Аԥсны иҟоу Урыстәыла ацҳаражәҳәаҩ Виачеслав Гладков ареспублика ауааԥсыра ргәаартреи иҷыдоу аицәажәаратә культуреи азгәеиҭеит.
"Ауааԥсыра даара ргәы аартуп, рцәажәашьа — угәы иахәартә иҟоуп, аинтерес аҵоуп, ганрацәалатәиуп", — ҳәа азгәеиҭеит Гладков Sputnik амҩаԥгаҩ Наала Мықәԥҳа аинтервиу лыҭо.
Иара иажәақәа рыла, Аԥсны ауаа аимадара иазыхиоуп, аицәажәара иазыразуп.
"Даара исҭахуп иазԥхьагәаҳҭаз ҳгәазыҳәарақәа наҳагӡарц", — иҳәеит Гладков.
Иара иазгәаиҭеит Урыстәылеи Аԥсни рыбжьара аинырра аҿиаразы адипломатиатә маҵзура алшарақәа иахьынӡауа рхархәара игәы ишҭоу, Урыстәылатәи Афедерациа аминистррақәеи арегионқәа рхадацәеи ирыбжьарҵаз аизыҟазаашьақәагьы уахь иналаҵаны.
🖇 Шәымш раԥхьа Виачеслав Гладков Аԥсны иҟоу Урыстәыла ацҳаражәҳәаҩыс дҟаҵан. Ареспубликаҿы адипломат иусура раԥхьатәи амзақәа изцәырыргаз агәалаҟара — Sputnik аинтервиу кьаҿ аҿы.
Post #21216
40