"Аԥсны, уаасацәажәа" ашәеи аклипи раԥҵара Аԥсадгьыл абзиабара иахылҿиааит ҳәа уи аӡыргараҟны иҳәеит ашәаҳәаҩ Армен Хачатуриан.

Акомпозициа Хачатуриан ҳамҭас ииҭеит ашәа автор Александр Оганиан. Хачатуриан иаразнак Альдона Цкәуа адемо-версиа ҳәа изышьҭоу дазирӡырҩит, усҟан лара дагьамхаҵәыуеит.

Аоператә шәаҳәаҩы ахәаԥшцәа ирзеиҭалҳәеит, лара лажәақәа рыла, акинематографиатә ҭоурыхны иҟалаз аклип аҭыхрақәа ртәы.

"Ҳаԥсынтәыла аарԥшуп уи атрадициақәа, акультура, ауаа, аԥсабара рыла. Асимволрагьы аҵоуп, аҭыԥ ҷыда ҳхәыҷқәа иахьрыҭоу, избанзар ахәыҷқәа ҳкультура, ҳдоуҳатә мазара змаҳдо роуп", — лҳәеит лара.

🖇 Аиааиреи Ахьыԥшымреи Рымш иазкны амузыкатә клип "Аԥсны, уаасацәажәа" ӡырыргеит ацентр "Ҳара ҳаицуп" аҟны. Аклип аԥҵараҿы партниор хадас иқәгылеит апродиусертә центр "Интеграциа".
#social