ادبیات سئونلر

تابلوی «قربانی تعصب» (۱۸۹۹) اثر میکولا پیموننکو، صرفاً یک نقاشی نیست؛ یک سیلیِ محکمِ جامعه‌شناختی بر صورتِ تاریخ است. ما در این قاب با یک هیولای چندسر به نام «توده‌ی خشمگین» روبه‌رو هستیم. دختری جوان به جرمِ عبور از خطوطِ قرمزِ عقیدتی و سنت‌های روستایش، به مرگ محکوم شده است. لباسِ پاره و چهره‌ی مستأصلِ او در برابرِ چوب‌دستی‌ها و چهره‌های مسخ‌شده‌ی همسایگان، نمایشی عریان از دیکتاتوریِ اکثریت است.
ویرانگرترین نقطه‌ی بوم، نه آن مردانِ خشمگین، بلکه در دو سوی کادر پنهان است: پدری که دستش را به نشانه‌ی طردِ ابدی بالا برده، و مادری که از شدتِ استیصال روی خاک متلاشی شده است. پیموننکو در این اثرِ تکان‌دهنده ثابت می‌کند که وحشتناک‌ترین نوعِ خشونت، خشونتی است که وجدانِ جمعی آن را «مقدس» می‌پندارد. این قاب هشدارِ تلخی است به انسانِ مدرن: در جوامعی که «متفاوت بودن» یک جرم است، همه در نهایت قربانیِ تعصبِ خویش هستند.

«قربانی تعصب» (۱۸۹۹) اثر میکولا پیموننکو
Victim of Fanaticism (1899) - Mykola Pymonenko
محل نگهداری: موزه‌ی هنر خارکیف، اوکراین (Kharkiv Art Museum)

https://t.me/Adabiyyatsevanlar

رحیم گوزل


ارکدن‌می،
سئوگیدن‌می،
ندن‌می؟
منه
اوزگولرین توکنمز اولدو..‌.
ماراقلیدیر!
جالاندیقجا جوورلرین
دالغالانیر یئنه هووروم.‌..
سویله گوروم:
سنه
هاردا
اوز اووجومو اوخوتدوم کی،
گوزل، اینجه دویار اولدون
درینلییی
اوره‌ییمین اوزاییندا!..


2


گوزگوده
دامالی گورورم اوزومو،
اوره‌ییم
گوزلریمی یاشاردیر کی
آییرد ائده بیلمه‌یم، بلکه
سینیخلیغیمی!..

https://t.me/Adabiyyatsevanlar

زررین رزندی(طنناز)

گوُز یاشلاری بولاق اولوب آخدیلار
آداخلیلار قارا لچک تاخدیلار
یئر وار غصه،اورکلرده داغ اولسون
شهریاردان سونرا،باشیز ساغ اولسون.

حیدر بابا دوزنلرین پوُزولدو
شهریارین الی سندن اوزولدو
قوزولارین آزغین دوشدو سورودن
بو ماتم ده سئچیلمیریک اوُلودن.

قویونلارین آجی بیتیم اوتلادی
اوشاقلارین قارا چیچک توپلادی
وئره جک لر یئل گتیره بویانا
بلکه اوستاد عطیرینه اویانا.

اولدوز بی بی،قارا دونو گئیه رسن
سوروشانا،اوخشایاراق دئیه رسن
اجل گلدی،شانلی باهار آپاردی
شیرین سوُزلو،بیر شهریار آپاردی.

اجل الی خشکنابا یوووشدی
شهریاریم ملک لره قوووشدی
(یولدان کئچن،کیمدیر کوُچن سوروشدو)
ائلدن کوُچن شهریاردیر،شهریار
آذربایجان ملتینه،افتخار.

https://t.me/Adabiyyatsevanlar

شاه ـ وزیر اویونو

ناصر داوران

منیمله پایلاش
آجیندان اؤلن اومولارینی
یاشامادیغین چؤره ک امنیتین
سئوگی بلوغون،
یادداشیندان سیلینمیش توکنمزلییی.
**
دونیانین اؤفکه سی
جالانیر ایستک لرینه
هورور قدسیته یول آچان
خمارگؤزلو دلبرلییه
آلچالارین تورشاشیرین ناغیل لارینا
کؤرپولرین یاراتدیغی توختاقلیغا.
**
بیری گلیب
گونشین یئرینه شام تاخیر
بسته لری بالتالاییر؛
دانیشاندا
یاشی میندن آشان
بؤجک پؤهره لنیر آغزیندان.
قورد اولوب ایتین قارداشی
گئجه لر گدیک باشیندا توی چالینیر
بایرام اولور.
**
سن پریشانلیغین قاتی لعنتی
شیطانین قاداسینا یازیلمیش
کئچیلمز بیر گناه سان
قارانلیغا سورگون؛
هر سحر ماسالارا دوزولن
یئمه لی یئم سن
وطن سن
من سن.
**
بایقوش شاه اولان یئرده
زلزله وزیر اولار
قورولو یووا، ماتاه؛
گوزگولری ده سیندیرارلار.
۱۴۰۵/۰۶/۱۵
https://t.me/Adabiyyatsevanlar

