ادبیات سئونلر

همت شهبازی
دیل ملتین حیاتی دیر

دیل یالنیز «سؤز» دئییل؛ ایلگی و مناسبت واسطه‌سی دئییل؛ او، هم ده ملّتین وارلیق اساسینی تشکیل ائد‌ن بیر عنصردور. ملّتین «حیاتی‌دیر». دیلین تاریخی و مدنی ایشله‌یی اونو بیر «وارلیق» کیمی ائدیر. ملّت، ساده‌جه بیر جغرافی و یا سیاسی سیستئم دئییل؛ عینی زاماندا اورتاق مدنی یادداش، اورتاق دوشونجه و اورتاق دیل اوزرینده قورولور. دیل، ملّتین «داخیلی بیرلیینی» تأمین ائد‌ن ان اؤنملی واسطه‌دیر. او، اولمادان ملّت یالنیز سیاسی بیر قورولوش اولا بیلر، آنجاق مدنی و تاریخی وارلیق کیمی داوام ائده بیلمز. بو باخیمدان، آنا دیلینه قارشی لاقئیدلیک، ملّت اوچون «اؤزونو تانیماما»یا گتیریب چیخارار. چونکی دیل، بیر ملّتین دوشونجه سیستئمینی فورمالاشدیریر، تاریخی تجروبه‌لرینی ساخلاییر، مدنی یادداشینی اؤتورور.
دیل ایکینجی درجه‌لی ساییلارسا، بو گؤره‌ولر یئرینه یئتیریلمز و ملّت «تاریخ‌سیز» بیر کوتله‌یه چئوریلر. عینی ایله بیزیم کیمی.
اگر تاریخ بویو آذربایجان چرچیوه‌سینده قورولان سیاسی سیستئملر، بیر ده بو محیطده یاشاییب یازان صنعت آداملاری آنا دیللرینه «ایکینجی درجه‌لی، اؤنم‌سیز» بیر دیل کیمی یاناشماسایدیلار، اونو کوتله‌ دیلینده اوزون عؤمورلو یاشادیغی کیمی یازی دیلینده ده یاشاتسایدیلار، اوندا بیزیم ملت‌چیلییمیز ده اؤز یئرینده اولاردی. دیله اولان لاقئیدلیک، ملت اولماغا لایق اولمایان بیر توپلوما چئویر‌ر. اونا «ایکینجی درجه‌لی» یاناشما، بیر نوع آسیمیلیاسییا و یا کولونیال تأثیر دئمکدیر. آنا دیلین ایکینجی درجه‌لی ساییلماسی، ملّتین «اؤزونو درک ائتمه» قابیلیتینی ضعیفله‌دیر. اونون تاریخی یادداشینین یوخ اولماسینا، مدنی کیملییی‌نین داغیلماسینا و نتیجه‌ده ملّت‌چیلیک دوشونجه‌سینین ضعیفله‌مه‌سینه گتیریب چیخاریر. ملّت اؤز دیلینی قورویوب گلیشدیرمه‌دن، اؤز مدنیتینی ده قورویوب انکشاف ائتدیره بیلمز.
بو باخیمدان، دیلین قورونماسی و انکشافی یالنیز ادبی بیر مسئله دئییل؛ او، ملّی وارلیغین قورونماسی‌دیر.
بیر خالقین دیلی ایکینجی درجه‌لی حساب ائدیلنده، همین خالقین دوشونجه دونیاسی «باشقا دیله» باغلانیر، اونون تاریخی و مدنی یادداشی ضعیفله‌ییر، اؤزونو تانیماق قابیلیتی آزالیر. بئله حالدا خالق اؤز کیملیینی ایتیرمه‌یه باشلاییر. چونکی دیل، ملّی کیملیین اساس سوتونلاریندان بیری‌دیر.
عینی حالدا، دیلین یازی دیلینده یاشاماسی اونون مدنی دَیرینی آرتیریر، دیلین ادبی و علمی دیلده یاشاماسی اونو ملّی اینتئللئکتوال ثروته چئویریر. اگر بیر خالق یالنیز دانیشیق دیلینی ساخلاییب، یازی دیلینده باشقا دیله کئچیرسه، او زامان همین خالقین مدنی ارثی چوخ ضعیفله‌ییر.
۱۴۰۴/۱۲/۱ . موغان
قایناق:ایشیق سایتی

https://t.me/Adabiyyatsevanlar

اسماعیل علیزاده:« قول اسماعیل»
قوشما.:  «دهـــــــــــقان»


