ULegend - вандроўкі па-беларуску

Сябры, важная навіна для жыхароў Вільні – мы стварылі асобны акаўнт для нашых квэстаў Ulegendquests! 🔥

Там вас чакаюць актуальныя навіны пра будучыя квэсты і івэнты ў Вільні. Акрамя таго, вы можаце замовіць асобна будзь-які квэст для сваёй кампаніі.

А 21 чэрвеня а 14:00 мы вяртаемся з гарадскім квэстам «1863», які сёлета прысвячаем 200-годдзю Зыгмунта Серакоўскага, аднаму з кіраўнікоў паўстання 1863–1864 гадоў.

Пра квэст:
Вы перанясецеся ў 1863 год: вораг перахапіў чалавека з паролямі для паўстанцаў, атрад чакае на адмысловы сігнал. Ваша місія – прайсці па вуліцах староў Вількі, знайсці падказкі і дапамагчы паўстанцам даведацца пра бяспечнае месца збору.

🔗Усе падрабязнасці па спасылцы на рэгістрацыію

Пасля квэста ўсіх чакае вясёлая вечарына ў Карчме «1863» (Bokšto g. 2), а таксама пачастункі і сувеніры.

📍Кошт з 1 чалавека: 15 еўра (аплата наяўнымі на месцы)

📍 Заслаўе
Старажытны горад з больш як тысячагадовай гісторыяй, старэйшы за Мінск. Тут два гарадзішчы, гісторыя Рагнеды і Ізяслава, эпоха Рэфармацыі і памежнае жыццё міжваеннага часу. Падарожжа пачынаецца з загадкі — чаму станцыя называецца «Беларусь».
Аўтарка : Вольга Абразцова (@volhaabraztsova)

📍 Наваполацк
Малады горад з нечаканым характарам. Гэта не проста “савецкі горад у полі”, а сапраўдная галерэя мазаік і прыклад урбаністыкі з ідэямі Ле Карбюзье. Маршрут прапануе паглядзець на Наваполацк без стэрэатыпаў — праз архітэктуру і гарадское асяроддзе.
Аўтары: МУП (@miensk_urban_platform)

📍 Мір
Адзін з самых вядомых помнікаў Беларусі — Мірскі замак, уключаны ў Спіс сусветнай спадчыны ЮНЕСКА. Гэта не толькі абарончае збудаванне, але і сімвал магутнасці роду Радзівілаў, дзе гісторыя адчуваецца ў кожнай вежы і алеі парку.
Аўтарка: Таццяна Віркоўская (@way.to.myself)

📍 Бабруйск
Горад, цесна звязаны з імем Вінцэнта Дуніна-Марцінкевіча — заснавальніка беларускай драматургіі. Тут можна прайсціся па месцах, якія захоўваюць яго памяць, і адкрыць для сябе нечаканыя старонкі гісторыі горада і яго крэпасці.
Аўтарка: Дар’я Роскач (@bahouka_art)

📍 Нясвіж
Горад легенд і гісторыі роду Радзівілаў. Ад невялікага двара да неафіцыйнай сталіцы магнацкай “дзяржавы”, які называлі “маленькай Варшавай” і нават “маленькім Парыжам”. Тут пераплятаюцца факты, міфы і сапраўдная веліч архітэктуры.

✨ Усе гэтыя маршруты — гэта магчымасць убачыць Беларусь глыбей: не толькі праз вядомыя сімвалы, але і праз гісторыі, якія часта застаюцца ў цені.

🎧 Вандроўкі дасяжныя праз мабільную аплікацыю ULegend, а некаторыя — і праз Telegram-бота.

💬 А які горад вы адкрылі б для сябе з новага боку? Напішыце ў каментарах — і, магчыма, менавіта туды мы зробім наступны маршрут. 🤗

👟 тэлеграм-бот для вандровак
📱 мабільны дадатак ULegend у Google

—
Instagram | Tik-Tok | Telegram
🌻 Падтрымаць праект

Сёння, 18 красавіка, адзначаецца Міжнародны дзень помнікаў і гістарычных мясцін — дата, якая нагадвае, як важна захоўваць і адкрываць для сябе культурную спадчыну.

Гісторыя жыве не толькі ў сталіцах. Часам яна мацней адчуваецца ў невялікіх гарадах — там, дзе кожная вуліца мае свой голас, а кожны маршрут — сваю гісторыю.

Сёння нагадваем вам пра нашы аўдыягіды па такіх месцах 👇

🌍 Дзе ў замежжы можна знайсці экскурсіі па-беларуску?

Да Дня роднай мовы разам шукаем беларускія галасы ў свеце:

🇵🇱 У Варшаве ў Muzeum Historii Żydów Polskich POLIN ёсць аўдыягіды па-беларуску.

🇱🇻 У Рызе шукайце беларускую версію буклета са славутасцямі горада ў інфармацыйных цэнтрах.

🇵🇱 У Свідніцы ў Царкве міру (Kościół Pokoju w Świdnicy) даступны аўдыёгід па-беларуску, распрацаваны @valoshka93 — у адным з найпрыгажэйшых драўляных храмаў Еўропы.