گنج چئویری "قاسم صباغی" نین بیرینجی رومان ترجمه سی انگلیس جه دن  نشر بیشه زار  طرفیندن " شب نوردان"  عنوانیله ایشیق اوزو گوردو ،بو رومانین ژانری "وحشت ،علمی ،تخیلی دی.
سئویملی قلمداشیمیز سرکاردخانیم" سحر خیاوی"عزیز بالانیزین قلم عایله سینه قوشولماسینی صمیم قلبدن سیزه  تبریک دئییب قاسم صباغی جنابلارینا یئنی اوغورلار آرزو ائدیریک
ادبیات سئونلر1405/6/29

https://t.me/Adabiyyatsevanlar

دومانلی داغلارین باشیندا دوردوم...
علی آقا وحید

دومانلی داغلارین باشیندا دوردوم،
دوماندان اوزومه بیر خیمه قوردوم،
کِچدید خیالیمدان اوز  گوًزل یوردم
دومانلار ایچینده دومان گورونور.

خزر دنیزی تک عشقیمله جوشدوم،
خولیالار ایچینده سانکی بیهوشدوم،
وطن آرزوسی ایله نغمه لر قوشدوم،
طوفانلار  گوزومده دستان گورونور.

کونوللر جلب اِدن بو خوش منظره،
ذوقومو آرتیردی شعره غزله،
چاتدیقجا وطنیم، ائلیم نظره،
طبیعت ده منه حیران گورونور.

دِئللر بولبوله چمن یاخشی دیر،
اینسانچون لاله زار وطن یاخشی دیر،
واحید سورما وطن نّدّن یاخشی دیر،
آدی گّلجّک کونلوم خندان گورونور.

https://t.me/Adabiyyatsevanlar

اوستاد شهریارین حاققیندا بیر غزل:

مهنازصابونی (آیتای)

سندن آلیشیر شعرین اوجاغینداکی سؤزلر
حیدربابانین ایستی قوجاغینداکی سؤزلر

چاغداش غزلین اینجی سی، اولدوزلاری سن سن
اوندورد گئجه لیک آی دی سوراغیندا کی سؤزلر

داغدان اوجادیر باشی سهندییه نین، آنجاق
چال _ چال پاپاغین آزدی سایاغیندا کی سؤزلر

تامسینماغا گلسین دئ گینن "هرگئجه یاری"
عشقیله آخیر شعر بولاغیندا کی سؤزلر

"محراب شفقده" یازیلان قانلی غزل دیر
گویا کی سنین بارلی دوداغیندا کی سؤزلر

دوشدو یولا تورکون دیلینین کروانی سنله
توتدو یئر اوزون، دویغو دوراغیندا کی سؤزلر

ساز _سؤز آغاجین  وارلیغی سندن کؤکون آلمیش
ماهنیلا چیچک آچدی بوداغیندا کی سؤزلر

ایچدیر منه قوی سالسین آیاقدان قوجا شاعیر
سئوگیله جوشان اودلو چاناغینداکی سؤزلر

اود توتدو، آلوو لاندی، کوله دؤندو اورکلر
شعرین شاهی!  ایللر دی فراغینداکی سؤزلر.