فراقین آغیردی آذربایجانا
نئجه خبر وریم ائللره دهقان
سولدی باغی بستان پوزولدو گولشان
نه دئیم گولشاندا. گوللره دهقان

کسیلدی.چالدیغین قره عینی. سسی
لال. اولدو. بولبوللر. بوشدی قفسی
پوزولدی. تل. آتدا. سازین. پرده سی
نه دئیم. ساز اوسته. تللره. دهقان

قازیلدی مزارین. دوزولدی. ساللار
قان آغلیر. ائللرین مهربان جانلار
چیخماز خیالیمنان. نه ائیللر. آیلار
سوز لرین. وردیلر. یئللره دهقان

قول اسماعیل.اوچون اولوبسان . نیسگیل
خدام قسمت ائدسین. آبی. سلسبیل
محشر.دیوانیندا. صاحبی. دولدول
یئتیرسین اّلینی.. اّللره. دهقان


۱۴۰۴/۹/۱۰ عاشیق دهقانین. آغیرلاما گونونده


https://t.me/Adabiyyatsevanlar

حمیده_رئیس_زاده_سحر


تزه بیر گون دوشه جک پنجره دن
صاباحی ایندی دن اؤلدورمه دایان!

یئنی بیر سن دوراجاقسان یوخودان
باشقا بیر سن، دولاجاقسان گونشین گوزگوسونه

یئل اسنده، قولاق آسسان سؤزونه
موشدولوق ماهنی لارین پایلایاجاق
آیری بیر ساز چالاجاق

آچا بیلسن اوره یینده یووا سالمیش گئجه نین قاپ_ باجاسين
یئنی بیر گون دوشه جک
کؤنلون ایچینده باییرا
قيناما اؤزگه لری..!

https://t.me/Adabiyyatsevanlar

توحید_نامور (آدلیم)

دئمیرم آغلایین، آغلایین منی،
هؤنکوره-هؤنکوره
یا
ایچین-ایچین!
بیر شئعیر اوخویون
قبریمین اوسته،
من آنا دیلیمی
دینله‌مک اوچون!

https://t.me/Adabiyyatsevanlar

✍️: ائلمان موغانلی

دیجیتال ساعات‌لارین بلیرسیزلیگی ایله
هله ده پارلاماغی اونوتمایان کؤهنه اولدوزلارین کسین‌لیگی آراسیندا
سنین بال گؤزلرینی دوشونورم
سون باهارین بالا دؤندوگو
ایکی دینج اؤلکه‌
و ایشیغین یئر اۆزۆنه چاتمادان اؤنجه
نئچه آنلیق دینجلدیگی یئر.

خورما بویالی ساچ‌لارین
یئر کوره‌سینه گون‌باتانی آخیدان
چاغلار بیر چای
سانکی گونش یئری اونوتماسین دئیه
ایشیغیندان نئچه تئل
چیگین‌لرینده امانت بوراخمیش.

گولوشون
یاغیش سونراسی ایلک ایشیق
گؤیون‌ یئره باغیشلادیغی گؤزللیک.

گؤزلرین گولرکن
بولودلارین گؤز یاش‌لاریندان
گؤل‌لر دولور
دورنالار قاییدیر
تانری سئوینیر
و بشریتین گوناه‌لاری باغیشلانیر.


