Advokat Qosimov

Охирги йилларда давлат харидлари соҳасида бир тенденция кучайиб бормоқда.

Давлат ташкилоти ўз фаолиятида керак бўладиган бир маҳсулотни сотиб олади. Мисол учун 5 миллард сўмга. Сотиб олишдан аввал маҳсулот нархи батафсил текширилади. Қонунда белгиланган тартибда тендер ёки танлов эълон қилинади. Энг арзони сотиб олинади.

Орадан маълум бир вақт ўтиб, прокуратура текширади ва шу маҳсулотни сотиб олинаётган пайтдаги нархини баҳолаш учун экспертиза тайинлайди.

Одатда экспертиза маҳсулотнинг нархини анча кам, масалан 3 миллиард сўмга баҳолаб беради.

Ана энди ҳолат бўйича орадаги фарқ 2 миллиард сўмга ЖК нинг 167-моддаси бўйича жиноят иши қўзғатилади. Натижада ташкилот директори, бош бухгалтери ва маҳсулотни етказиб берган шахс шу зарарни тўламаса қамалиб кетиши мумкин.

Бир қарашда тўғридек.

Шахсий фикримча, бу мутлақо нотўғри амалиёт.

Чунки ташкилот шу маҳсулотни сотиб олиш учун қонунда белгиланган бирон бир қоидани бузмаган бўлади. Одатда ташкилотлар мустақил баҳоловчиларга маҳсулотни баҳолатиб ҳам қўйишади.

Лекин кўпинча экспертиза ҳулосаларида унинг чет элдаги нархидан келиб чиқиб ҳисоб-китоб қилинади. Камига айрим ҳолларда бу ҳулосаларда маҳсулотни ўрнатиб, ишга тушириб бериш харажатлари инобатга олинмайди.

Экспертиза ўтказаётган ташкилот “Баҳолаш фаолияти тўғрисида” ги Қонунга асосан баҳолаш ваколатига эга ёки эга эмаслиги эса алоҳида баҳсли мавзу.

Қисқа қилиб айтганда, бу усул давлат ташкилоти мансабдор шахсларини жавобгарликка тортишнинг оддий усулларидан бирига айланиб қолди.

Шу каби ҳолларда энг қийини тадбиркорларга бўлмоқда. Чет элдан маҳсулот олиб келган тадбиркор уни ўзи истаган нархда сотишга ҳақли. Чунки у ҳам фойда кўриши керак. Бироқ жиноят иши қўзғатилгач, зарар
сифатида ҳисобланган сумма тўланмаса, тадбиркор ҳам жавобгарликка тортилади. Тадбиркор учун ўта адолатсизлик.

Менимча ечим доимгидек судларда. Шу соҳада Олий суд Пленум қарори чиқарилиб, тегишли тушунтиришлар берилиши керак.

Жумладан, қуйидаги саволлар аниқлаштирилиши керак:

-“Баҳолаш фаолияти тўғрисида” ги Қонун талабига асосан баҳолаш фаолияти билан малака сертификатига эга бўлган ходимлари бор баҳоловчи ташкилотлар шуғулланади. Экспертларда шундай сертификат бўлмаса ҳам улар баҳолаш фаолияти билан шуғулланишга ҳақлими?

-Фаолият мақсади маҳсулотини қимматроққа сотиш бўлган тадбиркор маҳсулотини қимматроққа сотганлиги учун жавобгар бўлиши тўғрими?

-Қонун ҳужжатларига риоя қилинган ҳолда маҳсулот сотиб олинганда, раҳбар ва бош бухгалтернинг жавобгарликка тортилиши қанчалик тўғри? Чунки улар маҳсулотнинг нархини аниқлаш бўйича эксперт эмас.

-Мустақил баҳоловчининг сотиб олинган маҳсулот баҳоси бозор баҳосига тўғрилиги ҳақида баҳолаш ҳисоботи мавжуд бўлган ҳолларда раҳбар ва бош бухгалтернинг жавобгарликка тортилиши қанчалик тўғри?

-Маҳсулот сотиб олишда тендер комиссияси асосий ишни бажарган ҳолда бу комиссия ишига аралашмаган раҳбар ва бош бухгалтернинг жавобгарлиги қанчалик тўғри?

Каналга уланиш👇
👉@advokatqosimov👈

Қоғозга эмас, далилга қараган судьяларга офарин!

Тошкент шаҳар судидаги бир ғалати амалиёт ҳақида ёзгандик. Аёлни қамоққа юборган суд ажрими бекор қилинган, аммо уни қамоқдан озод қилиш масаласи ҳал этилмаган эди.

Энди Фарғона вилояти судининг ажримини қаранг!

Бувайда туман суди А.Х.нинг ахлоқ тузатиш ишлари жазосини озодликдан маҳрум қилиш жазосига алмаштирган.

2026 йил 25 августда судьялар Б.Эргашев, Ф.Сиддиқова ва Х.Сотволдиев қуйи суд ажримини бекор қилган ва иш юритишни тугатган.

Энг муҳими шундаки, судьялар масъулиятни ҳам ўз зиммасига олган. Қамоқда ўтказилган муддатни ҳисобга олиб, аввалги жазони давом эттириш ва маҳкумни дарҳол қамоқдан озод қилиш масаласини аниқ ҳал қилган.

Судьяларга офарин!