             https://t.me/Adabiyyatsevanlar

احد فرهمندی
 
استاد محمّدحسین شهریار؛ ایران و آذربایجانین شاعری
استاد سید محمّدحسین بهجت تبریزی، «شهریار» تخلّصو ایله، معاصر ایرانین ان بؤیوک و تانینمیش شاعرلریندن، فارس و آذربایجان تورکجه‌سی شعری‌نین ان گؤرکملی سیمالاریندان بیریدیر؛ آدی تبریز، آذربایجان، شعر، عشق، عرفان، انسان‌پرورلیک و ایران مدنيّتی ایله آیریلماز شکلده باغلی اولان بیر شاعردیر.
شهریار 1285-جی هجری-شمسی ایلینده تبریزده، مدنيّت و ادبيّات اَهلی اولان بیر عائله‌‌‌ده دنیایا گلدی. اونون اوشاقلیق ایللری، خصوصیله خوشگناب کندینده و آذربایجان طبیعتی‌نین قوینوندا کئچیردیگی ایللر، روحونا و دوشونجه‌سینه درین تأثیر گؤستردی؛ ائله کی، ایللر سونرا همین دؤرون خاطره‌لرینی آذربایجان تورکجه‌سی ادبيّاتی‌نین ان یادداقالان اثرلریندن بیری اولان «حیدربابایا سلام» منظومه‌سینده ابدی‌لشدیردی.
شهریار گنجلیگینده تحصیلینی داوام ائتدیرمک اوچون تهرانا گئتدی و دارالفنونا داخل اولدو، سونرا ایسه طبّ اختصاصی اوزره تحصیل آلدی. لاکن حیاتین ائنیشلی-یوخوشلو یوللاری و دویغوسال بحرانلار سببیندن مدرک آلمادان طبّ تحصیلینی یاریمچیق قویدو و بوتون گوجونو و استعدادینی شعر و ادبيّات یولونا صرف ائتدی. اونون ایلک اثرلری 1310-جو هجری-شمسی ایللرینده چاپ اولوندو و تدریجاً «شهریار» آدی ایران ادبيّات اَهلی آراسیندا خصوصی موقع قازاندی.
شهریار ایکی دیللی شاعر ایدی. اثرلری‌نین بؤیوک بیر حصّه‌‌‌سی فارس دیلینده، موهوم و یادداقالان بیر حصّه‌‌‌سی ایسه آنا دیلی اولان آذربایجان تورکجه‌سینده یازیلمیشدیر. فارسجا شعرلرینده غزل خصوصی یئر توتور و «آمدی جانم به قربانت ولی حالا چرا»، «علی، ای همای رحمت»  کیمی شعرلری، ائله‌جه ده بیر چوخ غزل و منظومه‌لری اونون معاصر ایران پوْئزیاسینداکی موقعیینی محکملندیرمیشدیر. عاشقانه، عرفانی، دینی، انسانی، اجتماعی و وطن پرو‌ر موضوعلار اونون اثرلرینده گئنیش یئر توتور.
لاکن شهریاری آذربایجان مدنيّتینده بنزرسیز بیر سیمایا چئویرن اونون ابدی «حیدربابایا سلام» منظومه‌سیدیر؛ بو اثر آذربایجان تورکجه‌سی ادبيّاتی‌نین ان مهم و ان چوخ تانینان اثرلریندن بیری ساییلیر. شهریار بو منظومه‌ده حیدربابا داغینا خطاب ائده‌رک اوشاقلیق خاطره‌لرینی، کند طبیعتینی، انسانلارینی، عادت-عنعنه‌‌لری، اینانجلاری و آذربایجانین ساده‌، صمیمی حیاتینی تصویر ائتمیشدیر. «حیدربابایا سلام»  یالنیز نوستالژی بیر منظومه دئییل؛ آذربایجان خالقی‌نین فولکلورو، دیلی، موسیقیسی، خاطره‌لری و کیملیگیندن عبارت زنگین بیر خزینه‌دیر.
شهریارین اهميّتی یالنیز شعری‌نین گؤزللیگی و موسیقی‌لیلیگی ایله محدودلاشمیر. او، اَدبی دیلله خالقین دیلی، عنعنه‌‌ ایله یئنیلیک، شخصی تجربه‌ ایله عمومی دویغو آراسیندا کؤرپو یاراتماغی باجاردی. بونا گؤره ده اونون شعری هم ادبيّات اَهلی، هم ده عادی انسانلار اوچون جلب‌ائدیجیدیر؛ چونکی شعرلری‌نین بیر چوخوندا ایران انسانی‌نین حیاتی‌نین، عذابی‌نین، سئوینجی‌نین، عشقی‌نین، اینامی‌نین، خاطره‌لری‌نین و آرزولاری‌نین سسی ائشیدیلیر.
شهریار عمرونون سون ایللرینده، بیر مدت خسته‌لیکدن سونرا، 27 شهریور 1367-جی ایلده تهراندا وفات ائتدی و اؤز وصيّتینه اساساً تبریزین مقبره‌الشعراسیندا تورپاغا تاپشیریلدی؛ بو گون اونون آدی آذربایجانین بیر چوخ بؤیوک شاعر و ادیبلری‌نین آدی ایله یاناشی همین مکاندا ابدیلشیب. 27 شهریور، اونون وفات ائتدیگی گون، ایرانین مدنی تقویمینده «فارس شعری و ادبيّاتی گونو» آدی ایله قید اولونور.
شهریاری هم فارس دیلینده، هم ده آذربایجان تورکجه‌سینده بو تورپاغین روحونون و مدنيّتی‌نین بیر حصّه‌‌‌سینی شعره گتیرن بیر شاعر کیمی ديَرلندیرمک اولار. او گؤستردی کی، آنا دیلی ملّی دیلین رقیبی دئییل، عکسینه، بیر خالقین مدنيّتینی و ادبيّاتینی زنگین‌لشدیرن منبع‌لردن بیریدیر. ائله بونا گؤره ده شهریار یالنیز تبریز و آذربایجانین شاعری دئییل، ایرانین مدنيّتی و ادبيّاتی اوچون ده بؤیوک بیر ثروتدیر.
شهریاری بیر جمله‌‌‌ ایله تقدیم ائتمک ایسته‌سک، بلکه بئله دئمک اولار: شهریار تبریزین قوینوندان بوی آتان، فارس و آذربایجان تورکجه‌سینده دانیشان، اؤز شعری ایله دیل و جُغرافیا سرحدلرینی آشاراق ایران و دنیا انسانلاری‌نین قلبینه یول تاپان بیر شاعردیر.
ایران و آذربایجانین بؤیوک شاعری استاد محمّدحسین شهریارین آدی و خاطره‌سی عزیز و ابدی اولسون.

https://t.me/Adabiyyatsevanlar

علی اکبر ترابی (حاللاج اوغلو)

یئنی دونیا_ یئنی انسان

                   شانلی شاعیر


"اولوم حق دیر"سه، اولمزدیر اوره کلرده یاشار شاعیر،
ائل ایله بیر گه قالماقلا قالار شعرین قوشار شاعیر.


