Жьҭаарамза 11 рзы аҭоурыхтә дәы Лыхнашҭа аҟны аҽаҩраныҳәа амҩаԥгаразы аҽазыҟаҵарақәа ҳрылагахьеит, абри атәы арадио Sputnik иазеиҭеиҳәеит Гәдоуҭа араион ахадара ақыҭанхамҩа аҟәша аиҳабы Иури Кәарцхьиа.

"Лыхнашҭа" иалахәу зегьы рыҩны иҟарҵаз аалыҵқәа, ҭагалантәи ​​ашәырқәа, рнапала иҟарҵаз усумҭақәа наргоит, ацәыргақәҵақәа еиҿыркаауеит ҳәа азгәеиҭеит иара.

"Ари амш аҽазыҟаҵара ҳалагахьеит. Ажәлар рныҳәа иалахәхоит Гәдоуҭа ақыҭақәеи Афон ҿыц ақалақьи. Сынтәа егьырҭ ашықәсақәа раан еиԥш акәымкәа, ҳныҳәа иалахәхаӡом Ҟарачы-Черқьестәылатәи аделегациа, амала дара рҭыԥ хиоуп. Ҳазнеиӡом ҳәа ҳарҳәеит, уи амзызқәа сыздыруам", — иҳәеит Кәарцхьиа.

Кәарцхьиа иажәақәа рыла, есышықәса ишыҟарҵалак еиԥш анхацәа рҽаҩра ӡырыргоит.

Инарҭбаау аиҿцәажәара шәазыӡырҩыр ҟалоит арадио Sputnik аҟны.

🖇 Аҽаҩраныҳәа аҭоурыхтә дәы Лыхнашҭа аҟны имҩаԥыргоит 1984 шықәса раахыс.