سن
ایلک باهارلا سون باهارین
اورتاق اولدوق‌لاری بیر باغچا
چیچک‌لر عطیر ساچماغی
و یاپراق‌لار اوچماغی
سندن اؤیره‌نیرلر،
سانکی
گرچک ایله رؤیا آراسی
سینیر اولمادیغینی قانیتلاماغا یارانیبسان،
و‌ من
آلگوریتمالار‌لا سویوق حئساب‌لارین عصرینده بئله
معجزه‌لره اینانان بیری
ندنکی سنی گؤرموشم.

https://t.me/Adabiyyatsevanlar

رامیز رووشن

من سنی سئومیردیم

منی سنی سئومیردیم آمما گئجه‌یدی
بیر بوم-بوش واغزال‌دی، بیرده بیز ایدیک
یوخولو گؤزلرین گؤزومه ده‌یدی
یوخولو گؤزلرین تر-تمیز ایدی

یوخولو گؤزلرین یوخو گؤروردو
سن اوزون اَن شیرین یوخویدون آنجاق
یوخولو گؤزلرین یوخو گؤروردو
من سنین یوخوندا یوخ ایدیم آنجاق..

من گلن قاتارین هاییندا ایدیم
بیر سَرین گئجه‌یدی، بیر ایلیق نَفَس
بیرده‌کی من سنین یانیندا ایدیم
یاخیندا اولانلار یوخویا گیرمز...

سونرا قاتار گلدی، یوخون داغیلدی
ایسته‌دیم سؤز دئیم، کاریخدیم یئنه
قاتار گئجیکیردی، من داریخیردیم
سن میندین قاتارا، داریخدیم یئنه

او گئدن قاتارین دالینجا باخدیم
دئدیم بو گئجه‌نی چتین دؤزَرَم
بیراز دا کئچسه‌یدی آغلایاجاقدیم
یاخشی‌کی، گولمه‌ییم توتدو اؤزومه

سونرادا یول بویو اوزاندی کؤلگَم
سونرادا تک-تنها قاییتدیم ائوه
او قاتار، او گئجه، او دونیا بلکه
تک بوندان اؤترویدو؛ من سنی سئوم..

واغزال: دوراق، ایستگاه

https://t.me/Adabiyyatsevanlar

«نزار قبانی»

بدون تو گریستم
تمام شب ها را
تمام روزها را
نمی توانم برای تو سالگردی بگیرم
تمام تاریخ عزادار توست
تمام روزها
خورشید را ندیدم بعدتو
پشت ابرها مانده بود
مرا هم بسوی خودت دعوت کن
زمین یخ کرده است
مردم سالهاست صبح را ندیده اند
تا اشکهای من هست
دریاها خروشانند...
https://t.me/Adabiyyatsevanlar

ان آغریلی مقاملاردان بیری ایسه اودور کی، تورک خالقلارینین اورتاق مدنی یاخینلاشماسی ایدئیاسی سووئت توتالیتار سیستمینی ناراحات ائتمگه باشلامیشدی. بونا گؤره ده ۱۹۳۹-جو ایلدن اعتباراً لاتین قرافیکالی الیفبا لغو ائدیلدی و تورک خالقلاری مجبوری شکیلده کیریل الیفباسینا کئچیریلدی. بئله‌لیکله باکیدا قورولان بؤیوک علمی-مدنی کؤرپو سیاسی قرارلارلا داغیدیلدی آمّا ایدئیا یاشاییردی. 
یوز ایلدن سونرا یئنیدن تاریخ باکیدا تکرارلانیر. تورک دؤولتلری تشکیلاتینین گوجلنمه‌سی،اورتاق مدنی و هومانیتار لاییحه‌لرین آرتماسی، تورک دونیاسینین سیاسی و اقتصادی بیرلیگی بیرینجی تورکولوژی قورولتایین ایدئیالارینین یئنیدن گرئرچکلشدیگینی گؤستریر. خاطیرلاداق کی ۲۰۲۵-جی ایلده آذربایجان میلّی علملر آکادمی‌سی بیرینجی تورکولوژی قورولتایین ۱۰۰ ایللیگی‌نین قئید اولونماسی بارده قرار قبول ائدیب. AMEA و تورک دیل قورومو طرفیندن باکیدا 
کئچیریلن علمی کونفرانسلاردا قورولتایین تورک خالقلارینین میلّی-مدنی اویانیشینداکی رولو گئنیش شکیلده مذاکره اولونوب. ایندی ایسه ۲۰۲۶-جی ایلین اییون آییندا کئچیریله‌جک. تورک دونیاسی هفته‌سی همین بؤیوک میراثین داوامی اولاجاق.

