Аимҳәеи егьырҭ асезонтә чымазарақәеи рҿагыларазы алаҵақәа Аԥсны амбулатортә хәышәтәырҭақәа рахь инагоуп, абри атәы арадио Sputnik иазеиҭеиҳәеит Аҟәа ақалақь Агәабзиарахьчара аусбарҭа аиҳабы Ирма Воуԥҳа.
"Уажәазы иҳауит алаҵақәа актәи апартиа. Урҭ ҩбаны еихшоуп — ԥшькомпонентк рыла ишьақәгылоуи, хкомпонентк рыла ишьақәгылоуи. Ԥшькомпонентк рыла ишьақәгылоу 60 шықәса ирҭысхьоу ирзыҟаҳҵоит, хкомпонентк рыла ишьақәгылоу — хәыҷи-дуи зегьы", — лҳәеит Воуԥҳа.
Воуԥҳа иазгәалҭеит, алаҵақәа асезонтә чымазарақәа имарианы рыхгара ишацхраауа.
Инеиҵыху аиҿцәажәара шәазыӡырҩыр ҟалоит абра.
#social
Post #21541
25
