Абай облысында тазалық ережелерін бұзған 11 мыңға жуық тұрғын жауапқа тартылды

"Таза Қазақстан" акциясы аясында Абай облысының полиция қызметкерлері 2,6 мыңнан астам рейд жүргізіп, жыл басынан бері 10 979 құқық бұзушылықты анықтады. Тіркелген деректердің ішінде абаттандыру ережелерін бұзудың 9 227 фактісі және ортақ пайдаланылатын орындарды ластаудың 904 жағдайы бар. Тәртіп бұзушылықтардың 1 330-ы бейнебақылау камералары арқылы тіркелген. Полиция өкілдері тұрғындар мен кәсіпкерлер арасында түсіндіру жұмыстарын жүргізіп, қоршаған ортаны таза ұстауға шақыруда.