قایناق:آز -پست

https://t.me/Adabiyyatsevanlar

ویدا حشمتی ادبیات سئونلر
خبر
2026-جی ایلین اییون آییندا باکی دا تورکولوژی قورولتای  کئچیریله جک.

۲۰۲۶-جی ایلین اییون آییندا باکی یئنیدن تورک دونیاسینین علم، مدنيّت و فیکیر مرکزینه چئوریله‌جک. بئله کی،  تورک خالقلارینین علمی-مدنی بیرلییینه میثیل‌سیز تؤحفه وئرمیش بیرینجی تورکولوژی قورولتایین ۱۰۰ ایللییینه حصر اولونان تورک دونیاسی هفته‌سی 
آذربایجاندا کئچیریله‌جک.
آذربایجان پرئزیدئنتی ایلهام علی‌یئو 
قازاقیستانین تورکوستان شهرینده کئچیریلن تورک دؤولتلری تشکیلاتی، دؤولت باشچیلارینین غئیری رسمی ذیروه گؤروشونده چیخیشی زامانی 
بو موهوم حادثه‌‌یه توخوناراق بیلدیرمیشدی کی، باکیدا کئچیریله‌جک تدبیر خالقلارین مدنی حیاتیندا علامت‌دار حادثه‌‌یه چئوریله‌جک. بو فیکیر تصادوفی دئییل. چونکی دوز بیر عصر اوّل ده باکی تورک دونیاسی‌نین گلجه‌یینی معيّن‌لشدیرن ان موهوم اینتئللئکتوال(ذهنی) پلاتفورمالاردان بیرینه چئوریلمیشدی.
خاطیرلاداق کی، بیرینجی تورکولوژی قورولتای ۱۹۲۶-جی ایل فئورالین ۲۶سیندان مارتین ۶سینادک باکیدا کئچیریلیب، بو قورولتای ۲۰-جی عصرده تورک خالقلارینین طالعینده دؤنوش نؤقطه‌‌لریندن بیری اولوب. همین دؤورده سیاسی سرحدلرله  پارچالانمیش، مختلف امپریالیسم‌لرین تضییقی آلتیندا یاشایان تورک خالقلاری ایلک دفعه‌ اولاراق، گئنیش‌مقیاسلی علمی پلاتفورمادا بیر آرایا گلمیشدیلر. قورولتای باکی‌نین مرکزینده یئرلشن مؤحتشم اسماعیلیییه سارایی بیناسیندا کئچیریلیب. بورادا اس اس اری مکانیندا یاشایان تورک خالقلارینین نماینده‌لری ایله یاناشی تورکیه، آوروپا و دیگر بؤلگه‌لردن گلمیش عالیملر اشتراک ائدیردی. عمومی‌لیکده ۱۳۱ نماینده‌نین اشتراک ائتدییی قورولتایدا ۱۷ اجلاس کئچیریلیب، دیل، تاریخ، ائتنوقرافییا(قوم‌شناسلیق)، ادبيّات، مدنيّت، ائتنوگئنئز(قوم زایی) و الیفبا مسئله‌لری ایله باغلی ۳۸ موهوم معروضه دینله‌نیلیب. قورولتایین مرکزینده دوران اساس مسئله‌ الیفبا اصلاحاتی ایدی‌‌. بیرینجی تورکولوژی قورولتایین ان موهوم نتیجه‌لریندن بیری لاتین قرافیکاسی یئنی تورک الیفباسینا کئچید ایدئیاسی‌نین سیستملی شکیلده حاضرلانماسی اولدو. اصلینده بو پروسه‌نین کؤکلری