👉Батафсил

@Advokat_Abdullayev

Савол: Солиқ органи бизнинг фирмамиз ҳисоб рақамига 2 миллиард сўм инкассо қўйибди. Нима учун бундай бўлганлигини аниқласак, бизга маҳсулот етказиб берган фирманинг солиқдан қарзи бор экан. Солиқ органи бизга унинг қарзини дебитор қарздорлик ҳисобидан тўлаш ҳақида хат жўнатган. Биз унга вақтида жавоб бера олмаганмиз. Бироқ у фирма билан ўша пайтдаёқ ҳисоб-китоб қилганмиз, ундан қарзимиз қолмаган.
Ҳисоб рақамимиздан инкассо топшириқномасини олиб ташлаш учун нима қилишимиз керак?

Жавоб: Солиқ кодексининг 121-1-моддасига кўра солиқ органи томонидан ўзида мавжуд бўлган ёки бошқа манбалардан олинган маълумотлар асосида ёхуд солиқ текширувлари натижасида солиқ тўловчининг дебиторлик қарзи мавжудлиги мустақил равишда аниқланган ҳолларда, солиқ қарзини ундириш ушбу моддада белгиланган тартибда солиқ тўловчининг дебиторлик қарзига қаратилиши мумкин. Бунда солиқ тўловчининг дебиторлик қарзи аниқланган кундан эътиборан уч иш кунидан кечиктирмай бу ҳақда солиқ тўловчининг ўзига ва дебиторига солиқ тўловчининг шахсий кабинети орқали билдириш хати юборилади.
Солиқ тўловчи ва унинг дебитори солиқ органининг билдириш хатини ушбу билдириш хати олинган кундан эътиборан ўн иш кунидан кечиктирмай тасдиқлаши ёки асосланган ҳолда рад этиши лозим. Билдириш хати жавобсиз қолдирилган тақдирда, дебиторлик (кредиторлик) қарзи тан олинган деб ҳисобланади.

Солиқ органининг ушбу моддага мувофиқ тақдим этилган инкассо топшириқномасининг ижросини банклар томонидан таъминлаш ёки солиқ органи томонидан ундириш, ижросиз чақириб олиш ушбу Кодекснинг 121-моддасида белгиланган тартибда амалга оширилади.

Дебиторлик қарзи солиқ тўловчига тўлаб берилганлиги ҳақида асословчи ҳужжатлар тақдим этилган тақдирда ёки суд қарори асосида инкассо топшириқномаси солиқ органи томонидан уч иш кунидан кечиктирмай ижросиз қайтариб олинади.

Демак Сиз солиқ органига дебиторлик қарзи тўлаб берилганлиги ва қарзингиз йўқлиги ҳақида асословчи ҳужжатларни тақдим этишингиз керак. Шунда инкассо топшириқномаси солиқ органи томонидан уч иш кунидан кечиктирмай ижросиз қайтариб олинади.

Агар солиқ органи инкассо топшириқномасини қайтариб олишдан бош тортса, солиқ органининг ҳаракатларини қонунга хилоф деб топишни сўраб маъмурий судга мурожаат қилишингиз лозим.

Каналга уланиш👇
👉@advokatqosimov👈

Kun.uz ёзишича, Пискент тумани ҳокими Музаффар Арипов йиғилишда фермерларни ҳақоратлаган.

Камига фермерларни эшигининг тагида ётадиган итга ўхшатган.

Агар шу гаплар рост бўлса, ҳоким жавобгарликка тортилиши керак.

МЖтК нинг 3-моддасига кўра маъмурий жавобгарлик тўғрисидаги қонунчилик қонунийлик, фуқароларнинг қонун олдида тенглиги, демократизм, инсонпарварлик, одиллик ва айб учун жавобгарликнинг муқаррарлиги принципларига асосланади.

Бироқ битта муаммо бор.

МЖтК 269-3-моддасига кўра ҳақорат қилганлиги учун ҳокимни жавобгарликка тортиш учун жабрланувчининг аризаси керак бўлади.

Кимдир ариза ёзишига эса ишониш қийин.

Лекин буни ҳам йўли бор ушбу 269-3-модда 2-қисмига кўра жабрланувчи ночор аҳволда бўлганлиги,.. ҳуқуқбузарга қарам бўлганлиги туфайли ёки бошқа сабабларга кўра ўз ҳуқуқларини ва қонуний манфаатларини ўзи ҳимоя қила олмайдиган алоҳида ҳолларда ваколатли органнинг мансабдор шахси жабрланувчининг аризасисиз ҳам маъмурий ҳуқуқбузарлик тўғрисидаги ишни юритишни бошлаши шарт.

Бу ҳолатда фермерларни ночор аҳволдаги ҳуқуқбузарга қарам бўлган шахслар дейиш мумкин.

Бироқ шу жойида ҳокимни жавобгарликка тортишда яна бир тўсиқ бор.

Юқоридаги 269-3-модда 2-қисмидаги жабрланувчининг аризаси бўлмаса ҳам маъмурий ҳуқуқбузарлик тўғрисидаги ишни юритишни бошлаши шарт бўлган ваколатли орган бу ички ишлар органлари ҳисобланади.

Хабарда ёзилишича, бу йиғилишда туман прокурори ва ИИБ бошлиғи ҳам бўлган.

Шахсан ўзим туман прокурори ёки ИИБ бошлиғи шу ҳақорат учун ҳокимни жавобгарликка тортиш ташаббуси билан чиқишига ишонмайман.

Шу постни ёзиш давомида Ўзбекистон Фермерлар кенгаши прокуратурага мурожаат қилганлиги ҳақида ўқиб қолдим.

