Да Тыдня супраць смяротнага пакарання праваабаронца «Вясны» Леанід Судаленка распавядае пра 10 прычын, чаму смяротнае пакаранне ў Беларусі павінна быць адменена.
Прычына № 5 — ці можа суд вынесці справядлівы прысуд?
«Каму мы гатовыя даць права вырашаць: гэтаму чалавеку жыць, а гэтаму — памерці? Суддзі? Следчаму? Пракурору? Дзяржаве? Смяротнае пакаранне асабліва небяспечнае там, дзе ёсць праблемы са справядлівым судом, незалежнасцю суддзяў і правам чалавека на абарону»? — кажа Леанід.
Судовую памылку яшчэ можна выправіць: прысуд можна адмяніць, справу перагледзець. Але калі смяротны прысуд ужо выкананы, выпраўляць няма чаго.
Чым слабейшыя гарантыі справядлівага суда, тым страшней даваць дзяржаве права на незваротнае рашэнне.