Досхан Жолжақсынов – 75 жаста

Алматы әкімі Дархан Сатыбалды Қазақстан Президенті Қасым-Жомарт Тоқаевтың атынан Қазақстанның халық артисі, театр және кино актері, режиссер Досхан Жолжақсыновты 75 жасқа толған мерейтойымен құттықтады.

Мемлекет басшысы құттықтауында өнер иесінің көп жылғы еңбегі мен ұлттық өнердің дамуына қосқан зор үлесіне тоқталған.

«Сіз салиқалы ғұмырыңызды ұлт руханиятын ұлықтауға арнап, үздіксіз шығармашылық ізденістеріңіз арқылы зор жетістікке қол жеткіздіңіз. Дәстүр сабақтастығын сақтап, ізбасар шәкірттеріңізді тәрбиелеп келесіз», – делінген Президент құттықтауында.

Досхан Жолжақсынов шығармашылық жолында ондаған жарқын образ сомдап, көрермен ықыласына бөленді. Ал режиссер ретінде түсірген туындылары отандық кинематографияның дамуына қомақты үлес қосты.

Дархан Сатыбалды мерейтой иесіне зор денсаулық, отбасына амандық, ұзақ ғұмыр және шығармашылық табыс тіледі.