❤️ * کوڵە ڕازێوە *
* حەکایەتێوە فرە زریفە * 👌
👈* کاسەیوە ماس *👉
* باباحامێۮ عانێ ژەنەکێش مەردە ، چل و پەنج ساڵێ عەمرش بێ *
*هەر کەسێ ئێ پەی سەروەشی ، ڕاوێژێوەش کەرێ پەی :
((حامێۮ ! * * تۆهەڵای جواننی،
بۆ ژەنی بارە )) *
ئاۮیچ تەنیا زردەخەنەێوە گێرێش و دەسێوە ئارێ سەرەو کوڕە دوانزەساڵەکەیشرەو واچێ : ((خوۮا ئی کوڕشە بە نامێ ئاخرەمین ئەمانەتوو ژەنەکێم پەنە ئەسپارانا٠*
ماباقی عەمریم منیۆ سەروو وەی کەردەی ئی ئەمانەتیەو)) *
* جە ڕاسیچەنە هەر پاسەش کەرد *٠ تەماموو عەمریش نیا سەروو وەی کەردەیشەو ٠ *
*کاروو بارش گێرتش ٠ئاواتەکاش ، تەنیایەکاش و شەوەکاش، بێ دەنگێ زیننۮە چاڵێ کەردێ *
* چن ساڵێ ویەرد *
*کوڕەلەکە بی بە جوانێوە ، دەرزوەنایش تەمامیا و تاتەش گر هەرمانێوەش پەنە ئەسپارا و واتش پەنە تاتەکەم ! ((من پیر و مانیانا گرۮی تۆ بەڕاوە ))
*کوڕەکە ژنیش ئاردە *
* بە ئامای وەیوێ ، یانەکە ڕەنگ و ڕووش فاڕیا ، پەردەکێ واڕیەی ، هەوەڕێ واڕیەی ، ئاشپەزخانە جۆرێ تەر چنیارە *
*ئاغە حامێۮیچ فاڕیا *
* بازە جارێ دەفتەرەنە نیشێرەو بازە وەختێ دووکانوو یۆجە ڕەفێقاشنە خجڵوو چایی واردەی بێ و تەنیا پەی وتەی ئێوە یانە ٠
٠یانەکەو وێشنە پاسە هۆرزاو نیشت کەرێ واچێنی مێمانوو یانەی تەرین ٠*
*ڕوێ گرسەروو سفرەیوە نیشتبێنێرە *
* ئاغە حامێۮ ئاخروو ئۆخروو نان وارۮیش بێ بە وەش ئەخلاقیەو واتش :(( کوڕەکەم ٠٠٠ ئەر کوچالەی ماس هەن بێ زەحمەت بارەم پەی ٠ )) *
*ئاشپەزخانەوە دەنگوو وەیوەکێش ئاماو واتش : (( ماسما نەمەنەن تاتەگیان ٠٠)) *
ئاۮیچ تەنیا واتش : ((خاسا٠٠٠)) *
کەمێ ئاویش واردەوەو ئارامێ سەروو سفرەیوە هۆرئێستەو ٠*
* کەسێ نەۮیاش پەی *
* عاۮەتەکا وێش هۆرسەو بلۆ جبەر ٠ *
هەڵای نەزیابێرە وەیوەکێش بەرەو یەخچاڵیش کەردەو کاسەیوە ماسش ئارد و نیاش وەروو دەموو شوەکەیش٠ *
*واتش : (( هەوا گەرمارێ ماس پەی تۆ عالا ٠))*
کوڕەکە تەماشەیوە ماسەکەیش کەردوو دیاوە پەی ژەنەکێشوو ماسەکەش وارد *
نە ئاوژالێش کەردەو نە مۆچیاریێ ٠*
*وەلێم هەرچا سەعاتەو چێوێ دەروونشنە پەی هەمیشەی کوشیاوە ٠*
*چن ڕوێ دماتەر بە تاتەیش وات : ((تاتە گیان ئارۆ سەعات ۱۰ وێت حازر کەرە مشیۆ بلمێ پەی دەفتەرخانەی٠))*
*ئاغە حامێۮیچ پەرسا پەی چێشی ؟))*
