Арҵаҩи аҵаҩи русеицураҿы акырӡа ихадоуп агәрагара ҳәа азиԥхьаӡоит Абӷархықәтәи абжьаратә школ аиҵбыратә классқәа рырҵаҩы Елҟан Аџьба.

"Ахәыҷы акы дузҵааны иузымдыруазар, иудыруашәа дужьар иашам ҳәа исыԥхьаӡоит. Ишузымдыруа, аха ишизеилукаауа иоуҳәар агәрагара шәыбжьанаҵоит. Уи ахәыҷқәа аԥсуара, ахымҩаԥгашьа, атәашьа-агылашьа дырҵара инаваргыланы ихадоуп ҳәа сыԥхьаӡоит", — ҳәа азгәаиҭеит Аџьба.

Иара иажәақәа рыла, ашколтә ԥсҭазаараҿ хымԥада аҵареи ааӡареи еицнаргозароуп, урҭ иреиҵамкәа ихаданы арҵаҩы иаликаауеит — иҵаҩцәа ауаҩра рылааӡара.

Инеиҵыху аиҿцәажәара шәахәаԥшыр ҟалоит абра.

🖇 Иахьа Аԥсны иазгәарҭоит Арҵаҩы имш. 2026 шықәса хәажәкырамзазы Апарламент официалла арыцхә жьҭаара 5 Арҵаҩ имшны ишьақәнарӷәӷәеит арҵаҩцәа рсоциалтә статус ашьҭыхразы аофициалтә ныҳәатә усуратә мшны.
#social