🌼 رەنجوری و پاییز🌼

واتم ئەی نەمام ! نادرەی داران !
رەنگین چون قوماش خاسەی تجاران

باڵا وە کاڵای ، قیمەت دارەوە
قامەت وە قوماش یەمەن شارەوە

سەۮ شکور وە فەیز ، کارساز کاران
تۆ کەردەن وەشەوق باڵای وەنداران

یەچێشەن بەی تەورمەلەرزی وە لەرز؟
لەرزان تەرجە توڵ ، تاف پای قەڵوەز

دیم ئاما وەدەنگ وات : ئەی دەردەدار
(رەنجوری) ئەوڵاۮ ، قێس هێجران بار

راسەن هام وەبەرگ سوەیل رەشتەوە
بەکاڵا و واڵای ، نوور پێ وەشتەوە

بەی تەور بەی قانوون ، تەمام تۆفمەن
وەلێ جە وای سەرد یەکسەر خۆفمەن

مەتەرسوون نەباجەی جای رواندا
بۆزۆم وە کۆسی ، دەرد گراندا

عوریانم کەرۆ ، چون وەنی راگیر
بکەرۆم وە پەنۮ هەر جوان و پیر

واچان : نەمامێ ، جە پای هەردەی هەرد
وەیشوومەی ناهاڵ ، کاڵاش غارەت کەرد

@VANADIHOWRAMAN