Амина Бикбова лышьразы аус Аԥсны апрокуратура хада аусҭҵааратә усбарҭахь инашьҭуп ҳәа аанацҳауеит аусбарҭа апресс-маҵзура.

Аусҭҵаара адыррақәа рыла, цәыббра 23 асааҭ 23:00 инаркны 00:00 рҟынӡа Едгар Абыхәба Ԥсахара ақыҭа Аерманцәа рымҩа, аҩны Nº7 аҿы дыҟан, арыжәтә ыжәны Урыстәыла атәылауаҩ гәҭакыла дишьит.

Цәыббра 27 рзы Абыхәба даанкылан, иара ихара азхеиҵеит. Цәыббра 29 рзы Гагра араионтә ӡбарҭа дарбаандаҩит.

Аԥсны апрокурор хада аусҭҵаара хаҭала хылаԥшра аиҭоит.

🖇 26 шықәса зхыҵуаз урыстәылауаҩ Амина Бикбова Гагра араион аҿы дышьны дырбеит. Агәызҩара ззыҟоу Едгар Абыхәба иҿахәы аниҿырхуаз ацәгьара иара ишыҟаиҵаз иҳәеит.

Уаанӡа, 2021 шықәсазы иара ахара идҵан урыстәылауаҩ лцәа ԥиҽит, дирҳәит, лгәабзиара ааха ӷәӷәа аиҭеит ҳәа, уи азы 9 шықәса иқәҵан.

Уажәы Абыхәба 12 шықәса рҟынӡа абахҭа дҭаркыр алшоит.