Аҳәынҭқарратә тәанчахәытә еиқәыршәаразы азакәан апроект иалацәажәеит Аминистрцәа Реилазаараҿы ҳәа аанацҳауеит аусбарҭа апресс-маҵзура.

Атәанчахәытә шәарақәа рышәагаа атәылауаҩ иџьашықәси иԥгаԥсатә лагалеи ирыдҳәалазарц ажәалагала ҟаҵоуп.

Аусшәҟәы иазгәанаҭоит атәанчахәытә еиқәыршәара ахкы хадақәа рҭышәныртәалара – аџьатә, аԥгаԥсатә, аизактә, иара убас аԥсадгьыл аҿаԥхьа алшамҭа ҷыдақәа рзы атәанчахәқәа налаҵаны.

"Ииашоу аихшареи ииашоу атәанчахәы ашәагааи иарбан ҳәынҭқарразаалак, иарбан ҳәынҭқарратә напхгаҩызаалак дҵас ирымоуп", — иҳәеит аԥыза- министр Владимир Делба.

Аизгақәа рҭагылазаашьазы аинформациа аиура алшоит иаку апортал ҿыц ала.

Аилацәажәара аихшьаалақәа рыла, аԥыза-министр анапынҵақәа ҟаиҵеит, урҭ инарықәыршәаны мчыбжьык иалагӡаны аинформациа рҿыцхоит, апроект анагӡаразы азнеишьақәа азырхиахоит.