Аицлабра "Аԥсны акоманда" қәҿиарала иахьынагӡаз иабзоураны — Аахыҵ Уаԥстәыла аиԥш зеиԥшу апроект аусура иалагарц азы аԥшьгара ҟаҵоуп ҳәа иҳәеит аплатформа "Урыстәыла — алшарақәа ртәыла" адиректор хада Андреи Бетин.

"Апроект Аԥсны анагӡара ианахәаԥш, Аахыҵ Уаԥстәыла аиԥш зеиԥшу апроект аусура иалагарц азы аԥшьгара ҟанаҵеит", — ҳәа азгәеиҭеит иара.

Бетин иажәақәа рыла, иҳаҩсыз ашықәс азы АНО "Аԥсны акоманда" аусура аҳәаақәа ирҭагӡаны еизҳаит ахатәы аусдырцәа, аҟазауаа, акоманда аусзуҩцәа.

🖇 "Аицлабра "Аԥсны акоманда " еиҿкаауп ИЕА "Урыстәыла – алшарақәа ртәыла" ацхыраарала. Аицлабра аҩбатәи асезон хацдыркит сынтәа. Иара алахәхаразы инашьҭын 3 384 зыҳәа.