Аԥсны аҭҵаарадыррақәа ракадемиеи Урыстәылатәи аҳәынҭқарратә социалтә университети аусеицуразы ирыбжьарҵаз аиқәшаҳаҭра — аҵарауаа ҿарацәа реизҳараҿы имаҷымкәа алшарақәа ҳнаҭуеит ҳәа иԥхьаӡоит аҭҵаарадыррақәа ракадемиа ахада Зураб Џьапуа.
Аԥсны аҭҵаарадыррақәа ракадемиеи урыстәылатәи аҵарауааи, урыстәылатәи ацентрқәеи аусеицуразы еиуеиԥшым аиқәшаҳаҭрақәа рыбжьоуп иҳәеит Џьапуа.
"Иҟоуп аиқәшаҳаҭрақәа акыр ибзианы аус зуа, иҟоуп аиқәшаҳаҭрақәа иҵегь ибзианы аус рундаз ҳәа ззуҳәаша. Егьа ус акәзаргьы, абас еиԥш аусеицуразы аиқәшаҳаҭрақәа - ихадароу мҩаны ҳахәаԥшуеит. Урыстәылатәи аҳәынҭқарратә социалтә университет ахырхарҭақәа рацәаӡом, аха зегь раԥхьа исыргылоит - акадрқәа рааӡара", — иҳәеит аҵарауаҩ.
🖇 Аиқәшаҳаҭра рнапы аҵарҩит Аԥсны аҭҵаарадыррақәа ракадемиа ахада Зураб Џьапуеи Урыстәылатәи аҳәынҭқарратә социалтә университет аректор Андреи Хазини. Уи адагьы, Аԥснытәи аҳәынҭқарратә университети урыстәылатәи аҵараиурҭеи аусеицуразы аиқәшаҳаҭра рыбжьарҵеит.
#social
Post #21507
31
