсё заяўку адхіліць. Але мы іх (Home Office) пакрысе трэніруем, што беларуская рэальнасьць трохі чарнушная.

Калі ў вас ёсьць нейкія праблемы за мяжой - пішыце t.me/eolonir. Магчыма BY_help зможа дапамагчы недзе.

Апеляцыйны суд у Сэрбіі скасаваў рашэньне аб экстрадыцыі беларуса - ўдзельніка аб’яднаньня спартоўцаў Андрэя Гнёта. Справа накіраваная на перагляд.

Усё ж ціск дае плён. Калі б Гнёта пастанавілі выдаць Менску, то ён бы стаў першым беларусам, дэпартаваным па палітычных матывах

‼️Да Сяргея Ерамеева не пускаюць адваката

Беларускія праваабаронцы, аб'яднаныя ў Службу хуткай гуманітарнай дапамогі, працягваюць спробы прабіцца да Сяргея Ерамеева. Паводле апошніх звестак беларус, які абвінавачваецца ва ўчыненні падрыву двух цягнікоў у Бураціі, знаходзіцца ў СІЗА Лефортава, у Маскве.

Гэта ўдалося высветліць пасля шматлікіх зваротаў адвакатаў. Аднак, парушаючы закон, адваката да Сяргея Ерамеева так і не пусцілі. Абгрунтаванне: неабходна атрымаць дазвол следчага. Імя следчага супрацоўнікі ізалятара Лефортава даваць адмовіліся.

❗️Варта адзначыць, што працаўнікі ізалятара ва Улан-Удэ, сталіцы Бураціі, куды праваабаронцы даслалі афіцыйны запыт, падрабязна цікавіліся, хто і з якой мэтай наняў адваката Сяргею.

Беларускія праваабаронцы распачнуць усе неабходныя дзеянні, каб законнымі спосабамі дабіцца доступу да арыштаванага беларуса!

«Білі нагамі, рукамі, нейкімі палкамі, электрашокерам». Як людзей збіваюць у ГУБАЗіКу

Былы арыштант Акрэсціна распавёў пра мужчыну, якога супрацоўнікі ГУБАЗіКа для затрымання выклікалі ў якасці таксіста на вул. Рэвалюцыйную — там размешчаны штаб упраўлення.

«Ён прыехаў, заехаў пад шлагбаўм, яго адразу ж дасталі з машыны, збілі. Білі нагамі, рукамі, нейкімі палкамі, электрашокерам. Яго білі шокерам пад пазногці, потым аблівалі ногі і зноў білі шокерам у бранзалеты, у косткі ног. Натуральна, пасля такога кішэчнік адмовіў, усё вылілася.

Ён увесь выпэцкаўся, а яны з яго яшчэ доўга смяяліся. Дазволілі яму зняць усю вопратку і апранулі на яго пакет цэлафанавы, прывязалі яго да цела шлейкамі са скотчу, надзелі на яго каску. Яго прывезлі ў РУУС і сказалі: "Гэта Марыё, сустракайце". Там яму дазволілі памыцца і падмыцца трошкі. І вось ён быў мацней за ўсіх збіты і выглядаў вельмі дрэнна. І да канца 15 сутак сінякі з яго не сышлі, рукі былі сінія і твар увесь пабіты».

👉Чытаць цалкам

Каб памятаць, з чым мы маем справу.
Расплата будзе адпаведнай.

ДАЛУЧАЙЦЕСЯ ДА МАРШУ Ў ПАМЯЦЬ АБ БЕЛАРУСЦЫ ЛІЗАВЕЦЕ Ў ВАРШАВЕ

На мінулым тыдні ў Варшаве адбылася жудасная трагедыя. Памерла беларуска Лізавета – дактары не змаглі выратаваць яе жыццё пасля жорсткага нападу, згвалтавання і спробаў удушэння.

6 сакавіка ў Варшаве ў памяць аб загінулай дзяўчыне пройдзе марш супраць гвалту «Яе звалі Ліза». Акцыя пачнецца а 18:00 па адрасе ul. Żurawia, 47 – там, дзе адбылося злачынства. Арганізатары заклікаюць удзельнікаў і ўдзельніц апрануцца ў чорнае.

Грамадскі дзеяч і кіраўнік фонду BYSOL Андрэй Стрыжак піша: «Трагічная смерць Лізы ад рук гвалтаўніка аб’яднала беларусаў і зноў узняла пытанні гвалту супраць жанчын. Далучаюся да ўсіх словаў падтрымкі і спачуванняў сям’і і заклікаю ўсіх далучыцца да Марша памяці».

