حەکایەتێوە سەمەرێ :

جوانێوە ئیتالیایی بەنامێ ئالفرۆدۆ
قەبەزەیوە وچکلەش بێ و هارەق سەگیش چەنە ورەشێ و
شێشەیوەش دێ ۲ لیرێ ، هەرشیشەێوەش پەی وێش بەرئێ
٨ :۱ لیرێ ، گر ڕۆیچ ۲۰۰ شیشێ ورەشێ و دەرامەۮش ڕۆی ٤۰ لیرێ بێ و چەنی ئەۮایش بە سەخڵەتی پەنەش ژیوێنێ ٠

ڕۆی دەوڵەتوو موسولینی قانوونێوەش نیارەو هارەق سەگیش قاچاخ کەرد و بەرەو هارەق ورەشیکاش لاک و مۆر کەردێ ٠

ئالفرۆدۆ پارکێوەنە وێلان سەرگەردان کزۆڵەش کەردەبێ ٠
کوتووپڕێوەنە یۆ پەشتەو سەرەیشەو واتش : ئالفرۆدۆ خاس بێ دیەیمەو ! ئارۆ هارق ورەشیەکێ شاریشا قاپات کەردێ ، یانەنە چێوێت نیا دەیم ؟ جیاتی دوێ لیرا ۱۰ لیرێت مۮەو ٠

ئالفرۆدۆ دەم ودەس فڕەش کەردەو پەی یانەی و شیشەیوەش نیا دلێ تۆرەکڵەی سیاوی و پنانە داش دەسوو مشتەریەکەیەو و دە لیرێش ساناو واتش پەنە : ئەر دیسان گەرەکت بی بۆ بەرە ! ئەر پەرمای هەرکەسێ تەریچەرە واچە : بەی بەرۆ و ڕەمزەیچما ئینێ بۆ
+" ئاغە بەخشدێ ! هێزی گەمەو فووتباڵیت دی ؟+
چەو دما ئالفرۆدۆ لوێ پەی پارکی و هەر ڕۆ مشتەریێش زیاتەرێ بێنێ ٠ دەرامەۮوو ڕوانەیش یاوا ۲۰۰ لیرێ ، یانەش ساناو کارەکەرەش گێرتەی پەی ئەۮایش و ژەنیش دەسگێرتەو دۆس و ڕەفێقێ فرێ و فراوانێش پێۮا کەردێ !
ئالفرۆدۆ کەم کەم شۆرەتش پێۮا کەرد ، پولیس جە دارایی و سامانیش کەوت شکەوە ٠ تۆواچی بە دزییەو هارەق سگی ورەشۆ؟ مەعموورێوەشا پەنانە کیاس پەی تاقێقی ، مەعموور ئی ڕوەکەوە ئاماوە و واتش نەخێر قوربان ئالفرۆدۆ هیچ هەرمانێوە غەیرە قانوونیەش نەکەردێنە !
مەعموورێوەتەرشا کیاست و ئاۮیچێ هەر ئی قسێشە کەردە !
مەعموورێوەتەریچ هەر پی لەونە جوابش ئاردەو پیجۆرە ڕییس پولیس دڵنیا بی کە گیروو گرفتێ کارەنە نیا !
+مەعموورێ پەی بێدەنگی هەرچی ڕۆێنێ ٥ لیرێ ڕشفەت سانێنێ !!!+
یواش یواش ڕەییس پولیسیچ دەسش کەرد بە ڕشفت سانای ٠
هەتا موسولینی شکەش بردە دارودەسەێوە دلێ پولیسینەخجڵوو ڕشفەت سانەینێ ، حەیبەتیێنە دەسڵاتوو سازمانوو جاسووسیش پەی ئێستەیۆ ڕشفەت وەرا زیاتەر کەرد وەلێم داخەکێم کارجەکاری ترازیابێ ٠ ئالفرۆدۆ دەسڵات دارەکێش سانەی بێنێ ، یۆ چانیشا ڕییسوو ئاگایی و هەواڵ زانای بێ کە خەبر ئارێ پەی ئالفرۆدۆی و سەرەشێونێ وەنەو موسولینی ٠
ئالفرۆدۆ چەنی هام پەیمانا (متفقین) دەسێش کەردێ پێوەرە و کارێش کەرد هەتا موسۆلینی وڕۆ ٠ حکوومەتی تازەنە، نیایرەێ و لابەردەی و ڕەییسوو وەزیرا بە دەسوو ئالفرۆدۆی بێ ، جەڕاسینە سیاسیەکێ وەنەشا حاڵی بیەبێ * " دەسەڵات ئینا دەسوو کێوە "* ٠
هەر سیاستمەدارێوە تەقالاش دا هەتا هارەق سەگی ئازاۮکەرۆ بە خرابتەرین شێوە کوشیاو سەربەنیست بی ٠
خەڵکی ئەجۆشا مافیا نەبیەی قانوونینە گەشە کەرۆ جە حاڵێنە جەریان پێچەوانەن ٠ مافیا واردەش قانوونا وەلێم قانوونێوە زیاۮ ە و دەردنەواردە !

هەریاگێنە قانوونی زیاۮە بۆ مافیایچ ئیناچا !*

خەڵکیچ ئەوگاروو دەسوو ئالفرۆدۆانێ ٠

@VANADIHOWRAMAN