اولوم شاعیر الینده اولدورولموش بیر فنا شئی دیر،
قانادلانمیش، زمان حددین، بو تاریخی، آشار شاعیر.


یاشار هر بیر اوره کده، گول وئره ر ائللر جنانیندا،
یاهالماز حقی تاپماقدا، گمان ائتمه چاشار شاعیر.


مقامی، حشمتی سایماز، تمل سیز شهرتی، سوز سوز،
گوزه ل بیر هرزه دلبر تک، آلیبدیرسا بو شار شاعیر.


ظولوم گوردوکده بو انسان، قالانماز داش کیمی سس سیز،
اوزو وولکان، سوزو اودلو، یانار، قاینار، داشار شاعیر.


گوزه ل انسانلاری، عشقی، وفانی، شن ائلی گورجک،
اوره کلنمیش سئوینجینده ن، "عاشیقلار" تک جوشار شاعیر.


دئمه اولماز "صلابت له لطافت" بیر اوره ک ایچره،
داغ اولدوقدا، لطافتده باغ ایله باغلاشار شاعیر.


تموچین لر بو دونیایا گوز آچدیقدا اولوبدورلر،
خیال ائتمه قارا طالع چونر، یا آغ لاشار شاعیر!


قودورقان قورد اولان ظالیم، دونوب املیک قوزو اولماز،
جهالت خسته سی آمما باخیلسا ساغلاشار شاعیر!


سویو قدورسا هنر لر عالمی علم عالمی آنجاق،
امیدین کسمه انساندان، قیزیشدیر، داغلاشار شاعیر!


یئنی دونیا، یئنی انسان یاراتماق بیر رسالت دیر،
"باشارمام" سویله مه "حاللاج"، یارات شاعیر، باشار شاعیر!

https://t.me/Adabiyyatsevanlar

رقیه-عبدیلی-سازاق

آدلیم بیر شاعیره آغیرلیق توتوب
آدی‌ دا، یادی ‌دا عزیز توتولور
قاییتساق شهریار یاشایان دؤوره
نئجه کم توتولوب، چوخ اونودولور

نئجه اؤلو سئون، پرستش ائدن
بیر ائلیک دوغوردان ندیر بو بیزده
عار ائتدیم فیلیمی اکران اولاندا
او نئجه ساخلاماق شعری تبریزده

گلین قبول ائدک کیمی‌لر کیمی
اوسطوره‌لر بیزده زیروه‌یه چاتیر؟
اونلارین یوخلاری اوجالیق دادیر
بیزیم وارلیقلارسا دیری‌کن باتیر

اونلاردا قورخاقلار قهرمان کیمی
یوز ایللر سونرالار میدانا چیخیر
اونلاردا تعصب ایته اوخشاییر
بیزده پاخیللیق‌لار قهرمان ییخیر

کاش آدی شهرتی دونیالیق اولان
شهریار دیریکن بهرین گؤرردی
نسیلدن نسیله فیلمینه باخیب
قوجامان شاعیری دونیا سئوردی

فیلمینده شاعیری بیر قورخاق کیمی
گؤسترن گؤستردی دوز یادا یالان
اؤزو یوخسوللوقدا دیزلری اسرک
شعری دونیالاردا خزینه قالان

گل «سازاق»  بیر اولاق وارلیقلاریمیز
نفسی اولارکن یاشاسین شیرین
شؤهرتی‌ شانی‌ده ساغ‌ایکن دادسین
اؤلمه‌میش زیروه‌ده تئز تاپسین یئرین

https://t.me/Adabiyyatsevanlar

کیم قوانقسوکون کونسئرتده گیتارا و قارمونیکا ایله اوخودوغو «منیم ماهنیم»ی تئز-تئز دینله‌ییردیم.