Балки энди жавобгарликка тортишар.

Каналга уланиш👇
👉@advokatqosimov👈

Кредит ёки кафиллик учун пул ечиб олинганда картада ЭКИҲ нинг ярми қолиши керак

Бугун 3030-сонли Низомнинг 35-1-бандига ўзгартириш киритилди.

Унга кўра банкларга кредит ва (ёки) кафиллик тўловлари бўйича мижознинг топшириғисиз унинг барча банк карта ҳисобварақларида меҳнатга ҳақ тўлаш энг кам миқдорининг ярми миқдоридаги маблағни сақламаган ҳолда пул маблағларини ечиб олиш таъқиқланди.

Бу нима дегани?

Энди сизнинг картангиздан кредит ёки кафиллик учун пул ечиб олинаётганда камида 680 минг сўм қолиши керак.

Бу миқдор ҳар битта карта учун алоҳида ҳисобланмайди. Яъни 10 та картангиз бўлса, ҳар бирида 680 мингдан 6 миллион 800 минг қолади дегани эмас.

Барча карталардаги қолиши керак бўлган пулнинг умумий миқдори 680 минг сўм.

Бу қоида 2027 йил 10 январдан кучга киради.

👉@yuristbankirr

Жазо думли бўлса, маҳкум “до звонок” жазо ўтайдими?

Савол: Жиноят иши бўйича тайинланган озодликдан маҳрум этиш жазосининг муддати яхлит йил ҳисобида бўлмасдан қанчадир ой қўшилган бўлса, масалан, 5 йил 3 ой ёки 8 йил 2 ой каби жазо тайинланган бўлса, бу жазо тўлиқ ўталиши керак бўладими?

Жавоб: Йўқ, бу умуман хато маълумот. Жазонинг тўлиқ ўталиши тайинланган жазонинг миқдорига қараб белгиланмайди.
Жиноят кодексининг 73, 74-моддалари қуйидагилари қуйидагиларга қўлланилмайди, яъни улар суд томонидан берилган жазони тўлиқ ўтайди:
а) умрбод ёки узоқ муддатга озодликдан маҳрум қилишга ҳукм этилган шахс;
б) ўта хавфли рецидивист;
в) уюшган гуруҳ ёки жиноий уюшманинг ташкилотчи ва қатнашувчилари;
в1) ўзлаштириш ёки растрата қилиш йўли билан талон-торож қилганлик, шунингдек фирибгарлик учун ҳукм қилинган ва содир этган жинояти туфайли етказилган зарарнинг ўрнини тўлиқ қопламаган шахс;
г) жавобгарликни оғирлаштирадиган ҳолатларда қасддан одам ўлдирганлик, ўн саккиз ёшга тўлмаган жабрланувчининг номусига текканлик ёки унга нисбатан зўрлик ишлатиб, жинсий эҳтиёжни ғайритабиий усулда қондирганлик, ўн саккиз ёшга тўлмаган шахсни жинсий алоқада бўлиш ёки жинсий эҳтиёжни ғайритабиий усулда қондириш билан боғлиқ ҳолда жинсий алоқа қилишга мажбур этганлик, ўн олти ёшга тўлмаган шахс билан жинсий алоқа қилганлик ёки жинсий эҳтиёжни ғайритабиий усулда қондирганлик ёки унга нисбатан уятсиз-бузуқ ҳаракатлар қилганлик, вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш этиш мақсадида Ўзбекистон Республикаси ҳудудига олиб кирганлик, худди шунингдек уни тайёрлаганлик, тарқатганлик, реклама қилганлик, намойиш этганлик ёхуд вояга етмаган шахсни порнографик хусусиятга эга ҳаракатларнинг ижрочиси сифатида жалб этганлик, вояга етмаган шахсни жалб этган ҳолда қўшмачилик қилганлик, фоҳишахоналарни ташкил этганлик ёки сақлаганлик, Ўзбекистон Республикасига, тинчликка ва инсоният хавфсизлигига қарши жиноят содир этганлик, такроран ёки хавфли рецидивист томонидан ёхуд жуда кўп миқдорда пора олиш, пора бериш, пора олиш-беришда воситачилик қилганлик, ядровий, кимёвий, биологик ва бошқа хилдаги оммавий қирғин қуролларини, шундай қуролларни ишлаб чиқариш учун фойдаланиш мумкинлиги аён бўлган материал ва ускуналарни контрабанда қилганлик, гиёҳвандлик воситаларини, психотроп моддаларни ёки уларнинг аналогларини ўтказиш мақсадини кўзлаб қонунга хилоф равишда тайёрлаш, қайта ишлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказганлик, ғайриқонуний нарколаборатория ташкил этганлик, гиёҳвандлик воситаларининг, психотроп моддаларнинг ёки уларнинг аналогларининг ёхуд кучли таъсир қилувчи моддаларнинг қонунга хилоф муомаласига ҳомийлик қилганлик, гиёҳвандлик воситалари, психотроп моддалар ёки уларнинг аналоглари ҳисобланмайдиган кучли таъсир қилувчи ёхуд заҳарли моддаларни қонунга хилоф равишда муомалага киритганлик учун ҳукм қилинган шахслар;
д) жазодан муддатидан илгари шартли озод қилинган ёки жазоси енгилроғи билан алмаштирилган ва жазонинг ўталмаган қисми мобайнида қасддан янги жиноят содир этган шахслар.