За апошні тыдзень нам удалося:

1. Знайсьці Ерамеева. Зараз да яго будзе прабівацца адвакат.

2. Зрабіць прагрэс у справе абароны Гнёта, які можа быць высланы ў Беларусь.

3. Зрабіць яшчэ крок да таго, каб беларусы, якія выехалі ў Арменію з Грузіі і былі там затрыманыя па запыце з РБ маглі выехаць як мага хутчэй (бо першы такі выпадак ня мог выехаць месяцамі, наступныя - тыднямі, а зараз, спадзяюся, будзе макс пара тыдняў.

4. Пачаць новы тып дапамогі ўнутры РБ.

5. Адкрыць яшчэ два шэлтэры.

Не пераключайцеся. More is coming.

‼️ «Служба хуткай гуманітарнай дапамогі» - адказ на ўзмацненне рэпрэсій у Беларусі

Чатыры вядучыя арганізацыі па дапамозе палітычным рэпрэсаваным абвяшчаюць аб стварэнні «Службы хуткай гуманітарнай дапамогі».

Што гэта за арганізацыі👇🏻

🔺Грамадская кампанія BY_Help – штрафы, аплата паслугаў адвакатаў, выплаты катаваным, рэабілітацыя былых палітычных вязняў у Беларусі і за межамі краіны;

🔺Фонд BYSOL – індывідуальныя зборы для рэпрэсаваных, эвакуацыя з Беларусі, праграмы перанавучання для палітычных рэпрэсаваных;

🔺Ініцыятыва Dissidentby – маніторынг і рэгістрацыя парушэнняў правоў чалавека, падтрымка палітычных зняволеных унутры Беларусі;

🔺Фонд «Краіна для Жыцця» – падтрымка семʼяў палітвязняў унутры Беларусі, юрыдычная і псіхалагічная дапамога ўсім рэпрэсаваным.

Служба мусіць палепшыць якасць і аператыўнасць аказання дапамогі рэпрэсаваным паводле палітычных матываў, а таксама дазволіць скаардынавана адказваць на новыя выклікі.

«Каардынацыя сумесных дзеянняў у «Службе хуткай гуманітарнай дапамогі» дазволіць нам аператыўна рэагаваць на запыты рэпрэсаваных, хутка выводзіць іх з-пад удару і надаваць у неабходныя тэрміны эвакуацыйную і рэабілітацыйную дапамогу пацярпелым ад палітычных рэпрэсій».

Падрабязнасці чытайце пад спасылкай:
👉🏻 https://by.stranafund.org/blog/news/sluzba-hutkai-humanitarnai-dapamogi-aperatiunaja-padtrymka-palitichnih-zniavolenich

Знайшоўся Сяргей Ерамееў

Сяргей Ерамееў, якога вінавацяць у выбухах на чыгунцы ў Бураціі, знойдзены ў СІЗА “Лефортава” у Маскве.

Ягонае месцазнаходжанне спрабавалі вызначыць беларускія праваабаронцы. Ім дапамаглі ў гэтым расейскія калегі. Бліжэйшым часам да Сяргея Ерамеева паспрабуе патрапіць адвакат.

Сяргея Ерамеева арыштавалі летась у снежні. Яму закідваюць у віну арганізацыю падрываў двух грузавых чыгуначных саставаў у тунэлі БАМ у лістападзе 2023 года. У выніку чаго магістраль была цалкам паралізаваная. Пасля арышту Сяергея Ерамеева этапапавалі ў СІЗА ва Улан-Удэ. Пазней месяц ягонае месцазнаходжанне было невядомае.

Калі ласка, падтрымайце беларуса Сяргея Ерамеева лістом альбо бандэроллю.

Адрас:
111020, Масква, вул. Лефортаўскі вал, д.5, корп. 2, СІЗА-2

ЧАЛАВЕК, ЯКІ СТВАРЫЎ ПАШПАРТ ДЛЯ ЎЦЕКАЧОЎ

Калі Нансэн задэкляраваў свае жаданьне перасекчы Грэнляндыю, яму пярэчылі:

- Гэта немагчыма. Вам давядзецца перасекчы яе двойчы. Ад населенага берага дайсьці да ненаселенага, і вярнуцца. Ніводзін чалавек не вытрымае такі падвойны шлях.

