Аԥснытәи аҳәынҭқаратә университет аҟны адиаспора ахаҭарнакцәа арҵараратә программақәа рыҽрылархәразы аҭагылазаашьа аԥҵара иалацәажәеит.

Иреиҳау аҵарадырра аусхк иазку азҵаарақәа жәпакы ирзааҭгылеит ААУ аректор Алеко Гәарамиеи Ҭырқәтәыла еиҿкаау Аԥсуа культуратә хеилакқәа рфедерациа ахантәаҩы Иауз Аҭрышбеи реиԥылараҟны.

Ҳџьынџьуаа Алеко Гәарамиа иҭабуп ҳәа иарҳәеит ҳдиаспора рахь еснагь иааирԥшуа азҿлымҳареи адгылареи рзы.