Аԥсуа ҳәынҭқарратә аҿар ртеатр "Зеиԥшыҟам ахаҵа" аԥхьарбара мҩаԥысраны иҟоуп жьҭаара 15 рзы.

Аспектакль ҿыц ақәыргыларазы иааԥхьоу урыстәылатәи арежиссиор Михаил Лебедев— аус ицура мариоуп иҳәеит "Зеиԥшыҟам ахаҵа" аҟны ароль хада назыгӡо Аԥсны зҽаԥсазтәыз артист, актиор Аслан Анқәаб.

"Ақәыргыламҭа — иҿыцу аформа аиҭеит. Иахьатәи ҳаамҭазы аспектакльқәа рықәыргылашьа дазааигәоуп. Аҩымҭа асценахь ииганы ахәаԥшҩы иирбарц шиҭаху уи ауп —актиор модельны дааирԥшоит. Уи иаанагаӡом актиор ицәаныррақәа амхуп ҳәа, актиор аус шиуц иуеит. Инаугӡо ахаҿсахьа аҭҵаараҿы уирманшәалоит", — азгәеиҭеит иара.

Актиорцәа асценаҟны реизыҟазаашьақәа — иҿыцу форманы иҳадгылоуп ҳәа иҳәеит Анқәаб.

🖇 Аԥсуа ҳәынҭқарратә аҿар ртеатр "Зеиԥшыҟам ахаҵа" аԥхьарбара мҩаԥысраны иҟоуп жьҭаара 15 рзы. Оскар Уаильд иҩымҭала аспектакль ықәиргылоит арежиссиор — Михаил Лебедев, аԥсшәахь еиҭеигеит — Нарсоу Абыхәба, асахьаҭыхҩы — Ксениа Бондаренко.

Инеиҵыху аиҿцәажәара — авидеонҵамҭаҿы.
social