*کورەکەی کەردەو جواب :(( پەی ژەن ئاردەی تۆ٠))*
ئاغەحامێۮ ڕۆزنامەیوە دەسشەو کەوتەرە و واتش : ((شێت بیەنی ؟
چی عەمرنە؟ *
ئیتر من ئەوجەم بە ژەن ئاردەی نیارێ وتەماموو عەمریم پەی تۆ نیانرە٠))*
* کوڕەکە پاسە واق بی چەما؟تاتەیشرە کە پیەیوە جە وێ ویەردەیی وگوزەشتوو پیەیوەتەری یاۆنە ٠*
* شێنەی واتش : (( تاتەگیان ٠٠٠
من ئەۮا پەی وێم ، یام پەی ژەنەکێم هەسرووە نماروو ٠*
*من گەرەکمارێ کەسێ بۆ کاسەی ماست بنیۆرە پەی ٠))*
بێدەنگی یانەکەش گێرتەرە ،
تەنانەت جیکەو سەعاتەکێچ ئەو خجاڵەتباری شێ *
*کوڕەکە کرێڵوو یانەکەیش کیسەنە بەرئارد و نیاش سەروو مێزەکێوە و واتش : (( ئێشەو منوو ژەنەکێم ملمێ دلێ ئاپارتمانێوە وچکلەی کرهایی و سەبایچەو شرکەتوو شمەنە پێسەو کارمەندێوە هەرمانە کەروو و هەقەدەس سانوو ، هەتا ئانیشا کە گر چێوو ئی یانەیشا جە تۆ سانان ، قەۮروو کاسەیوە ماسیچ بزانا٠))*
* ئاشپەزخانەنە، ئاووەریێ (لێوان) شیشەین دەسوو وەیوەکێوە کەوتەرەو مەڕیا٠*
* تەقەو مەڕیای ئاووەری ئارام بێ، وەلێم دڵش تەڵیشەش بەردە٠*
*لەرزە لەرز زیارەو کاسەیوە ماسش یەخچاڵەنە بەر ئاردوو نیاشەرە پەی ئاغەحامێۮی و بە چەمێ هەرسینێوە لاو پایاشنە نیشتەرە و واتش : (( تاتەگیان بەخشەم ئارۆ ئاوەزیام من تەنیا ماسم جە تۆ نەشارانەو بەڵکوو هەقیچم چێرپا کەردەنی ٠)) *
*ئاغەحامێۮ بە لەرە لەروو دەساشەو دسش ئارد سەرەشەرە و چەمێش پەڕ بیێ چا هەرسا کەتەنیا تەنیایی دەورانوو پیری مژناسۆشا ٠*
ئارامێ واتش : (( کناچڵەکێم ٠٠٠*
*ئاورایی بێ نانی نیا ، ئاورایی هەقەتین ئاڕۆنە کە بەشەر یانەو وێشەنە وێش بە زیاۮەو سەربار بزانۆ٠))*
*کوڕەکە ئاماوەرەو لکا دەسا تاتەیشەو هەرسیش متێرە ٠*
* ئاڕوە نە کەسێ لوا پەی دادگای و ژەن و ژەنوازیێ بی و نە یانەیوە ئاوژالێ شێونا ٠*
*یەرە نەفەری دەوروو سفرەیوەرە نیشتێرە ، پەی یەکەم جاری فێرێ بیێ یۆترینی بە دڵ وینا ٠*
چاڕۆوە ئیتر چایانەنە کاسەماس نەتەمامیا ٠٠٠*
* چون وەیوەکێ وەڵێ ئانەینە ماس بنیۆ یەخچاڵ قەۮرو حورمەتش نیابێ دڵوو وێش *
پێوەرە بیەی بە نان و چاشتەو دەوام نمارۆ بە قەۮر گێرتەیۆ مەنۆ *
* یانەیوە قەۮروو گەورتەریش کەم بۆوە هەرچن نێعمەتیچش مشەمەر بۆ ، بەرەکەتش یواش یواش چەنە هۆر گێریۆ*🌷🌸🌷
@VANADIHOWRAMAN
