Аԥсны ахада Бадра Гәынба "Аԥсны Аҳәынҭқарра зҽаԥсазтәыз арҵаҩы" ҳәа аҳаҭыртә хьӡы анашьаразы аусԥҟақәа инапы рыҵеиҩит.

Амузыкатә ҟазара аҿиараҿы рлагалеи, арҵаҩратә усураҿы рылшамҭақәеи, еиҵагыло аҿар разыҟаҵареи рааӡареи рзы "Аԥсны Аҳәынҭқарра зҽаԥсазтәыз арҵаҩы" ҳәа аҳаҭыртә хьӡы рыхҵоуп:

▫️ Кәыҵниаԥҳа Есма Владимир-иԥҳа — А. Ч. Чычба ихьӡ зху Аҟәатәи аҳәынҭқарратә музыкатә ҵараиурҭа арҵаратә хәҭазы аиҳабы ихаҭыԥуаҩ;

▫️ Пигуль Елена Борис-иԥҳа — А. Ч. Чычба ихьӡ зху Аҟәатәи аҳәынҭқарратә музыкатә ҵараиурҭа амузыка атеориа арҵаҩы;

▫️ Саносиан Гоарик Сергеи-иԥҳа — А. Ч. Чычба ихьӡ зху Аҟәатәи аҳәынҭқарратә музыкатә ҵараиурҭа амузыка атеориа арҵаҩы;

▫️ Ҵышәба Светлана Иван-иԥҳа — И.Е. Кортуа ихьӡ зху Гәдоуҭатәи ахәыҷтәы музыкатә школ арҵаҩы.