داها قدیمه گئدیب چیخیردی. هله ۲۰-جی عصرده بؤیوک آذربایجان معاریفچیسی میرزه فتحعلی آخوندزاده، عرب الیفباسی‌نین تورک دیللرینین فونئتیکاسینا (زبانشناسی) اویغون اولمادیغینی بیلدیره‌رک، الیفبا اصلاحاتینی گونده‌مه گتیرمیشدی. او، بیرنئچه لاییحه‌ حاضرلامیش، عثمانلی دؤولتینه مراجعت‌لر ائتمیش، یئنی یازی سیستمی تکلیف ائتمیشدی، لاکین 
همین دؤورده نه روسیا امپریالیستی  نه ده، عثمانلی حاکیميّتی بو تشبّوثه دستک وئردی.
سونراکی ایللرده فریدون بی کؤچرلی، جلیل محمدقولوزاده، نریمان‌نریمان‌اوف، اوزئییر بی حاجی‌بیلی، ایسماعیل بی قاسپیرالی و دیگر ضیاءلیلار بو ایدئیانی داوام ائتدیردیلر.
«مولّا نصر‌الدین» ژورنالینین رئداکتورو جلیل محمدقولوزاده‌نین «بو هئروقلیفلری لاتین الیفباسی ایله عوض‌له‌مک واجیبدیر» فیکری همین 
دؤورون معاریفچی دوشونجه‌سینین ان پارلاق ایفاده‌لریندن بیری اولموشدو.
آذربایجان سووئت حاکیميّتی‌نین ترکیبینه کئچدیکدن سونرا ایسه الیفبا مسئله‌سی داها دا آکوال(واقعی)لشدی. ۱۹۲۲-جی ایلده نریمان نریمان‌اوفون صدرلییی ایله «لاتین الیفباسینا کئچید» کومیته‌سی یارادیلدی. همین ایلین ستامبریندا ایسه «یئنی تورک الیفباسی» کومیته‌سینه صمد آغا آغامالی اوغلو رهبرلیک ائتمه‌یه باشلادی. 
بئللیکله ۱۹۲۶-جی ایلده باکیدا کئچیریلن قورولتای بو ایدئیانی عموم‌ تورک سويّه‌سینه قالدیردی. قورولتایدا قبول اولونان قرارلار اساسیندا ۱۹۲۴-جو ایلدن اعتباراً عرب الیفباسی‌نین استفاده‌سینه قاداغا قویولدو و اس اس ارده یاشایان تورک خالقلاری یئنی لاتین قرافیکالی الیفبایا کئچمه‌یه باشلادیلار. 
بیرینجی تورکولوژی قورولتای اؤز ایشتیراکچی هئیتی باخیمیندان دا میثیل‌سیز حادثه‌‌ ایدی.  
قورولتایین ریاست هئیتینده و اشتراکچیلاری آراسیندا دؤورونون ان نفوذلو عالیملری، تورکولوقلاری و اجتماعی خادیملری یئر آلیردی.
قورولتایا صمد آغا آغامالی اوغلو صدرلیک ائدیردی. ریاست هئیتینده بکیر چوبانزاده، احمد بایتورسون اوو،  محمد فواد کؤپرولو، واسیلی بارتولد،
آلکساندر سامویلوویچ، قلیمجان ایبراهیم‌اوو کیمی مشهور ایسیم‌لر تمثیل اولونوردو.
فخری عضولر آراسیندا ایسه علی بی حسینزاده آناتولی، لوناچارسکی  نیکولای مارر و دیگر تانینمیش شخصلر واردی‌.

