Иаарту аҽазыҟаҵарақәа #ПроНовыеМедиа мҩаԥгахоит Аҟәа, жьҭаара 13 рзы урыстәылатәи ауаажәларратә центр "Ҳара ҳаицуп" аҿы.

Аусмҩаԥгатә "Аԥсны амедиа ҿыцқәа" аҳәаақәа ирҭагӡаны имҩаԥгахоит.

Апрограммаҿы Аԥсны анапхгара рықәгыларақәа, урыстәылатәи ателемҩаԥгаҩы, ажурналист Дмитри Губерниев ирҿиаратә еиԥылара, иара убас аицлабра аҩбатәи асезон аӡыргара.

Алахәылацәа ирзеиҭарҳәоит актәи асезон алҵшәақәеи уи аушьҭымҭацәа рыпроектқәеи ртәы. Анаҩс акультуратә программагьы азгәаҭоуп.

Аҽҭаҩра — жьҭаара 9 рҟынӡа.

Алахәхаразы ааԥхьара рырҭоит аблогерцәа, ажурналистцәа, апресс-маҵзурақәа русзуҩцәа, апродиусерцәа, арежиссиорцәа, асценаристцәа.

Аусмҩаԥгатә Аԥсны аҳәынҭқарра ахада Иусбарҭа ацхыраарала имҩаԥгахоит. Аиҿкааҩцәа — "Амедиа ҿыцқәа рҟазарҭа", аплатформа "Урыстәыла —алшарақәа ртәыла", АНО "Диалог регионы", аҟазарҭа "Сенеж".

🖇 Аконкурс актәи асезон хыркәшахеит сынтәа — ааԥынразы. Уи иалахәын 50-ҩык инареиҳаны амедиа аҟазауаа. Адгылара рыҭан 14 проект.