Аҟәатәи раԥхьатәи Жәларбжьаратәи аинформациа-технологиатә форум аатит Аԥсны.
Уи иалахәуп IT-еилахәырақәа рхаҭарнакцәа.
Аилахәырақәа астендқәа рҿы иӡырыргеит рыпроектқәа, уи ашьҭахь апитч-сессиа мҩаԥгахоит, уаҟа аспикерцәа иҟаҵәҟьоу акеисқәа аҭааҩцәа ирыцеиҩыршоит.
"Ари атехнологиатә суверенитет аҿиараҿы илагала дууп. Саргьы ари акрызҵазкуа аспектны исыԥхьаӡоит ҳаалыҵқәа ԥхьаҟа ргаразы, ҳтәылауаа рыԥсҭазаара еиҳа иманшәалахарц азы", — ҳәа азгәеиҭеит адепутат Инар Саӡба.
Афестиваль иалахәуп Урыстәыла арегионқәеи Нхыҵ Кавказ ареспубликақәеи рҟынтәи аделегациақәа. Зынӡа 300-ҩык инареиҳаны алахәылацәа ыҟоуп.
Аҟәатәи Жәларбжьаратәи аинформациатә форум — еихдоу Урыстәылеи Аԥсни рҿартә форум аҩбатәи аетап иахәҭакуп. Иара мҩаԥыслоит жьҭаара 16-18 рзы.
Афорум актәи аетап еиҿкаан лаҵарамзазы Нальчик ақалақь аҿы.
Post #21551
32