ماهنی‌نین بیر مصراعسی هر دفعه‌ اورگیمی دریندن سارسیدیردی.  سارسیلیب ییخیلسام بئله بو دونیادا سون بیر دامجی سو اولدوغو مدتجه اونو ایچیب ماهنی اوخویاجاغام، موسیقی دینله‌ینده اؤزومو فیقورلو کونکیسورمه اوزره اولیمپییا شامپیونوموز کیم یؤن آهین یئرینه قویوب سپیرال حرکتینی تقلید ائتدیگیم ده اولوب. بوتون بدنیمله رقص ائتدیگیم ده. یئریمده فیرلاناندا گؤزلریمدن یاش دا آخیب. هؤنکور-هؤنکور آغلامیشام دا. سونرا یئنه ماسا آرخاسیندا اوتورورام یازیرام... یازیرام آغلایا-آغلایا یازیرام. ریتمی پوزماق ایستمه‌دیگیم اوچون متبخده آیاق اوستونده یونگول قلیان‌آلتی ائدیرم. توالئته قاچا-قاچا گئدیب سرعتله چیخدیغیم دا اولور. بئله‌جه، یئنیدن دوغولورام. بوتون گوجومله حیاتا قاییدیرام. دوققوزوندان «اوّل اوشاق گلیر»ی یازدیغیم بیر ایل آلتی آیی یادیما سالاندا ان اوّل آغلیما دؤزولمز بیر آغری گلیر. بونو بیر نوع شامان آیینی کیمی قیمتلندیرسم  یازیچی کیمی سؤزلرله شامان مراسیمی یئرینه یئتیردیییمی دئسم، داها یاخشی اولار. آنجاق بو دوز دئییل. اوندا «من» آیین کئچیرتمیردیم، هر هانسی بیر ترانس وضعيّته ده دوشمه‌میشدیم  دایم آغلیم باشیمدا، شعوروم یئرینده ایدی. آغریلارین منی ازمگینه قاتلاشیردیم... ایش اوتاغیمدا، مترودا، پیادا کئچیدینده، مطبخده، یورغانین آلتیندا، دیشلریمی سیخاندا، آغلایاندا بیر دلی کیمی گؤرونه‌ بیلردیم. آمّا اصلینده  قطعیّاً دلی اولمامیشدیم. او آغرینین اصلینده نه اولدوغونو «اوشاق گلیر»ی یازاندان سونرا اوزون-اوزادی فیکیرلشملی اولدوم. او رومانی اوخویانلارین دا عینی حیسّی کئچیردیکلرینی، او اضطرابی دویدوقلارینی دئمکلری ده اوسته‌لیک  او جانلی اضطراب نه‌یی ثبوت ائدیردی؟ یوخسا بو سئوگیدیر؟ ان درین سئوگیدن اضطراب دوغولور و او اضطراب سئوگینی ثبوت ائدیر؟ اگر ائله دیرسه، نوبتی رومانیمی بو سئوگی حاقیندا یازماق ایسته‌یرم.
۱۰. ساغوللاشمیرامی یازدیغیم مدتده ده عینیله، رومانین خیاللا حقیقت آراسینداکی جیزگیدن آسیلی قالماسیندان تأثیرلنمیردیم. دایم آغلیم باشیمدا، شعوروم یئرینده‌یدی. بلکه  چاشیب سهو دئیه‌رم قورخوسو ایله دیله گتیرمه‌دیگیم فیکیرلریمی موصاحیبنی آلان رومانچی دوستوما گووه‌ندیگیم اوچون بیر مدت اوّل ایکی آیلیق ادبيّات ژورنالینا وئردیگیم موصاحیبه‌ده دئدیم: «ساغوللاشمیرام»، رومان شکلینه دوشمه‌میشدن اوّل دفترینیزده نئجه قئید اولونموشدو؟ اؤلومدن-حیاتا گئدن بیر رومان. یاری‌ اؤلو اینسانلارین تزه‌دن حیات تاپدیغی رومان، دنیزین آلتیندا شام یاندیران بیر رومان. بیر یاندان باخاندا، قولاغا غریبه گله‌بیلر... یادیندادیر، بیر پیلوت دئپرئسسییایا(افسردگی) دوشندن سونرا ایچینده خئیلی سرنیشین اولان طيّاره‌نی یئره چیرپیب اینتیحار ائتمیشدی یاخشی،  بس یاری‌اؤلو باشقا بیر اینسان او طيّاره‌ قضاسی‌نین عکسینه، حیاتا کئچید ائدیب بیر چوخ اؤلونو اؤزویله بیر یئرده حیاتا قایتارا بیلمز؟ البته‌‌، یاشایانلار اؤله بیلر، آمّا اؤلولرین دیریلمه‌یی بو دونیادا مومکونسوزدور. یئنه ده بعضی مقاملاردا بو مومکون اولا بیلمز؟ یاری‌اؤلو بیر اینسان روحلارلا بیر یئرده ساده‌جه بیرجه آن اوچون حیاتا کئچید ائده بیلمز؟ ۱۱. «ساغوللاشمیرام»ی یازدیغیم مدتده اگر خلاصا،چاتسایدیم  بو( مقصد)دئییل، عکس نتیجه‌دن عبارت اولاردی. تکجه یازی یازماق منی ایتله‌ییب حیات اولان طرفه آپاردی، هر گون جونگشیم‌ین اورگییله گؤزلریمی آچدیم. سحرلر اونون آغری ایله سئوگینین عینی درجه‌‌ده قاینادیغی هر گونو قاناد کیمی آچیلان، آلوو کیمی یاییلان آنلارین نبضی دفعه‌لرله شامی بیر-بیرینه اوزادیب گئری آلان اینسون ایله کیؤنهانین اللری. ۱۲. اگر منه هديّه‌ کیمی علاوه‌ بیر عؤمور وئریلیبسه  آرتیق او حیاتین گوجویله ایره‌لی، داها دا ایره‌لی گئتمه‌ییم لازیمدیر. بیر جانا صاحب اولدوغوم مدّت‌جه حیاتدان بحث ائدن شئیلر یازماغیم لازیمدیر. حیات ایجازه وئرسه، بو دویغولاردان یولا چیخیب نوبتی رومانیما باشلاماق ایسته‌ییرم.  

