Bugun Termiz shahridagi Yoshlar markazida 46-Butunjahon shaxmat Olimpiadasida O‘zbekiston terma jamoasi safida ikkinchi bor oltin medalni qo‘lga kiritgan Shamsiddin Vohidov bilan tantanali uchrashuv tashkil etildi.

Tadbirda Surxondaryo viloyati hokimi Ulug‘bek Qosimov, sport faxriylari, murabbiylar, yosh sportchilar hamda jamoatchilik vakillari qatnashdi.

Uchrashuv davomida Shamsiddin Vohidovning xalqaro maydondagi faoliyati va Olimpiadadagi muvaffaqiyati e’tirof etildi. Shaxmatchiga erishgan yutug‘i munosabati bilan esdalik sovg‘alari topshirilib, kelgusi musobaqalarda muvaffaqiyatlar tilandi.

Shuningdek, tadbirda Surxondaryoda shaxmatni yanada ommalashtirish, iqtidorli yoshlarni qo‘llab-quvvatlash va ular uchun zarur sharoitlarni yaratish bo‘yicha fikrlar bildirildi.

🕊Telegram 📱Instagram
🔹 Facebook 🌍Veb sayt