Аԥсны аибашьра ашьтахьтәи ашықәсқәа раан, аҳәынҭқарра аргыларазы акоманда ӷәӷәа еидкылан, еидызкылозгьы Владислав Арӡынба ихаҭара ауп ҳәа арадио Sputnik аҟны иҳәеит аҳәынҭқарратә, ауаажәларратә усзуҩы Валери Аршба.

"Аԥсны Аконституциа анрыдыркыла анаҩс, амчра еихшахеит — азакәанԥҵаратә, анагӡаратә, агәаҭаратә ҳәа. Зус бзиаӡан издыруаз анапхгаҩцәа, аусзуҩцәа адгалан. Урҭ зегь зыԥсадгьыл бзиа избаҵәҟьоз хаҭарақәан", — ҳәа азгәаиҭеит Валери Аршба.

🖇 Аԥсны Аҳәынҭқарра Аконституциа рыдыркылеит Иреиҳаӡоу Асовет асессиаҿы абҵарамза 26 1994 шықәса рзы. Ари аҽны Аконституциа ҿыц инақәыршәаны Владислав Арӡынба Аԥсны ахадас далхын, 1999 шықәса жьҭаарамза 3 рзы ҩынтәны аҳәынҭқарра ахадас деиҭалхын жәлар рыбжьыҭарала.
#social