زەمانەو ئەوسای وەروێوە وارێ
هەرەسە دارا ڕێخەنە ئارێ

دز ئاسا لۆێنمێ پەی سەروو بانا
یام بەرەو مزگی و دلێ بەرەو یانا

بە زریکە و هۆڕ و کۆپەڵە جەنگێ
کووجی و کۆڵانی ئارێنمێ دەنگێ

هەتا دەسێما جە گۆ شێنێوە
قاچ و قولێما سوورێ بێنێوە

ئێنمێوە یانە پەی دەوروو چراوێ
تەڕ و تڵیس عەینوو مڵەو زەلکاوێ

ئانە سەیرانما و شاروو گەما بێ
پەیما شاۮیانە و مێمڵوو خەما بێ

هەزاران داخێم پەی ئا ڕوە وەشا
هەتاکە مەنوو جە ویرەم مەشا

ئیسە ئەوگاروو فیز و دەماری
پا بەسە و دیلوو خیابانا شاری
(فەهیم )

@VANADIHOWRAMAN