Каналга уланиш👇
👉@advokatqosimov👈

Мажбурий ижро бюросини биз мажбурий тартибда ижро этиладиган ҳужжатларни ижро этувчи давлат органи деб биламиз.

Бироқ Фарғона вилояти Риштон туманида МИБ ҳали ижро ҳужжати мавжуд бўлмаган қарздорликлар билан ҳам шуғулланар экан.

Кузатувчиларимиз томонидан жўнатилган огоҳлантириш хатида Риштон туман МИБ ва маиший чиқиндиларни олиб чиқиб кетиш хизматини кўрсатувчи МЧЖ ўзаро биргаликда фуқарони қарздорликни тўламаса ижро йиғими ундирилиши, мол-мулклари хатланиши билан огоҳлантиришган.

Тасаввур қиляпсизми?!

Биз бу ёқда ижро ҳужжати бўйича пулимизни ундириб беринг, деб аранг ундиряпмиз.

Риштонда эса ҳали йўқ ижро ҳужжати бўйича МИБ огоҳлантириш беряпти. Бу ҳам майли, тўламаса мол-мулклари хатланиб, реализация қилиш чоралари кўриларкан.

Қайсидир Қонунга ўзгартириш киритилиб, биз бехабар қолмадикмикин?!

Каналга уланиш👇
👉@advokatqosimov👈

⚖️ Sud va advokat o‘rtasidagi tezkor muloqot — ijobiy tajriba

“Advokat Qosimov” kanalida Andijon viloyati sudlarida advokatlar bilan hamkorlik samarali yo‘lga qo‘yilgani haqida yozildi.

Unda advokatlar uchun ochilgan maxsus guruhda qoldirilgan murojaatga Jinoyat ishlari bo‘yicha Marhamat tuman sudi mas’ullari 15 daqiqa ichida munosabat bildirib, yuzaga kelgan tushunmovchilikni tezkorlik bilan hal qilgani qayd etilgan.

E’tiborlisi, guruhdagi boshqa murojaatlar ham ortiqcha kuttirilmasdan ko‘rib chiqilgan.

Bu — sudlar va advokatlar o‘rtasida ochiq, tezkor hamda amaliy muloqotni yo‘lga qo‘yish mumkinligining yaxshi namunasi. Bunday yondashuv masalalarning o‘z vaqtida hal etilishiga, ortiqcha ovoragarchiliklarning oldini olishga va sud tizimiga nisbatan ishonchning mustahkamlanishiga xizmat qiladi.

Andijon viloyati sudi rahbariyati va mas’ullarining ushbu tashabbusi e’tirofga loyiq. Bunday ijobiy tajriba barcha hududlarda keng ommalashsa, maqsadga muvofiq bo‘lar edi.


@sanatsiya

Андижон вилоят судида адвокатлар билан ҳамкорлик жуда яхши йўлга қўйилибди.

Кеча адвокатлар учун очилган гуруҳга бир ишдаги тушунмовчилик бўйича ёзганимдан кейин ЖИБ Мархамат туман суди масъуллари 15 дақиқа ичида алоқага чиқишди ва масала зудлик билан ҳал қилинди.

Мана бўларканку.

Қизиқиб, ўзимдан аввал ёзилган мурожаатларни ҳам кўриб чиқдим. Барчасига ортиқча куттирмай жавоб берилган.

Албатта, тизим шундай яхши ишлашида Олий суд ва вилоят суди раҳбариятининг ўрни катта.

Андижон вилоят суди раҳбарияти ва масъулларига респект!

Каналга уланиш👇
👉@advokatqosimov👈

ИККИ ХИЛ АДВОКАТ

Суд залида иккита адвокатни кўрасиз — иккаласи ҳам ўзига жуда ишонган кўринади, овози баланд, гапи қатъий. Лекин бири — ҳақиқий ишончли, иккинчиси — нарцисст. Ташқаридан фарқи йўқдек.

Психологияда буларнинг фарқи чуқур: ҳақиқий ўзига ишонч — реал компетенциядан, ички хотиржамликдан келади. Нарциссизм эса — ичкаридаги мўртлик, заифликни яшириш учун қурилган ташқи қобиқ. Қаранг, буни қандай ажратиш мумкин? Жавоб — йўқотишга муносабатда.

Ҳақиқий ишончли адвокат ишни ютқазса — ишнинг объектив ҳолатини кўради: "бу нормага кўра шундай", "бу масала бўйича суд амалиёти шундай шаклланган", "далиллар етарли бўлмади, суд ички ишончи билан қаноатланмади" дейди. Нарцисст эса — воқеликни қабул қилишдан бош тортади: "судья тарафкаш", "рақиб адвокат ноҳалол ўйнади" дейди. Ҳақиқий ишончли адвокат судьянинг эслатмасини тинглайди, унга мослашади. Нарцисст буни шахсий ҳақорат деб қабул қилади. Тўкилиб тушади. Ҳақиқий ишончли адвокат рақибини ҳурмат қилади — кучли рақиб унинг ҳам малакасини оширади. Нарцисст рақибини камситади — бошқанинг кучи унга хавфдек туюлади.

Мен учун бу фарқ жуда муҳим: биринчиси йиллар давомида ўсади, иккинчиси эса — бир кун "мукаммаллиги"га путур етганда синади.

Мижозлар кўпинча овоз баландлигини ишончга алмаштиради. Ваҳоланки, суд залида энг хотиржам гапирган одам — кўпинча энг пишиқ пухта одамдир.

