Амузыкант Реваз Нарманиа иҵаҩцәа зегьы ҳзы акультуратә аб иакәын, иареи ҳареи аҳәаа ҳабжьагылаӡамызт лҳәеит иааӡамҭацәа ируаӡәку, иаԥиҵахьаз ансамбль "Анбан" иалахәыз Фаина Матуаԥҳа.

"Иара ҳаидызкылоз аӡә иакәын, абҵас ҳихәаԥшуан, иаргьы убас даҳзыҟан. Дшаҳзыԥшу ҳдыруан, ҳаҩны ҳизцон. Иахьа иҵаҩцәа зегьы ҳаԥсаҟьа ҳаҟазаргьы, — акультура аусура ҳнапы алакуп", — лҳәеит Матуаԥҳа.

Ҳарҵаҩы иԥсҭазаара алҵра иааӡамҭацәа зегьы хьааны иҳадаҳкылеит ҳәа азгәалҭеит лара.

🖇 Р. Гәымба ихьӡ зху Аԥснытәи аҳәынҭқарратә филармониа абжьы арежиссиор, Аԥсны зҽаԥсазтәыз акультура аусзуҩ Реваз Нарманиа иԥсҭазаара далҵит.

Нарманиа 1980-тәи ашықәсқәа рзы Очамчыратәи акультура аҩнаҟны иаԥиҵеит ахәыҷтәы вокалтә-инструменталтә ансамбль "Анбан". Ари ансамбль иааӡеит имаҷымкәа абаҩхатәра змаз амузыкантцәа.

Инеиҵыху аиҿцәажәара — авидеонҵамҭаҿы.
#social