Аԥсны аҳәынҭқарратә хортә капелла Москва имҩаԥнагараны иҟоу агастрольқәа рҳәаақәа иҭагӡаны х-қәгыларак рымоуп, иара убас Аԥсны Жәлар рартист Нодар Ҷанба Попов ихьӡ зху ахортә ҟазара Академиаҿы аҟаза-икласс мҩаԥигоит.

Агастрольқәа мҩаԥгахоит жьҭаара 7-11 рзы иҳәеит Аҳәынҭқарратә хортә капелла асахьаркыратә напхгаҩы, Аԥсны Жәлар рартист Нодар Ҷанба.

Иара иажәақәа рыла, апрограмма иарбоуп:

◽️ Жьҭаара 8 асааҭ 16:00 рзы — Аԥсны жәлар рсахьаҭыхҩы Нугзар Логәуа асахьаҭыхратә Академиаҿы хаҭалатәи ицәыргақәҵа аартра иалахәхоит,

◽️ Жьҭаара 9 асааҭ 19:00 рзы — Москватәи аконсерваториа Рахманинов изал аҿы аконцерт ду аҿы имҩаԥгазоит Нодар Ҷанба авиолончель азы Исоната адунеитә ԥхьарбара.

◽️Жьҭаара 10 асааҭ 16:00 рзы — ВДНХ апавильонқәа руак аҟны.

🖇 Агастрольқәа Аԥсны акультура аминистрра ацхыраарала имҩаԥгахоит, уи Урыстәылеи Аԥсни рмузыкантцәа рыбжьара шықәсырацәалатәи арҿиаратә еинырра иацнаҵоит.

Инеиҵыху аиҿцәажәара шәазыӡырҩыр шәылшоит абра.
#social