FIDE klassik shaxmatdagi vaqt nazoratini qisqartirishni ma’qulladi

FIDE Bosh Assambleyasi klassik shaxmatda qisqaroq vaqt nazoratidan foydalanishni kengaytirish bo‘yicha rezolyutsiyani qabul qildi.

Asosiy taklif — 60+30 vaqt nazoratini klassik shaxmatda qo‘llash uchun maxsus FIDE tasdig‘ini talab qilmaslik. Shuningdek, ayrim musobaqalarda 45+30 formatidan foydalanish imkoniyati ham ko‘rib chiqilmoqda.

Muhimi, ushbu o‘zgarishlar hali kuchga kirgani yo‘q. Yakuniy qoidalar FIDE Council tomonidan ishlab chiqilib, tasdiqlanishi kerak.

FIDE ushbu o‘zgarishlar orqali klassik shaxmatni saqlagan holda, musobaqalarni qisqaroq va tashkiliy jihatdan qulayroq qilishni maqsad qilmoqda.

Manba: FIDE

🕊Telegram 📱Instagram
🔹 Facebook 🌍Veb sayt