Аԥснытәи агимнастка қәыԥшцәа жәаҩык Пензатәи аобласт аҿы аспорттә ҽеизакрақәа ирылахәхоит.

Аспортсменкацәеи азыҟаҵаҩцәеи ҳаамҭазтәи агимнастиказ иреиӷьу ацентрқәа руак аҿы аҽазыҟаҵара иахысуеит, уаҟа аԥхьагылара змоу аметодикақәа рнапахьы иааргар, аспорттә технологиа ҿыцқәа ирабадырыр рылшоит ҳәа еиҳәеит Урыстәыла ацҳаражәҳәаҩ Виачеслав Гладков.

Апроект адгылара арҭеит Пензатәи аобласт агубернатор Олег Мельниченкои арегион аспорт аминистр Евгениа Бочкаревеи.