Аԥш ааргоит — ашыла ргоит,
Алу кҿаԥыруа илагоит.

Аԥсуаа рыбзазара иахәҭаку ахаҳәтә маҭәар —алу Сергеи Дбар ихьӡ зху Гәдоуҭатәи аҳәынҭқарратә музеи аҟны ицәыргоуп.

"Шәышықәса инеиҳаны изхыҵуа алу ҳмузеи иалҭеит Олиа Базба-Зыхәба. Абри алу аус алылуон лара, еиқәлырхеит. Усҟантәи аамҭазы аџьықәреи злагар зҭахыз зегьы лара илзаауан", — лҳәеит амузеи аиҳабы Гәыгәыца Џьыкырԥҳа.

🖇 Аԥсны жәлар Рџьынџьтәылатә еибашьра иазку Сергеи Дбар ихьӡ зху Гәдоуҭатәи аҳәынҭқарратә музеи аартын 1994 шықәсазы. Иахьа Гәдоуҭатәи амузеи азалқәа 8 рыла ишьақәгылоуп.
#social