🎧 Аўдыягіды па-беларуску ў дадатку ULegend дасяжныя ў Мюнхене, Кракаве, Варшаве, Познані і Вільні.

👉 Калі вам больш даспадобы жывыя экскурсіі па-беларуску, звяртайцеся да нашых гідаў:
@lierka_liusterka — Валерыя, гід па Вільні
@warsawspacyr_gid_warsaw — Юрый, гід па Варшаве
@bielaruski_krakau — Зміцер правядзе вас па беларускім Кракаве
@klennik — Марыя раскажа пра Мюнхен

Захоўвайце спіс, абірайце беларускае ❤️

💬 І дадавайце ў каментарах: дзе яшчэ можна знайсці экскурсіі па-беларуску за мяжой?

Instagram | Tik-Tok | Telegram
🌻 Падтрымаць праект

Вітаем у новым годзе і запрашаем на святочны квэст, прысвечаны дню народзінаў Кастуся Каліноўскага!

Сёлета лідэру беларускага нацыянальнага вызваленчага руху спаўняецца ажно 188 гадоў.

У нядзелю, 1 лютага, а 14:00 мы будзем рады сустрэцца ў «Карчме 1863», дзе распачнецца квэст, які потым скончыцца вясёлай паўстанцкай вечарынкай у гонар спадара Кастуся!

Каб прыняць удзел, трэба:

1️⃣ Сабраць каманду ад 1 да 6 чалавек, выбраць назву і кіраўніка. Ён мусіць зарэгістраваць каманду праз форму.

2️⃣ Добра зарадзіце тэлефон і ўключыце мабільны інтэрнэт. Гугліць не толькі можна, але і трэба.

3️⃣ Прыходзьце ў нядзелю 1 лютага а 14:00 у Карчму (Bokšto g. 2). Хто пройдзе квэст хутчэй за ўсіх — той пераможца.

Усе ўдзельнікі атрымаюць сувеніры, а пераможцы — адмысловыя падарункі!

Кошт удзелу ў квэсце 15 еўра з удзельніка. Да сустрэчы на квэсце. Зычым поспехаў!

Instagram | Tik-Tok | Telegram
🌻 Падтрымаць праект

Дзякуй, што былі з намі ў гэты год — слухалі аўдыягіды, хадзілі на івэнты, раілі сябрам, пісалі водгукі і адкрывалі новыя гарады разам з ULegend 💛
2025-ы стаў для нас годам новых магчымасцяў і сапраўды цудоўных сустрэч.

Упершыню ў гэтым годзе мы зрабілі маршрут у калабарацыі: прапанаваныя супрацоўнікамі кампаніі SOFTSWISS пункты сталі асновай эксклюзіўнага шпацыру, які каманда ULegend пераўтварыла ў гісторыю для ўсіх.

Таксама мы сталі яшчэ бліжэй:
📱 аўдыягіды дасяжныя ў мабільнай аплікацыі,
💻 і ў веб-версіі,
🎉 а квэст-івэнты можна замовіць асобна — для каманд, супольнасцяў і сяброў.

У новым годзе мы рыхтуем для вас яшчэ больш эксклюзіўных маршрутаў — па Беларусі і за мяжой. І, вядома, яшчэ больш натхняльных калабарацый 🤝✨

Шчаслівых святаў!
Няхай у 2026 годзе кожны ваш крок вядзе да цудаў, прыгожых месцаў і адкрыццяў, якія захочацца наведваць і перажываць наноў 💫
—
Instagram | Tik-Tok | Telegram
🌻 Падтрымаць праект

🎄 Хочаце адчуць Познань па-новаму гэтай зімой?
Разам з кампаніяй SOFTSWISS мы падрыхтавалі маршрут, які вядзе праз атмасферныя вулачкі, назіральныя пляцоўкі, цёплыя кавярні і месцы, дзе гісторыі жывуць на кожным кроку.

А яшчэ — калядная армасфера!
На шляху вас чакаюць дзве святочныя ярмаркі, якія працуюць аж да 6 студзеня на:
✨ Plac Wolności
✨ Stary Rynek

Гэта не проста шпацыр — гэта маленькая казка, створаная тымі, хто сапраўды ведае Познань і любіць яе.

📲 Маршрут у мабільным дадатку і веб-версіі ULegend
— дасяжны бясплатна
— з аўдыягідам ад чароўнай @karalionak.vola
— на беларускай і рускай мовах
— і ідэальны для калядных выходных 💛

Запрашаем на шпацыр, і няхай свет навокал будзе цёплы нават узімку ❄️✨

—
Instagram | Tik-Tok | Telegram
🌻 Падтрымаць праект

Сёлета адзначаецца 260-гадовы юбілей Міхала Клеафаса Агінскага – дыпламата, палітыка, мецэната і аўтара легендарных паланэзаў. Яго жыццё – гэта суцэльныя таямніцы. Нават дагэтуль даследчыкі спрачаюцца пра дату і месца яго нараджэння!

