"Аԥсны акоманда" иалахәу зегьы аиааира ргеит ҳәа иԥхьаӡоит Џьон Ҭарба.

Аицлабраҿы аиааира згаз Ҭарба ақыҭанхамҩа аминистрра аусзуҩыс аус иуеит, иара иажәақәа рыла, уи аҽалархәразы ииӡбаз зыдҳәалаз имчқәа ԥишәарц ахьиҭахыз акәын.

"Исыцхрааз инҭкааны исызҳәом, баша аусураҿы иалкаау аҽеизакра, апроекттә менеџьмент, акы алкаара залшом", — ҳәа азгәеиҭеит иара.

Аицлабра аҩбатәи асезон аҿы аиааира игеит ақәҿиара змоу абизнесуаҩ Алексеи Гагин. 10 шықәса инарзынаԥшуа Урыстәыла Ашьаусҭҵааратә еилакы аҿы аус иуит, аусҭҵааҩ еиҳабы иҟынӡа днаӡеит, ашьҭахь апрокуратура аусбарҭақәа рахь аусура диасит, анаҩс Аԥсныҟа дхынҳәит.

"Аԥсны сԥышәа аасырԥшыр сҭахуп. Апрокуратура аусбарҭақәа рҿы, аӡбарҭаҿы аԥышәа змоу акадрқәа роуп иҳагу. Уи зыхҟьо зԥышәа аазырԥшша аспециалистцәа ахьмаҷу акәхап. Сара сидеиа — Урыстәылантәи апрокуратура аусзуҩцәа ааԥхьара ахьрырҭо аҵаратә центр аартра ауп, наҟ-ааҟтәи аҵара мҩаԥысларц азы", — иҳәеит Гагин.

Иара иҭабуп ҳәа реиҳәеит "Аԥсны акомандеи" атәыла ахада Бадра Гәынбеи аинтерес зҵоу, аперспектива змоу апроект адгыларазы.
#social