۲۰۲۰. 

  https://t.me/Adabiyyatsevanlar

«ساغوللاشمیرام»ی یازاندا قولاق آسدیغیم موسیقیلرین ویدئوسونو حاضرلاماغی تکلیف ائدیرلر.

اوّلجه سییاهینی گؤندرمه‌ییمی ایستدیکلری اوچون اوندان چوخ ماهنینی سئچنده ۲۰۱۹-جو ایلین یانوار آییندا داواملی قولاق آسدیغیم بیر ماهنی یادیما دوشور، سؤزلری بئله‌دیر: من آیاغا دوراجاغام، گونش کیمی دوغاجاغام. آغری-آجییا قاتلانیبب، بونو مین دفعه‌ ائده‌جه‌یم. بو ماهنییا بیرینجی دفعه‌ قولاق آساندا تقویمین آرخاسینا بیردن مینه قدر یازیب دیوارا یاپیشدیرمیشدیم. هر گون بیرینی سیلرم فیکیرلشیردیم. گونو یاشاییب گونو گونونه یازیم دئیه، بونو مین دفعه‌ تکرارلاییم دئیه، اوزون مدت‌دیر یاتا بیلمه‌دیگیم اوچون بئله فیکیرلشدیم.  چونکی قالان حیاتیمدا نه راحتلیق، نه ده اومید واردی و بوندان سونرا هر شئیین داها دا پیس اولاجاغینا دایر بیر نتیجه‌یه گلمیشدیم. ایشین غریبه‌سی بودور کی، رومان یازدیقجا گئت-گئده یاشاماغا باشلامیشدیم. یوخو رئژیمیم یاواش-یاواش قایداسینا دوشدو، گئتدیکجه داها آز کابوس گؤرمگه باشلادیم. قان، جسدلر و سوموکلرله دولو بیر رومان یازاندا بئله بیر شئی نئجه مومکون اولا بیلردی؟ ۲۰۲۰-جی ایلین پاییزیندا ایلک قارالامانی تاماملایاندا، سونونجو صحنه‌‌ده (کیؤنها؟)کیبریت یاندیراندا باشا دوشدوم کی، بو رومان سئوگی حاقیندادیر. سینیق شوشه‌نی اریدیب تزه‌دن بوتون بیر کوتله حالینا گتیرن آلوودور. ۷. ساغوللاشمیرامین بیرینجی صحیفه‌‌سینی یازدیغیم گوندن اعتباراً سونونجو نقطه‌‌نی قویماغیم دوز یئددی ایل چکدیگی اوچون او مدت عرضینده خئیلی قئید یازمیشدیم. بونلار اون دنه نازیک دفتری دولدوران، اؤز-اؤزومدن سوروشوب جاوابلارینی آختاردیغیم، یولومو تاپماغا چالیشاراق ال‌هاواسینا ایره‌لیله‌دیگیم یازیلار ایدی. فرقلی پئرسوناژلار، فرقلی تحکیه‌لرله یازدیغیم اللی صحیفه‌‌لیک، یوز صحیفه‌‌لیک، حتی ایکی یوز صحیفه‌‌لیک وئرسییالار(ورژن) هله ده منده‌دیر (بیرینجی وئرسییادا آدی «قوشلار قاییدان گئجه»)ایدی. ۲۰۱۸-جی ایلین قیشیندا اؤزومله گزدیردیگیم نازیک دفتری آچاندا بو قئید گؤزومه دَيدی: دوعا، ووران، اوستوموزه بوزاران دونیا. دونیا بودور؟ اوشاقلارین اؤلدویو. قادینلارین تجاوزه اوغرادیغی بیزه وئریلن دونیا بودور؟ آنجاق جانلی اولدوقلاری اوچون گؤزل اولان شئیلر. رحمسیزجه، دویغوسوزجا گؤزل شئیلر. روح پالما(نخل) قوللارینی ساللادان قارا آغاج. کابوسدان سئچیلمه‌ین گونوموزده خلاص دیله‌ین اینسانین حئکایه‌سی قورخو و شدّت. دوعانین حئکایه‌سی، کولک و دنیز آخیشی بوتون دونیانی توتان‌سو ایله کوله‌یین چمبری. بیز بیر-بیریمیزه باغلیییق. علاقه‌داریق اومید ئدیرم.  قار یاغدی. ساغوللاشمیرام. تاریخین ایچینده‌کی اینسان کایناتین ایچینده‌کی اینسان. بدنیمده‌کی حیسّلر. بدن ضعیف «اؤلوملو من» او ائوه گئتمک وضيّتینده، «هامی من»ی ترک ائدندن سونرا آز قالا داغینتی وضيّتینده ایکن.  نه قدر سویوق اولاجاغی، ایستی اولاجاغی، یاندیریجی اولاجاغی مسئله‌سی. قتلیاما عاید «یازان من» آنا-آتاسی قتلی‌عامدا ساغ قالمیش دوستونون ائوینده بیر گون کئچیریر. هر هانسی بیر آستانادا، یاشایانین عینیله بیر روحا دؤندویو دؤزولمز آغرینین سون سرحدینده، بدنیندن سییریلیب او طرفده‌کی شئیلری گؤرمه‌یه باشلادیغی آن. حیاتین محدودیییتی موجودلوغون اؤتریلیگی اوجلاردا معناسیزلیق. زامانین آلووو، قارین سسسیزلیگی باره‌سینده فیکیرلشمک لازیمدیر. قار سسلری اوداندا منیم سسیمی ده، بیر قوشون سسینی ده اودا بیله‌جه‌یی فیکری.  کولک کسنده ساده‌جه قار. هئچ بیر سس چیخارمادان بوتون سسلری ایچینه چکن ساده‌جه قار. بورا او قادینین ائویدیر یاتاندا چارپاییسی‌نین آلتینا دمیرکسن میشار قویان آنانین گئجه اولان کیمی هرزه-هدیان دانیشیب داغلارا چیخان آتانین ائوی  پییادا آلایلاری بوتون پیادا آلایلاری قارا دریلیلر آوشویتز. بوتون قتلی‌عاملار سیماسیز اینسانلار ازیلیب-بوزولن اینسانلار منیم او گئجه سئول‌دا گؤردویوم ساچلاری اوزون،  آددیملاری یاواش، اللرینده سلاح توتان اینسانلارین پیادا آلایی. قار نه قدر چوخ هاوا بوشلوغونا صاحبدیر گؤره‌سن؟ کریستاللار  اؤلمک سویوماق دئمکدیر اوزه دوشوب ییغیلان قارلارین اریمه‌مه‌یی اؤلدورمک داها سویوق وضعيّته.سالماقدیر  دانیشیق مئشه‌ده گزنده بیردن فرقینه واردیم. عؤمروم بویو روحلارلا بیر یئرده یاشادیغیمین  بونا احتیاج یوخ ایدی. دوغرودان بئله ائتمگه احتیاج یوخ ایدی. سنین تکلیفیندن ایمتیناع ائده بیلردیم. آمّا ایمتیناع ائتمک ایستمه‌دیم.  دوشوندوم، دوخسان دوققوز دنه، سونسوز سایدا روحو یوناق دئیه  خصوصی بیر آندلا ساغوللاشاق دئیه. یوخ، عکسینی ائدک دئیه. هئچ واخت ساغوللاشمایاق دئیه. آند ایچه‌رک ۲۰۲۰-جی ایلین ۸ سئنتیابر و اوکتیابر آیلاریندا بو رومانین ایکینجی حیصّه‌‌سینی یازاندا ئوی یئریندن ترپده‌جک سسله ماهنییا قولاق آسدیغیم اولموشدو.