У суботу, 6 снежня, запрашаем на квэст «Род князёў Агінскіх» у Вільні. Вы знойдзеце мясціны, звязаныя з Агінскімі, даведаецеся пра паходжанне роду, выбітных яго прадстаўнікоў, каханне і розныя авантуры, а таксама пачуеце фрагмент паланэза ўжывую. Пасля квэста далучайцеся да вечарыны з адмысловым госцем і канцэрт-лекцыяй пра Агінскага.

📍 6 снежня, 14:00
📍 Збор: Званіца Кафедральнага сабора

Удзельнікі атрымаюць сувеніры, пераможцы – падарункі.
Вазьміце тэлефон з інтэрнэтам і паўэр-банк – гугліць можна і трэба!

🔗Рэгістрацыя да 5 снежня па спасылцы

🇪🇺Праект рэалізуецца пры фінансавай падтрымцы Еўрапейскага звязу.

Напярэдадні 119-годдзя з выпуску першага нумара «Нашай Нівы» запрашаем на квэст па Нашаніўскім часе!

«Наша Ніва» – першая «беларуская газэта з рысункамі», якая стала сапраўднай нацыятворчай з’явай. На яе старонках публікаваліся вядомыя літаратары і грамадскія дзеячы, складаліся нормы сучаснай беларускай мовы.

А на вечарыне пасля квэста ў нас будзе адмысловы госць, які ў 1990-х працаваў ужо ў адноўленай Нашай Ніве ў Вільні і ў Менску – журналіст, пісьменнік і бард Зміцер Бартосік. Нашаніўская тэма займае значнае месца сярод ягоных спеваў і літаратурных твораў

Калі і дзе:
Нядзеля, 16 лістапада, 14:00
Месца збору: Базыльянскія муры (Aušros Vartu, 7)

Усе ўдзельнікі атрымаюць сувеніры, а пераможцы – адмысловыя падарункі.

Што браць з сабой: тэлефон з мабільным інтэрнэтам і паўэр-банк. Гугліць трэба!

🔗Спасылка на рэгістрацыю

Рэгістрацыя пажадана да канца дня суботы, 15 лістапада, але ў выключных выпадках — і на месцы.

🇪🇺Праект рэалізуецца пры фінансавай падтрымцы Еўрапейскага звязу.

Надыходзяць Дзяды - старадаўняя традыцыя ўшанавання продкаў.
На гэтых выходных адбудуцца 2 шпацыры памяці па Росах і Бернардынскіх могілках, якія дазволяць дакрануцца да памяці выбітных людзей, тут пахаваных. А гэта паўстанцы і навукоўцы, мастакі і літаратары.
✅ Адмыслова завітаем да помнікаў беларускіх дзеячоў пачатку 20-га стагоддзя: Антона і Івана Луцкевічаў, Лявон Вітан-Дубейкаўскага, Казіміра Сваяка, Францішка Аляхновіча.

📍Росы:
Збіраемся 1 лістапада (субота) ў 16:00 каля галоўнага ўвахода на могілкі
📍Бернардынскія:
Збіраемся 2 лістапада (нядзеля) ў 13:00 каля ўвахода на могілкі.

✅ Бярыце з сабою знічы (лампадкі) і БЧБ стужачкі.
✅ Данаты вядоўцы вітаюцца!

Сябры, нагадваем, што сёння заканчваецца рэгістрацыя на гарадскі квэст "Філаматы і філарэты", які адбудзецца ў суботу 25 кастрычніка ў Вільні. Пачатак а 14:00 у Базыльянскіх мурах (Aušros Vartų g. 7B)
Рэгістрацыя тут. Чакаем і зычым поспехаў! 🤗

Instagram | Tik-Tok | Telegram
🌻 Падтрымаць праект

Сябры, запрашаем Вас у гэтую нядзелю 19 кастрычніка на аўтарскую экскурсію па Вільні, прысьвечаную 260-гадоваму юбілею Міхала Клеафаса Агінскага, аднаго з самых вядомых кампазітараў у сьвеце, які сябе ім не лічыў, а насамрэч быў палітыкам, дыпламатам, паўстанцам ды мецэнатам.

Жыцьцё князя Міхала Клеафаса Агінскага поўнае таямніцаў, неверагодных сюжэтаў, раманаў, і вядома, паланэзаў )) Дарэчы, хто напісаў паланэз Агінскага - не такі ўжо і жарт. А ў нібыта юбілейны год дасьледчыкі сталі аспрэчваць нават яго дату ды месца нараджэньня.

Ня менш захапляльнымі былі жыцьцёвыя гісторыі ягоных продкаў, сваяко ды нашчадкаў. Мы з вамі знойдзем некаторыя памяткі гэтага незвычайнага княжацкага роду ў Вільні і пагаварым пра выбітных яго прадстаўнікоў.

Пачатак а 16-й гадзіне. Рэгістрацыя ў гугл-форме ці ўпрыват праз тэлеграм @liusterkavilnia

Гэтым разам экскурсія платная - каштуе 15 еўра, але падпісчыкам ULegend, групам ад 3 чалавек - зьніжкі. Дзецям да 12 год бясплатна.

Але хутка - бясплатны квэст па роду Агінскіх!