#ruhiyat

👉@bahodirahmedoff👈

Ўзбекистонга кириш визаси учун 31 минг доллар

Илгарилари Ўзбекистон фуқароларига АҚШ, Корея, Япония ёки Европа давлатларига виза олиб беришни ваъда қилиб пул олганлар ҳақида кўп эшитганмиз.

Буни қарангки қайсидир давлат фуқаролари Ўзбекистонга виза олиш учун пул тўлашга тайёр экан.

Тошкент шаҳрида яшовчи, 1985 й.т. шахс 3 нафар хорижий фуқарога ноқонуний равишда мамлакатимиз ҳудудига кириш визаларини танишлари орқали расмийлаштириб бериши эвазига 31.200 АҚШ доллари олган вақтида ашёвий далиллар билан ушланибди.

Ушбу шахс мазкур пул маблағининг 4200 долларини ўзида қолдириб, қолган 27 минг долларни пойтахтда истиқомат қилувчи, 1960 й.т. фуқарога бериши керак экан. ДХХ ва ИЖҚК Департаменти ходимлари томонидан тезкор тадбир давом эттирилиб, иккинчи шахсни ҳам 27 минг долларни олган вақтида ушлашибди.

Бир кишига виза учун 10 400 АҚШ доллари.

Тўғриси, бу хабарни ўқиб хурсанд бўлдим. Бизни давлатимизга кириш учун ҳам шунча пул тўлашга тайёр одамлар бор. Кимлардир биздаги шароитларга ҳавас қилади.

У бу деймизу, давлатимизни ривожланиши яхши, барибир.

Каналга уланиш👇
👉@advokatqosimov👈

⚖️ БИРОВНИНГ РАСМИНИ РУХСАТСИЗ ИНТЕРНЕТГА ЖОЙЛАШ МУМКИНМИ?

📱 Масалан, кимдир сизнинг расмингизни розилигингизсиз Telegram, Instagram ёки бошқа интернет тармоғига жойлади. Буни хоҳлаганча қилиш мумкинми?

❌ Йўқ, ҳар қандай расмни хоҳлаганча тарқатиш мумкин эмас.

📌 Бу масала Ўзбекистон Республикасининг «Шахсга доир маълумотлар тўғрисида»ги Қонуни билан тартибга солинади.

Яъни инсонни аниқлаш имконини берадиган маълумотлар, жумладан айрим ҳолатларда унинг сурати ҳам шахсга доир маълумот ҳисобланиши мумкин. Бундай маълумотлардан фойдаланиш ва уларни тарқатишда қонун талабларига риоя қилиш керак.

⚠️ Агар шахсга доир маълумотлар қонун талабларини бузган ҳолда тарқатилса, ҳолатга қараб қонунда белгиланган жавобгарлик келиб чиқиши мумкин.

❗ Шунинг учун бировнинг расмини интернетга жойлашдан олдин: «Бу расм эгасининг розилиги борми?» деб ўйлаб кўринг.

⚖️ Интернетда ҳам қонун бор! Бу масала Ўзбекистон Республикасининг «Шахсга доир маълумотлар тўғрисида»ги Қонуни билан тартибга солинади.

Ҳуқуқингизни билинг ва бошқаларнинг ҳам ҳуқуқини ҳурмат қилинг!


https://t.me/advokatElyor

🇺🇿 Азиз юртдошлар, барчамизга мустақиллигимизнинг 35 йиллиги муборак бўлсин!

Мустақиллигимиз абадий бўлсин!

Олий суд томонидан “Судлар ва адвокатлар ўртасидаги янги давр бошланди!”, “ИШОНЧ КЎПРИГИ”, “Мулоқот очиқ – ҳамкорлик мустаҳкам”, “Мурожаатга тезкор ечим”, “Қисқа муддатда жавоб ва тушунтириш, аниқ ва ишончли!”, “Ўзаро ҳурмат ва самарали ҳамкорлик, бир мақсад йўлида” каби ўта баландпарвоз гаплар билан эълон қилинган телеграм гуруҳлари айрим вилоятларда умуман ишламаяпти.

Бу баландпарвоз гапларнинг катта қисми Олий суд эълон қилган постердагина қолиб кетган.

Айрим вилоят судларида бу гуруҳлар яхши ишлаяпти, айримларида умуман йўқ.

Мисол учун, Наманган вилоят судининг телеграм гуруҳига уланиш учун 20 мартадан ортиқ ҳаракат қилиб кўрдим. “Гуруҳ админи сўровингизни тасдиқлагандан кейин унга қўшиласиз” деган жумла чиқади, бўлди. Бошқа ҳеч нарса йўқ.

Охири телеграм чарчади шекилли, “Керагидан ортиқ сўров юборилди, кейинроқ уриниб кўринг” дейишга ўтди.

Менимча Наманган вилоят судида гуруҳ ҳам, унинг админи ҳам бўлмаса керак.

Шунча катта ваъдалар берилгандан кейин уни амалга ошишини назорат ҳам қилиш керакда.

Бир жиноят ишимиз Наманган вилоят судида бир ойдан буён ҳаракатсиз турибди. Вазиятни тушунтириб берадиган одам йўқ. Судья ёрдамчиси телефонни умуман кўтармайди.

Олий суднинг адвокатлар гуруҳи очиш ташаббуси шу каби ҳолатларда фойда беради деб ўйлагандик, адашибмиз.