چاپدان سونرا(مقاله)
یازان:هان کانگ
چئویرن: حمید پیرییئو
کوچورن: ویدا حشمتی
حاضیرلایان:ادبیات سئونلر

 ۱. رومانیم چاپ اولوندو. آرتیق، دان سؤکولنده دوروب شام یاندیرماسام دا اولار. بو خلوت ائوده الکتریک کسیلنده شام ایشیغی‌نین اوتاغی نه قدر آیدینلاندیردیغینی گؤرمک اوچون کومبینین سئنسور لامپاسی‌نین اوستونو اؤرتمه‌سم، سویودوجونو الکتریک یوواسیندان آییرماسام دا اولار. دیو بویدا کؤلگه‌نین تاواندا اویناشماسینی گؤرمک اوچون الیمده شاملا دولانماسام دا اولار. شام ایشیغی هر دفعه‌ اوستلرینه دوشنده آلچاق سس کیمی اوزه چیخیب سونرا تزه‌دن قارانلیغا غرق اولان کیتاب آدلارینی اوخوماسام دا اولار. اووجومداکی قارین اریمه‌یی‌نین وئردییی حیسّی بدنیم خاطیرلاسین دئیه الیم سرتلشیب کئییینه قدر اووجومو آچیب-یومماسام دا اولار. هر دفعه‌ قار یاغاندا تاکسی ایله یاخینلیقداکی داغا گئتمه‌سم ده اولار. داغین اتگینه چاتاندا قار کسیلدییی اوچون کدرلنمه‌سم ده اولار. داغا گزمگه گلنلره خیدمت ائدیلن کافه‌ده گؤیرتیلی دویونون یاریسینی بئله یئمه‌میش تزه‌دن قار یاغدیغینی گؤروب تلسیک آیاغا دورماسام دا اولار. جیغیردان چیخیب مئشه‌نین ایچینه، بیر آز درینلییه گئتمه‌سم ده اولار. داها چوخ اوخوماسام دا اولار. آختاریش سیستمینه «قتل‌عام» یازماسام دا اولار. چوخوردا اولماغین نئجه بیر شئی اولدوغونو حیسّ ائتمک اوچون استولون آلتیندا قیوریلیب یانی اوسته اوزانماسام دا اولار. هر گون کئچدیییم یولون قیراغینداکی تپه‌ده آغاجلارین آراسیندان گون ایشیغی سوزولوب یاشیل‌لیغین آلتینا کؤلگه سالاندا اوراداکی جسدلرین چورودویونو ذهنیمده جانلاندیرماسام دا اولار. آغلاماسام دا اولار. آرتیق گؤز یاشلاریملا اوزومو یوماسام دا اولار. کولکلی بیر گونون گئجه یاریسیندا چای قیراغیندا گزمه‌سم ده اولار. ساغلاردان چوخ اؤلولری اؤزومه داها یاخین حیسّ ائتمه‌سم ده اولار. آرتیق بو روماندان ال چکمه‌سم ده اولار. بو رومانین اسارتیندن خلاص اولاجاغیم او نامعلوم گونو گؤزلمه‌سم ده اولار. آزادلیغیما قوووشاندان سونرا ائتمک ایستدیکلریمی ائتملی اولدوقلاریمین سییاهیسینا یازیب سییاهینی اوزاتماسام دا اولار. ۲. یونگوللشیرم بیر آز دا یونگوللشیرم ائله‌بیل سوموکلریمین و دریمین ایچینده هئچ نه قالماییب. صوبح آچیلمامیشدان اوّلکی قارانلیقدا فیکیرلشیرم. آرتیق اوزاقلاشان بیرینه اوخشایان رومانیمی. بیز بیر-بیریمیزی قوجاقلامیشدیق، جان هؤولویله بیر-بیریمیزی دستکله‌ییردیک. آمّا آخیردا بورادا تک قالدیم. یاخشی، بس «من»  اصلینده کیمدیر؟ بیر واختلار «من» اولان آدام بو رومان اوجیباتیندان اونسوز دا دگیشدییی اوچون آرتیق گئری قاییدیب او آدام اولماغیم مومکون دئییل. بئله دیرسه، سوالی باشقا جور قویوم. ایندیکی «من» کیمدیر گؤره‌سن؟ بو قدر بوم-بوش، بو درجه‌‌ده چیلپاق قالان اینسان.  ۳. رومانیمی یازدیغیم واختلا مقایسه‌ده ایندی داها آز کیتاب اوخویورام. گزینتییه آز چیخیرام، آز ایسینمه حرکتلری ائدیرم.  عضله‌‌ برکیتمک مشقلرینی ده آزالتمیشام. گون‌اورتادان سونرا اوزانیب موسیقی دینله‌ییرم. هردن اوتوروب پالتار یویان ماشینین سسینه اوّلدن-آخیرا قولاق آسدیغیم دا اولور. سییاهیدا یازیلان ایشلرین هامیسینی چوخدان ائتمیشم. گؤرمک ایسته‌دیگیم آداملارلا گؤروشدوم. اوخوماق ایستدیکلریمی اوخودوم. باخماق ایستدیکلریمه باخدیم. بیر واختلار گئتمک ایسته‌دیگیم سئونیودو پارکینداکی قارابالیغی خاطیرلادان بینالارین آراسیندا و یام-یاشیل مئشه‌ده گزیب ائوه قاییتدیغیم دا اولدو. ۴. بیر دوشونجه – قرار – آغلیما گلیر. یئنه یازسام اولار، یئنی بیر رومان یازسام. یئنه علاقه‌‌ قورماغین یولو بودور. یاخشی، بس یازی واسطه‌‌سیله نه‌یله علاقه‌‌ قورورام؟ تکجه یازینین علاقه‌‌لندیردییی او شئی اوچون بئله چیلپاق و مدافعه‌سیز حالدا حاضر گؤزله‌ییرم؟  الکتریک آخینی‌نین کله-کؤتور منلییه تاخیلیب کسیلمه‌مه‌سی اوچون؟  ۵. هر نسه  روتینیمه گئری قاییدیرام. جومله‌‌لرین چوخلوغو ایله تزه‌دن انرژی توپلاماق اوچون هر گون رومان و بیر شعر کیتابی اوخویورام. تزه‌دن ماسا آرخاسیندا اوزون مدت اوتورا بیلمک اوچون گونده ایکی ساعت ایسینمه و عضله‌‌ برکیتمه مشقلری ائدیب گزینتییه چیخیرام. آنجاق هفته‌لر بویو جمعی-جوملتنی بیر صحیفه‌‌ یازاندان سونرا بونون فرقینه واریرام: حاضردا تزه رومان یازماغا باشلاماق عاغیللی ایش دئییل. قارین حئکایه‌سینی تریلوگییا(اوچ بؤلوملو فیلم یا کیتاب اوزوکلزین افندیسی کیمی مجموعه)کیمی فیکیرلشمیشدیم. یازدیغیم ایکی اوزون حئکایه‌نین اوزون مدت‌دیر آیری قالماغینی اورگیمه سالمیشدیم؛ بونون اوچون اوچونجو حئکایه‌نی یازیب، هامیسینی بیر کیتابدا توپلاماق قرارینا گلمیشدیم. آمّا چوخ سویوقدور. بوندان آرتیق اوشومک ایسته‌میرم.  ۶. بئله نيّتیمدن دؤندویوم واختدا نشریّاتدان خبر گلیر.

بیر آزدان نَسَه‌لَر دئییب زاریماغا، داها سونرا یالوارماغا باشلادی.


https://t.me/Adabiyyatsevanlar