Peyğəmbər ﷺ buyurmuşdur: “İnsan öz əcəli tamam olmadan və ruzisini tam almadan ölməz. Elə isə Allahdan qorxun və ruzinizi gözəl yollarla qazanın.” (Sahih əl-cəmi əs-sağir, 2085)
İnsanın ruzisi qaçılmaz olaraq ona çatacaqdır. Ona görə də insan Allahdan qorxmalı, haqq yolda möhkəm dayanmalı və ruzisini ən gözəl şəkildə qazanmağa çalışmalıdır. Yəni ruzini halal yollarla əldə etməyə çalışmalı, harama əl atmamalıdır. Çünki insan nə edirsə etsin, sonda yalnız Allahın onun üçün yazdığını əldə edəcəkdir.
“Allah insanlara mərhəmətindən nəyi nəsib edərsə, heç kəs onun qarşısını ala bilməz. Onun göndərmədiyi bir şeyi də Ondan başqa heç kəs verə bilməz. O, Qüdrətlidir, Hikmətlidir.” (Fatir surəsi, 2-ci ayə)
“Şeytan sizi yoxsulluqla qorxudur və yaramaz işlər görməyi əmr edir. Allah isə sizə Öz tərəfindən bağışlanma və mərhəmət olunacağını vəd edir. Allah (hər şeyi) Əhatəedəndir, Biləndir.” (Bəqara surəsi, 268-ci ayə)
Şeytanın səni Allah yolundan uzaqlaşdırmaq üçün qəlbinə saldığı gələcək qayğıları ilə özünü yorma. Hazırda Allahın səndən istədiyi işlə məşğul ol, Onun əmrlərinə riayət et. Sənə yazılan isə mütləq baş verəcək və sənə çatacaqdır. Bunda heç bir şübhə yoxdur.