14,5 нызқь инареиҳаны авагонқәа Аԥсны аихамҩала ианысит жәымз ирылагӡан.
Аиҳарак арацәа зҭаз авагонқәа роуп — 11 164 ак ҳәа аанацҳауеит Аԥсны аихамҩа.
Даҽа 1 505 вагон абылтәы-хьшьтәы материалқәа мҩаннагеит. Урҭ хымԥадатәиуп ауааԥсыреи атуристцәеи еиԥҟьарада былтәыла реиқәыршәаразы.
Иахьатәи аамҭазы активла иҿиоит Урыстәылантәи Аԥсны иалсны Очамчыра абаӷәазахь атранзиттә мҩангарақәа ҳәа азгәарҭеит анаплакы апресс-маҵзураҿы.
Авагонқәа иара убасгьы имҩаныргоит ахәша, атрубақәа, аџырлыхқәа уҳәа аидарақәа.
Post #21364
26