Аиааиреи Ахьыԥшымреи рымшныҳәа аҳаҭыраз имҩаԥгахо аусмҩаԥгатәқәа рсиа кьыԥхьуп.

Цәыббра 30 рзы ареспублика араионқәа зегьы рҿы имҩаԥгахоит 1992-1993 шықәсқәа рызтәи Аԥсны жәлар Рџьынџьтәылатә еибашьраҿы игаз Аиааира амш иазку аныҳәатә усмҩаԥгатәқәа.

Асааҭ 10:00 рзы Аҟәа, Ахьӡ-аԥша Апарк аҿы Аԥсны жәлар Рџьынџьтәылатә еибашьраҿы иҭахаз рмемориал амҵан ашәҭшьыҵәрақәа шьҭаҵахоит.

Асааҭ 11:00 рзы — Аиааира Апарад. Ахьӡ-аԥша Апарк аҟны, иара убас акциа "Ԥсра зқәым архәҭа".

Асааҭ 11:40 рзы — Владислав Арӡынба ихьӡ зху аҳәынҭқарратә музеи аҿы Нижни Новгород ацхыраарала инагӡахо апроект "Афырхаҵа имҩа" аҳәаақәа ирҭагӡаны аинтерактивтә ҵакыра аартра.

Асааҭ 12:30 рзы — Аԥсны раԥхьатәи ахада Владислав Арӡынба имемориал амҵан ашәҭшьыҵәрақәа шьҭаҵахоит.

Асааҭ 13:30 рзы — Аԥсны аҩбатәи ахада Сергеи Багаԥшь имемориал амҵан ашәҭшьыҵәрақәа шьҭаҵахоит.

Асааҭ 17:00 рзы — Афилармониаҿы аҳәынҭқарратә рҿиаратә коллективқәеи Аԥснытәи аестрада артистцәеи злахәу аныҳәатә концерт.