لاکین بیرینجی تورکولوژی قورولتایین طالعی اونون ایشتیراکچیلارینین طالعی کیمی فاجعه‌‌لی اولدو. قورولتایدا ایشتیراک ائدن یوزدن آرتیق عالیم و ضیاءلی سونراکی ایللرده «پان‌تورکیزم» اتهامی ایله تاپدالانماغا معروض قالدی. اونلارین اکثريّتی حبس ائدیلدی. سورگون اولوندو و یا فیزیکی محو ائدیلدی.

کریم گول اندام

• انسان
•
• کائیناتدان مایالانمیش جوشقون طبیعتیم وار
• دوغا کیمی عوصیانکارام تانیلماز قودرتیم وار
•
ماغارادان باش قالدیریب ،کهکشانا وارمیشام
ایمپریالار چوروتموشم اولدوزلاری یارمیشام
هر ایقلیمه یول سالمیشام  ،اؤزگورلوک آختارمیشام
هئچ بیر مخلوقا بنزه مز غریبه طینتیم وار

تاریخ بویو نئجه -نئجه آللاهلار یاراتمیشام
نئچه -نئچه مدنیت اوجاغی قاراتمیشلام
دوشمانیمین گؤزلرینین کؤکونو ساراتمیشام
هم جسارت ،هم عداوت ، هم ده عدالتیم وار

قان تؤکمکده ان ییرتیجی حیوانلارین شاهی یام!
یئر اوزونون مخلوقاتی ایچینده ان داهی یام !
من محبت ایلاهه سی، سئوگینین آللاهی یام!
پیس ،یاخشیدان نه آد قویسان اونا شباهتیم وار!

مین کیشینی بیر کیشییه دینمز قوربان وئرمیشم!
یئراوزونده،دنیزلرده ،گؤیده فرمان وئرمیشم !
بیر جانلی نی قوروماغا،مین جور درمان وئرمیشم!
تایسیز نیفرت ،سایسیز قودرت ،سونسوز محبتیم وار

من یوخ اولسام بو سونسوزلوق هئچ بیر ایشه یاراماز
یئرین ،گؤیون  احوالینی هئچ بیر جانلی آراماز
اؤلگون بیر حیات یاشانار ،آیاق اوسته دوراماز
بوحیاتی دیرچلتمه یه سونسوز مهارتیم وار حآ

من اولماسام کیم گزه جک انگینلیگین بحرینی؟
کیم چکه جک طبیعتده جانلیلارین قهرینی؟
کیم ووراجاق یئر اوزونده مدنیت موهرونو؟
من بیر  اوریمسل انسانام بونا  لیاقتیم وار !

خرداد -۱۴۰۵-اورمو

https://t.me/Adabiyyatsevanlar

علی رشتبر- قاییب

آمان غسّال!  یئنی اؤلو دئییلم ،
او گونلری گؤرن گوندن اؤلموشم .
سئللر سولار گؤزو یاشلی سارانین ،
ساچلارینی هؤرن گوندن اؤلموشم .

قییما منه  تؤک سویونون ایستیسین ،
بلکه یاخا چیی کؤزومون توستوسون .
کوچه لرده«خان کرملر »اصلیسین ،
سرگیله ییب  سرن گوندن اؤلموشم .

آجیما ،رحم ائیلمه، بوگؤودمه ،
یازیقدیرمی، جانسیزدیرمی، هئچ دئمه .
وطن تورپاغینی گؤر الله کیمه؟!
آلچاقلارا وئرن گوندن اؤلموشم .

آدیم«قاییب» اودوزموشام هر نه‌یی ،
اؤزو ائتسین یارادانیم کؤمگی،
اؤز الیمله،اؤز یاریما،چیچگی،
یاد باغیندان درن گوندن اؤلموشم.





یول آغلاسین کتابیندان(۱۳۹۴)