- Ўі, мон амі. Але мы пачнем зь ненаселенага. І ў нас ня будзе куды вяртацца. Будзе толькі фрам. Наперад.

Нансен стаў першым, хто перасёк Грэнляндыю. Першым, хто паспрабаваў ужыць натуральны дрыфт ільду, каб дабрацца на Паўночнага полюса. Стаў амбасадарам новазнойдзенай незалежнасьці Нарвэгіі. І галоўнае - натхняльнікам інстытуту пашпартоў для ўцекачоў, якімі захлынулася Эўропа пасьля Першай сьветавой вайны.

Гэтыя пашпарты і зараз выдаюцца. І іх атрымваюць шматлікія беларусы, каторым родная дзяржава забараніла мяняць дакументы за мяжой. Іх называюць падарожным дакумэнтам або жэнеўскім пашпартам. Але па сутнасьці гэта той самы нансэнаўскі пашпарт.

Таму я б не сьмяяўся над пашпартам Новай Беларусі. Адзін нарвэскі амбасадар у Лігу Нацый некалі стварыў немагчымае: экстэрытарыяльны дакумент, які жыве дагэтуль. Ніхто не сказаў, што нельга паўтарыць.

Даў разгорнутае інтэрвію Тутбаю аб тэндэнцыях у перасьледзе за донаты

https://news.zerkalo.io/life/62365.html.

Лявончык: Калі раптам усё пасыплецца — яно пасыплецца вельмі хутка

КДБ узяўся за тых, хто данаціў ByPol і не выехаў. Данаты спрычыняюцца да спраў па артыкулах, якія цягнуць на тэрмін ад 7 да 15 гадоў. Нават калі людзі «кампенсуюць» данаты сваімі пераводамі праз банк, ніякай паперы аб тым, што пытанне вырашана, ім не даюць, нагадвае «Позірк».

Чытаць (з Беларусі можа спатрэбіцца VPN)

Літоўская міграцыя выдала афіцыйную заяву, што званкі беларусам з пагрозамі дэпартацыі - махлярства. Статус трэба глядзець у асабістым кабінеце на сайце літоўскага міграцыйнага дэпартаменту.

Сёньня беларусам Літвы званіў гэты нумар і пагражаў дэпартацыяй. Нумар супадаў з нумарам Нацыянальнай агенцыі міграцыі, аднак ёсьць нюанс: перад ім стаяў плюсік.

Нумары мабільныя сеткі звычайна вызначаюць у двух фарматах: скарочаным і поўным. Напрыклад, у Літве выклікі зь мясцовых стацыянарных нумароў могуць вызначацца пачынаючы з васьмёркі, у Польшчы - як дзевяць лічбаў (без нацыянальнага коду). Гэта скарочаны фармат. Поўны фармат - з нацыянальным кожам (+370, +48). Але гэта ў тэорыі. У практыцы ў апошні час усе сеткі перайшлі на поўны фармат. Я ўжо ня памятаю, каб не на экране ў якой-кольвечы краіне мне паказваўся кароткі фармат.

То бок сетка вызначыла нумар карэктна, у поўным фармаце. Тады гэта код спадарожнікавай сеткі Inmarsat. Але стандартны нумар Інмарсата складае 12 лічбаў, а не дзевяць. Таму гэта чыстай вады спуфінг (падробка нумара): нумар мусіў выглядаць як міграцыя для недасьведчанага вока і для кнігі кантактаў у тэлефоне, таму яго заспуфілі на тры лічбы карацей.

Ну і як тут ужо паўсюль нагадалі: іміграцыйны статус трэба глядзець у сваім уласным кабінеце на старонцы службы міграцыі.

Дзень "цудоўных" навінаў працягваецца.

Мы маем інфармацыю аб пагрозах натарыюсам з боку сілавікоў, калі першыя афармляюць продаж нерухомасьці без прысутнасьці ўладальніка.

Прававой падставы не афармляць продаж нерухомасьці, калі ёсьць зробленая ў Беларусі даверанасьць, няма, але "інагда не да законаў".

Нагадаем, што некаторы час таму было забаронена прадаваць нерухомасьці на падставе замежнай даверанасьці, што аўтаматычна пазбавіла такой магчымасьці ўсіх, хто ня можа вярнуцца ў Беларусь. Але аперацыі зь нерухомасьцю маглі рабіць тыя, хто перад ад’ездам пасьпеў зрабіць даверанасьць у РБ.

