Аҳәынҭқарра иахагылоу ауаҩы агәаӷьра имазароуп, ижәлар рҭоурых идыруазароуп, иԥсадгьыл бзиа ибозароуп ҳәа азиԥхьаӡот аҳәынҭқарратә, ауаажәларратә усзуҩы Валери Аршба.

"Аӡәы иҳәатәала акәымкәа, ужәлар ринтересқәа ҳасаб рзуны, агәаӷьра аарԥшны аӡбамҭа удукылозароуп. Аҳәынҭқарра ахада иоуп ажәлар еидызкыло. Ҳаибаҭахуп, ҳаиуацәоуп ҳәа иахьа аҳәынҭқарра аргылара залыршахаӡом. Оксфорд далган Аԥсныҟа дааргьы, иуадаҩуп умилаҭ рҭоурых узымдыркәа, рҷыдарақәа узеилымкаауа рлахьынҵа аӡбара", — ҳәа арадио Sputnik аинтервиу аҭо иҳәеит аҳәынҭқарратә, ауаажәларратә усзуҩы.

Иара иазгәаиҭеит, ҳазҭагылоу аамҭаз аҳәынҭқарра ахьыԥшымреи аҵакыреи реиқәырхаразы ҷыдала апрофессионализми азакәан ақәныҟәареи шхымԥадатәиу.

Арадио Sputnik Аԥсны амҩаԥгаҩ Лана Аԥшьлааԥҳаи Валери Аршбеи инарҭбаау реиҿцәажәара шәахәаԥшыр ҟалоит абра.
#social