Ашәҟәыҩҩцәа Владимир Занҭариеи Анатоли Лагәлааи ргәалашәара ахәылԥаз алахьеиқәреи аԥхарреи ацны имҩаԥысит лҳәеит Аԥсуаҭҵааратә институт аусзуҩы Альбина Анқәабԥҳа.

Аусмҩаԥгатә аԥсуа-адыга фестиваль "Арифмақәа Риҵаҟны" аҳәаақәа ирҭагӡаны имҩаԥысит. Апроект авторс дамоуп апоет, адраматург Зарина Ҟаныҟәа.

Анқәабԥҳа лажәақәа рыла, агәалашәаратә хәылԥазы иаҭааит Ҟабарда-Балкариа, Адыгеиа, Ҟарачы-Черқьесиа рҟынтәи аделегациақәа, иара убас Аԥсны апоетцәеи, алитераторцәеи, актиорцәеи. Иара убас ахәылԥаз иалахәын зхатәы жәеинраалақәа зыҩуа аҿарацәа.

Инеиҵыху аиҿцәажәара шәазыӡырҩыр ҟалоит абра.

🖇 Владимир Занҭариа — апоет, академик, афилологиатә ҭҵаарадыррақәа рдоктор, Д. Гәлиа ихьӡ зху Аҳәынҭқарратә премиа алауреат, "Ахӡ-Аԥша" аорден II аҩаӡара занашьоу, иԥсҭазаара далҵит 72 шықәса дшырҭагылаз хәажәкыра 21 2026 шықәсазы.

Анатоли Лагәлаа — аԥсуа поет, апрозаик, апублицист, СССР-и, Урыстәылеи, Аԥсни рышәҟәыҩҩцәа реидгылақәа рлахәыла, ажурнал "Алашара" аредактор хада "Ахьӡ-Аԥша" аорден III аҩаӡара занашьоу. Иԥсҭазаара далҵит жәабран 15 рзы 64 шықәса дшырҭагылаз.
#social