Аԥсны акоманда ари — ауааԥсыра рыԥсҭазаара ахаҭабзиара аиӷьтәреи аҳәынҭқарра арӷәӷәареи иазхиоу дарбанызаалак ҳтәылауаа роуп ҳәа азгәеиҭеит Бадра Гәынба.

"Ҳара ҳзы — ҳааигәа игыло, ҳҳәынҭқарра арӷәӷәара иазхиоу атәылауаа зегьы Аԥсны акоманда ауп", — иҳәеит иара, аицлабра "Аԥсны Акоманда" аҩбатәи асезон афинал иазкыз аусмҩаԥгатә аҟны данықәгылоз.

Атәыла ахада иажәақәа рыла, аицлабра "Аԥсны Акоманда" амҩаԥгараҿы рхы иадырхәоит иреиӷьу аԥышәарақәа.

"Агәраганы сыҟоуп, аҩбатәи асезон ахьӡ ҿыцқәеи, аидеиа ҿыцқәеи, апроект ҿыцқәеи шҳанаҭо", — иҳәеит Гәынба.