Менимча, ҳаммаси вилоят суди раҳбарига боғлиқ. А.Усмонов Олий судга ўтгандан кейин Наманган вилоят судида тартиб ҳам ўзгарган кўринади.

Каналга уланиш👇
👉@advokatqosimov👈

Судми бу ё ...?
 
Ҳозиргина Тошкент туманлараро маъмурий судида ВКА орқали бир ишда қатнашдим.

Дастлаб раислик этувчи аризачи вакиллари келмаганлиги сабабли ишни уларнинг иштирокисиз кўриш бўйича фикримизни сўради. Барча бунга рози бўлди.    

Шундан кейин учинчи шахс вакили кўрсатма берди. Кўрсатма тугагач, раислик этувчи аризачи вакилига савол беришни таклиф қилди (Суд бошланганда у йўқ эди). Аризачи вакили бир нечта савол бергач, судья “Ие, сизни ўзи ишончномангиз борми?” деб сўради. Аризачи вакили ариза билан бирга ишончнома тақдим этилганлигини айтгач, раислик этувчи ишончномани текшириб, аризачи вакилларининг шахсини аниқлади.

Бу орада саволларга жавоб бераётган учинчи шахс вакили кутиб турди.

Шундан кейин мен суд мажлисида тартиб бузилаётганлиги бўйича эътирозимни билдирдим. Чунки ваколати ва шахси аниқланмаган аризачи вакили савол бериши ва саволларини бериб бўлгандан кейин савол жавобни тўхтатиб, аризачи вакилининг шахси аниқланиши тартибга зид.

Раислик этувчи менинг эътирозимга жавобан белгиланган тартибда шикоят қилишим мумкинлигини тушунтирди, мен эса эътирозимни баённомага киритишини сўрадим.

Бу ҳали холваси экан. Энг қизиғи охирида бўлди.

Раислик этувчи ишда танаффус эълон қилиб, кейинги суд мажлиси санасини тайинлай бошлади.

Шу пайтда мен вакиллик қилаётган учинчи шахс судга илтимосномаси борлигини айтиб қолди. Мен раислик этувчи ишда танаффус эълон қилганлиги сабабли илтимосномани кейинги суд мажлисида муҳокама қилинишини тушунтирса керак, деб ўйладим.

Лекин бундай бўлмади, раислик этувчи илтимосномани баён қилишни сўради ва уни муҳокамага қўйиб, тарафлардан фикрларини сўради.

Энг қизиғи, судья мендан ҳеч қандай фикр сўрамади ва илтимосномани рад қилиш ҳақида жойида ажрим чиқарди. Мен яна эътироз билдирдим, нимага мендан фикримни сўрамадингиз, деб.

Шундан кейин раислик этувчи майли илтимоснома бўйича фикрингизни билдиринг, эшитамиз, деб турибдида. Мен эса “Сиз илтимосномани рад қилиб бўлдингиз, энди фикр билдиришимни кераги йўқ” дедим.  

Шундан кейин, суд нима учун илтимоснома рад қилинганлигини тушунтирди. Рад қилиш асосларидан бири эса илтимоснома суд мажлиси тугаб, суд танаффус эълон қилгандан кейин киритилганлиги экан.

Қисқаси, Тошкент туманлараро маъмурий судида суд мажлиси шунақа ўтказиларкан.

Бу суддан кейин ўз-ўзидан саволлар пайдо бўлади: Судья МСИЮТК ни ўқиганмикан? Ўрганишни қўйиб туринг, ҳеч йўқ бирор марта кўз югуртирганмикан?

Энг муҳими, Судьялар Олий Кенгаши судьяларни тайинлашда номзоднинг билимига ҳам эътибор берадими? Ёки биз билмаган бошқа танлов мезонлари борми?

Каналга уланиш👇
👉@advokatqosimov👈

Энди улар айбловга баҳо бера олади
 
Президентнинг "Одил судлов - 2030": Янги Ўзбекистонда инсон ҳуқуқларини ишончли ҳимоя қилувчи халқчил ва адолатли суд тизимини барпо этиш стратегияси тўғрисида” ПФ-160-сонли фармони билан ўта муҳим қоида белгиланмоқда.

Фармоннинг 9-бандида “Олий суд ва Бош прокуратуранинг 2027 йил 1 июлдан бошлаб "асосли гумон" (Prima Facie) халқаро стандартига мувофиқ тергов судьясига тегишли процессуал мажбурлов чораларини қўллаш (санкция бериш) тўғрисидаги илтимосномани кўриб чиқишда шахсни ушлаб туришнинг қонунийлиги ва асослилиги, гумон қилиш ёки айблов эълон қилиш учун асослар етарлилигини, шубҳа туғилган тақдирда, тергов сирини таъминлаган ҳолда қўшимча ҳужжатлар талаб қилиш йўли билан текшириш ваколатларини бериш ҳақидаги таклифи маъқуллансин” деб белгиланган.

Ҳозирги тартибга кўра қамоққа олишга санкция беришда тергов судьялари айблов тўғри-нотўғрилигига баҳо бера олишмайди. Бу уларни гўёки тишсиз бўрига айлантириб қўйган.

Тергов қайси айбловни қўйса қўяверади, санкция берадиган судьяда буни текшириш ваколати йўқ. Тергов органи қўйган айблов асоссизлиги аниқ кўриниб турган бўлсада, шахс оғир жиноятда айбланаётган бўлса, тергов судьяси санкция беришга мажбур бўлади ва эътироз бўлса “Мен айбловнинг тўғри-нотўғрилигига баҳо беролмайман, тўғри тушунинг” деб изоҳ беради.

