Аиааиреи Ахьыԥшымреи рымш аламҭалазы Кәасҭа Габниа ихьӡ зху амузеи аадыртит Дәрыԥшь.
Агәаларшәаратә уснагӡатә алахәылацәа ашәҭшьыҵәрақәа шьҭарҵеит 1992-1993 шықәсқәа рызтәи Аԥсны жәлар Рџьынџьтәылатә еибашьраҿы иҭахаз аибашьцәа рбаҟа амҵан.
Агазеҭ "Бзыԥ" аредактор хада Лаврент Гәбаз еиҭеиҳәеит Кәасҭа Габниа иԥсҭазаара, иара убас аибашьра аамҭазтәи ихҭысқәа ртәы.
Гәдоуҭа араион ахада Асҭамыр Аргәын иазгәеиҭеит апроект шынагӡоу Урыстәыла ахада игрантқәа рфонд ацхыраарала.
"Амузеи ҿыц — Кәасҭа Габниеи Аԥсны Аџьынџьтәылатә еибашьра афырхацәеи ргәалашәареи ԥхьаҟатәи абиԥарақәа Аԥсадгьыл ахьчаҩцәа рҭоурыхи рфырхаҵареи рзеиқәырхареи ирзырхоуп", — ҳәа азгәеиҭеит Аргәын.
🖇 Кәасҭа Габниа — 1990 шықәсазы аԥсышәала иҭыжьыз алаф жәабжьқәа реизга "Шәмыччан" автор. 1992-1993 шықәсқәа рзтәи Аԥсны жәлар Рџьынџьтәылатә еибашьра ианалага иқыҭауаа злаз агәыԥ дрыланы арратә корреспондентс афронт ахь дцеит.
Post #21071
25