Апошнія крокі азначаюць, што натарыюсы могуць пачаць адмаўляцца прадаваць кватэры на аснове даверанасьці. Што пазбавіць усіх уцекачоў магчымасьці распараджацца сваёй маёмасьцю.

Высновы можна рабіць самім.

Апдэйт пра донаты.
Як мы пісалі раней, выплата адкупных не гарантуе ад будучай крыміналкі ці ад паўторнага прыхода гэб'я з выцягнутай ручкай. Апісаны намі трохі раней у гэтым канале выпадак айцішніка, каторы заплаціў 775 тысячаў даляраў адкупных, трапіў у турму на тры гады і цяпер рызыкуе атрымаць 15 - таму сьведчаньне.

Мы атрымліваем далейшыя паведамленьні, што тым, хто данаціў байполу або рэгулярна й шмат іншым фондам дапамогі, цяпер пагражае не выплата адкупных у стакратным памеры, а адразу справа аб здрадзе рэжыму - гэта да пятнаццаці гадоў у турме. Сёньня стала вядома пра які ўжо выпадак, калі данацёру шыюць менавіта такі артыкул.

Пры гэтым спачатку з вас паспрабуюць зрубіць грашэй, а потым усё адно пасадзяць.

Калі вы данацілі байполу - або шмат і рэгулярна іншым фондам дапамогі - адзіным спосабам забясьпечыць сябе будзе выезд

​​Интерпол заблокировал доступ к данным белоруса, которого хотят экстрадировать в РБ

Интерпол временно заблокировал в своей базе доступ к данным режиссера Андрея Гнета - его задержали в октябре 2023 года в Сербии по запросу белорусских властей, которые объявили его в международный розыск. Это означает, что страны-члены Интерпола (в том числе Беларусь) не будут иметь доступ к данным режиссера, зарегистрированным в базе организации, пока не завершится проверка. Она должна установить, насколько поданная белорусскими силовиками информация соответствует правилам и положениям Интерпола. Об этом @dw_belarus сообщил Вадим Дроздов, представитель Андрея Гнета в Европейском суде по правам человека и Интерполе.

Ранее Дроздов подал запрос, чтобы удалить данные на Андрея Гнета из базы Интерпола. Он считает преследование Гнета со стороны белорусских властей политически мотивированным. Сейчас суд в Белграде решает, будет ли режиссер экстрадирован в Беларусь.

Андрей Гнет - белорусский журналист, режиссер и политический активист. Гнета называют соучредителем "Свободного объединения спортсменов SOS BY", признанным в Беларуси "экстремистским формированием".

@dw_belarus

У справе барацьбы супраць экстрадыцыі Андрэя Гнёта ёсьць зрухі

Стала вядома пра затрыманне ў Сербіі рэжысёра музычных кліпаў і рэкламных ролікаў, журналіста і аднаго з заснавальнікаў Свабоднага аб'яднання спартоўцаў SOS BY Андрэя Гнёта. Яму пагражае экстрадыцыя ў Беларусь.

Лукашэнкаўскі рэжым вінаваціць Гнёта ў нясплаце падаткаў на суму ў 300 000 еўраў. Цягам чатырох месяцаў актывіст знаходзіцца ў сербскай турме. Умовы ўтрымання там, дарэчы, дастаткова жорсткія.

Падрабязней на нашым сайце па спасылцы:

👉🏻 https://by.stranafund.org/blog/news/rezhiseru-andreu-gnetu-grozit-ekstradicia-v-belarus

І нагадваем вам памятаць пра ўласную бяспеку🙌🏻

Нагадваем нашыя аўтарызаваныя кантакты і формы. Мы карыстаемся ТОЛЬКІ зь іх.

Формы:
1. аплата штрафаў, адсідак, адвакатаў, выплат па траўме - bit.ly/byhelpme

2. праграма медычнай і псіхалагічнай рэабілітацыі палітзьняволеных (лекаваньне, тэрапія, часовае жытло і падтрымка - bit.ly/recoveryby


Простыя кантакты:

@michas_help - праграма рэабілітацыі палітзьняволеных
@alisa_helpby - праграма дапамогі дзецям палітзьняволеных
@eolonir - каардынацыя праграм, праверка зьвестак валянтэраў (калі валянтэр піша з прыватнага тг), давераны канал сувязі па агульных пытаньнях

Нашыя валянтэры могуць вам пісаць з прыватных акаўнтаў у адказ на вашую заяўку. Іхныя зьвесткі вы можаце спраўдзіць у @eolonir