Бу тартиб тақдири ҳал бўлаётган инсон учун ўта адолатсиз тартиб. Бу ҳақда жуда кўп ёзганмиз.

Энди шу тартиб ўзгаради.

Янги киритилаётган қоидалар бўйича тергов судьяси гумон қилиш ёки айблов эълон қилиш учун асослар етарлилигини, шубҳа туғилган тақдирда, тергов сирини таъминлаган ҳолда қўшимча ҳужжатлар талаб қилиш йўли билан текшириш ваколатига эга бўлади.

Агар айблов нотўғри қўйилган деб ҳисобласа, санкция беришни рад қилиши мумкин бўлади.

Ҳақиқатан ҳам инсон ҳуқуқларини ишончли ҳимоя қилувчи халқчил ва адолатли Фармон.

Каналга уланиш👇
👉@advokatqosimov👈

📢 QQSning soddalashtirilgan tartibi bo'yicha hisobot shakli tanlashda e'tibor bering!

my.soliq.uz portalida (Электрон шакллар bo'limida) yangi hisob-kitob shakli paydo bo'ldi:

🔹 Kod: 10005_11
🔹 Nomi: "Qo‘shilgan qiymat solig‘ining soddalashtirilgan tartibi bo‘yicha hisob-kitob shakli"
🔹 Amal qilish davri: 01.07.2026 dan boshlab

Bu shakl kimlar uchun?
6% lik soddalashtirilgan QQS rejimini tanlagan tadbirkorlar (umumiy ovqatlanish, savdo va xizmat ko'rsatish sohalari) endi standart 12% lik QQS hisob-kitobi o'rniga aynan shu yangi shaklda hisobot topshiradilar.

📌 Eslatma: — Bu rejimda QQS — 6%, foyda solig'i — 0% , lekin qabul qilib olinuvchi  QQS hisobga olinmaydi.
Shaklga o'tish avtomatik: agar siz oldin soddalashtirilgan rejimga ariza bergan bo'lsangiz, endi hisobotni shu yangi shakl orqali topshirasiz!

👉🏻@yuristkadr_moliyasi

УНГА НИСБАТАН ҚЎЛЛАНИЛГАН ҚАМОҚҚА ОЛИШ ЭҲТИЁТ ЧОРАСИ БЕКОР ҚИЛИНДИ!

И.С. Самарқандда жойлашган йирик ташкилотнинг бош юристи сифатида ўзига юклатилган вазифаларни аъло даражада бажариб келар эди. Унинг тарозу палласида оқ ҳар доим оқлигича, қора ҳар доим қоралигича бўлиб келар эди. Тушунган бўлсангиз, айрим қўш тирноқ ичидаги раҳбарлар бундай бош юристлар суймайди. Керак бўлса, бундайлардан нафратланишади. Сабаби бундай бош юристни "бўйинсундириб" бўлмайди, у орқали ғайриқонуний ишларни "қонунийлаштиришнинг" иложи йўқ.

Охири, раҳбарият И.С. "ҳалақит бераётганлиги" учун уни ишдан бўшатиш тўғрисида қарор қабул қилади. Асоссиз бўшатилганлиги учун суд уни ишга тиклаб қўяди. Кейинчалик унга тўланиши лозим бўлган ойликлар кам тўлангани сабабли, И.С. яна бир фуқаролик ишида ютиб чиқади. Кетма-кет мағлуб бўлаётган ташкилот, "нима сабабдан ютказиб қўйдик?", "балки, хато биздадир?" деган саволларни ўзига бермай, И.С. устидан нима қилиб бўлса ҳам "ютиб чиқиш" мақсадида, прокуратурага мурожаат этади...

Ўша ҳудудда жойлашган прокуратура эса асоссиз равишда дастлаб Жиноят кодексининг 6 та моддаси билан жиноят ишини қўзғатиб, суддан "қамоққа олиш тарзидаги эҳтиёт чорасини қўллаш" ҳақида ажрим чиқаришга муваффақ бўлади. Якуний ҳужжат ҳисобланмиш айблов хулосасида эса ЖКнинг фақатгина 3 та моддаси қолдирилган эди. Тушуниб турганингиздек, дастлабки 6 та модда фақатгина И.С. га нисбатан "қамоққа олиш тарзидаги эҳтиёт чорасини қўллаш" ҳақида ажрим учун керак бўлган эди, холос. Устозларимиз айтганича бор экан, терговнинг "ўйинлари" кўп экан, мен фақат меҳнат ҳуқуқи соҳасига иқтисослашганим учун терговчилар бу даражага боришидан бехабар эканман. Мендан қисқача изоҳ: "тергов жараёнида одамнинг ўзи, унинг тақдири, оилавий ҳолати, жиноят состави бор/йўқлиги, буларнинг барчаси бир тийин экан".

Хуллас, И.С. 2 ой давомида қамоқда қолиб кетди. Асоссиз равишда! ЖПК хаққи-ҳурмати қамоқ эҳтиёт чораси асоссиз равишда қўлланилган эди. Минг шукурлар бўлсинки, жиноят ишлари бўйича Каттақўрғон шаҳар суди раиси Мамадалиев Ўткир Абдуғаффарович бугунги бўлиб ўткан суд мажлисида "қамоққа олиш" тарзидаги эҳтиёт чорасини "гаров"га ўзгартирди.