https://t.me/Adabiyyatsevanlar

خبر
«همت شهبازی‌»نین یئنی تنقیدی اثری ایشیق اوزو گؤردو


تانینمیش ادبیاتشناس و ادبیات تنقیدچیسی «همت شهبازی»‌نین «شعرین ذروه‌سی (آذربایجان چاغداش شعریندن تحلیل‌لر)» باشلیقلی یئنی تنقیدی اثری ایشیق اوزو گؤردو.
بو اثر، «آراشدیرما، تنقید و یوزوم» ترکیبلی بیر آراشدیرمادیر. مؤلف اثرین «گیریش» بؤلومونده یازیر:
«قارشینیزدا اولان بو یازیلار، قارشیسینا قویدوغو متنی یوزوم دایره‌سینه گتیره‌رک اوخوجو یوزومو ساییلیر. بو اوخوجونو ایستر پئشه‌کار تنقیدچی، ایستر عادی بیر اوخوجو نظره آلماق اولار… بو یوزوملارین مقصدی عملی (پراکتیک) تنقیدچیلییمیزه دوغرو آتیلان ایلکین آددیملاردیر… یوزوملار عمومی‌لیکده دیوان شعری‌نین چاغداش دؤورده داوامچیلارینی احاطه ائدیر. بونلاری شرح ائدرکن، دیوان شعری ایله فرقلرینی ده ایشیقلاندیرمیشیق. دئمک اولار بورادا شرح اوچون سئچیلن شعرلر «آذربایجان شعرینده مدرنیزم» (۱۳۹۹) کتابیمدا وورغولادیغیم «چاغداشلانما» دؤورونه عاید اولان شعرلردیر… بو سببدن بورادا شرح اولونان شعرلری، آدینی چکدییم کتابین بیر نوع کامل‌لشمه‌سینه ده یاردیم ائده بیلر»
اثرده گیریش»دن علاوه، آیدینلانما شاعری «معجز شبستری»، «حیدربابایا سلام» اثری‌نین دراماتیک یؤنلری، «حیدربابایا سلام» اثری‌نین ایکی بندی اوزرینه تحلیل، ملی ایدئیانین پوئتیک ایفاده‌سی (بولود قاراچؤرلو سهندین «شهریارا مکتوب» شعری‌نین تحلیلی)، شهریارین «سهندیه» زیروه‌سی، شمع ایله پروانه‌نین ملی فورماسی (دکتر زهتابی‌نین «پروانه‌نین سرگذشتی» اثری‌)، سئوگی‌نین بویالاری (دکترحمید نطقی‌نین «هر رنگ‌دن» شعری‌نین تحلیلی)، لحظه‌لر شعری (مفتون امینی‌نین «عاشیقلی کروان» اثری‌نین تحلیلی)، «باریشماز» معلمین محکمه اوتاغیندا («گولنده هر زامان» اثری‌نین‌ تحلیلی)، «نادر الهی» شعرینده ایفاده اوبرازلیغی (شعرلری‌نین تحلیلی)، یئلکن‌سیز گمی («ح.ر.سحر» خانیمین «گمی» شعری‌‌نین تحلیلی) یازیلاری یئر آلیر.
همت شهبازی‌نین بو یئنی اثری، تبریزین «اختر» یاییم ‌ائوی طرفیندن یاییلیبدیر.

قایناق:ایشیق سایتی

https://t.me/Adabiyyatsevanlar

فاطمه _ ملک_ زاده

بیا فیلم را کمی عقب ببریم
به خلاءِ پشتِ سرت نگاه کن
      به رنگِ آرکاییک روزهایِ نخواسته
   زمان فراتر از آتش ست
این بی حسیِ حضوری
و یک لحظه از خود غایب شدن برایِ شعر
   که از یک زخمِ کوچک شکل می‌گیرد
این رواق ها یاد آورِ تنهاییِ زنی ست که
   دلتنگی هایِ خود را
برایِ سگِ تریرش می‌گوید
صدایِ ترکیدن تندر می آید
هوا بوی پنگ هایِ خرما می‌دهد
دریا زارش گرفته
سینه می کوبد بر زمین
و چشمانِ سگ مثلِ دو زاجِ ور آمده بر آتش
      فیلم را کمی عقب تر ببریم
ای بهارهایِ هنوز نیامده!
این فصلِ خودسر اصلا بهار نیست
ای شب پره هایِ موهوم
که در این فضا بال بال می‌زنید
چه کسی پریشانِ من ست؟
پناهِ من باشید ای بادها که
ماه را هُل می‌دهید
و سرش به تیزیِ صخره می خورَد
من صیادی که تور به دریا انداخته
و آه صید کرده ام
ای برف هایِ رویِ موهایم!
چرا آب نمیشوید؟
سهمِ من تنها دیدنِ درد هاست
دیدنِ گاریچی ی که
با دو کودکش "یک" بستنیِ کیم را
زبان میزنند
زمستانی آفتاب زده با کمر بندی از علف
همچنان به گولِ مردمان نشسته
ای تراشه هایِ طلا ای شعر!
که سوت ات تیری در تاریکی ست
چنان نشسته ای که موریانه ها
لانه‌ی تپه ای رویِ تو ساخته اند
فیلم عقب تر نمی‌رود
و خلاء ِ پشتِ سر همچنان خالی ست
در تاریکی و تبعید

https://t.me/Adabiyyatsevanlar