"Раис Ў.А.Мамадалиев ўзи табиатан шундай қатъиятли ва тартибли инсонми ёки бу сифатлар барча ЖИБ суди судьялари хосми?", буниси менга қоронғу. ЛЕКИН, бир нарсани аниқ айта оламан, ФИБ судларда ҳозиргача бўлган барча ишларимда мен бундай тарзда тартиб ва қатъият билан, шунингдек ҳар бир ариза ва илтимоснома юзасидан ўз фикрини бундай тарзда асосли ва теран баён этган судьяни ҳали кўрмадим (Азиз ФИБ суди судьялари бундай эътирофим учун мендан ҳафа бўлишмайди деган умиддаман😅)

Раис Ў.А.Мамадалиевнинг яна бир одати дастлаб мени қаттиқ ўйлантирган бўлса-да, кейинчалик фикрлаб кўрсам ниҳоятда зўр амалиёт эканлигини тушуниб етдим. У киши процессда келтирилган ҳар бир илтимоснома юзасидан суд ажримларини бирдан ёзиб, кейин эса уни суд иштирокчилари ўқиб эшиттириб, кейин эса "дело"га қўшиб қўяр эканлар. Мен учун бу яхши янгилик бўлди.

Мазкур жиноят ишидаги барча иштирокчиларнинг бир-бирига қарама-қарши фикр, тортишув, ариза ва илтимосномаларини шошмай, қонуний ва адолатли кўраётган жиноят ишлари бўйича Каттақўрғон шаҳар суди раиси Мамадалиев Ўткир Абдуғаффаровичга чуқур миннатдорчилик изҳор этамиз!

P.s. И.С.нинг оила аъзолари ва яқинлари улкан сабр ва матонат кўрсатиб келишгани учун уларни олқишлаймиз! И.С.нинг ҳуқуқ ва манфаатларини ҳимоя қилиб келаётган жами 5 та ҳимоячи-адвокатларга ташшакур айтиб қоламиз. Уларнинг ҳар бирини ўз ўрни ва қадри бор!

Келажак Аллоҳникидир ва зафар, албатта, унинг даргоҳидан келади!

YURISTKADR адвокатлик фирмаси адвокати Хумоюн Сойипов

👉 @yuristkadr

Давлат хатоси учун ким жавоб беради?

Энди давлат органи ёки мансабдор шахснинг ноқонуний қарори, ҳаракати ёки ҳаракатсизлиги туфайли зарар кўрган шахснинг ҳуқуқлари алоҳида қонун билан тартибга солинмоқда.

Ушбу қонун зарарни ким қоплаши, қай тартибда ундирилиши ва фуқаро ёки тадбиркор ўз ҳуқуқини қандай ҳимоя қилиши мумкинлигини белгилайди.

Энг муҳими, зарар давлат ҳисобидан қопланган тақдирда ҳам, айбдор мансабдор шахс масъулиятдан тўлиқ озод бўлиб қолмайди. Қонунда регресс тартиби ҳам назарда тутилган.

Қонун ҳали кучга кирмаган. Аммо у фуқаролар ва тадбиркорларнинг давлат органлари билан муносабатларида муҳим ҳуқуқий кафолатлардан бири бўлиши кутилмоқда.

Каналга уланиш👇
👉@advokatqosimov👈

Дилрабо Исматуллаевани фарғоналик устоз адвокатлардан бир Икром ака Мадаминов билан биргаликда ҳимоя қилгандик.

Суд пайтида ҳам Дилрабо опа касаллиги сабабли суд мажлисларини бир неча марта тўхтатиб туришга тўғри келганди.

Унинг бевақт вафоти судьяларни ижтимоий ҳимоялаш тизими қанчалик мўрт эканлигини кўрсатиб берди.

Чунки уни олиб кетган касаллик ўз-ўзидан пайдо бўлмаган.

Иш ҳажмининг кўплиги, дам олишга етарли вақт бўлмаслиги, доимий стресс ва ҳоказолар. Унга нисбатан асоссиз жиноят иши қўзғатилиши эса охирги томчи бўлганди.

Судьяларнинг ижтимоий ҳимояси ҳақида гап кетганда, одатда, уларнинг иш ҳақи кўп эканлигига урғу беришади. Лекин гап фақат ойликдамасда. Адолатли меҳнат шароити деган тушунчалар судьяларга ҳам тааллуқли.

Ҳозир ҳам 40-45 ёшидаёқ юрагига стенд қўйдирган, қандли диабет касалини орттириб олган судьялар кам эмас.

Дилрабо опанинг вазиятида мени хурсанд қилган бир жиҳати шу бўлдики, у вафот этган куниёқ жуда кўплаб адвокатлар, Фарғона вилоят суди раиси бошчилигида судьялар ва суд ходимлари марҳумнинг яқинлари ҳолидан хабар олишган. Кўплаб судьялар ва адвокатлар марҳумнинг фарзандларига ёрдам беришга тайёрликларини билдиришган.

Ҳаттоки, бир адвокат опамиз (собиқ судья) марҳумнинг яқинларидан унинг фарзандларини васийликка олиб ўзи тарбиялашига рухсат сўраган.

Нима бўлганда ҳам Д.Исматуллаевани ЖК 209, 231-моддалари билан оқлаган ЖИБ Ангрен шаҳар суди судьяси Адолат Хамраевага ўз миннатдорчилигимизни билдирамиз.

Каналга уланиш👇
👉@advokatqosimov👈